آخر 10 مشاركات |
|
الـــركــن الــهــــادي .. مرســى صدح الأنا وإختلاء الروح ( راسيه بلا ردود ) .. |
انشر الموضوع |
|
أدوات الموضوع | انواع عرض الموضوع |
30-01-2019, 04:02 PM | #2569 |
|
مبطي وانا بينـي وبيـن الهواجيـس
وقفة تأمـل .. واستراحـة محـارب |
الخط يبقى زمنا بعد كاتبه ،،، وصاحب الخط تحت الأرض مدفون |
30-01-2019, 04:03 PM | #2570 |
|
امـا جلوس الـعـز بـيـن الاجـاويـد
ربعن على المذهب ونعم البطانه وإلا لحالك سـج رجلك مـع البيد و احذر جلوس المهزله و المهانه |
|
30-01-2019, 04:05 PM | #2571 |
|
سهر .. قلة منام .. وخاطري ضايق عرفت ان التعب لاجا معاه اعصاب منشده أناظر مالقيت الا بقايا احلامي توايق ورا باب الأمل والحظ جاها يركض وسده ملل حتى كرهت البوح وماني للحكي طايق صرت اللي شرى له ثوب لبسه وماطلع قده |
|
30-01-2019, 04:07 PM | #2572 |
|
الأنـثى [ ورده ]
لم تختر الأرض التي تخلق بها وتعيش ,. لكنها عاشت وتشبثت جذورها بـ أرض ذات تربه طـآهره تسمى ( أب ) و سقتها و إعتنت بها غيمه بيضـاء حآنيه تدعى ( أم ) عاشت بهم و نمت معهم , حتى توردت وتفـتحت فـ أعجبت أحد الماره و قطــفها .! في بداية الأمر حاول أن يبقيها كما كانت في أرضها , ورديـه .. متفـتحه .. جذآبـه .. عطـره , فـ صنع من قلـبه لها كأس / و ملئه بـ ماء عينه وسقاها سقاها سقاها عآآشت ولم تبدأ بالذبول إلا عندما أحست بـ تجمد قلبه و جفاف ماءه .! كان يمكن لها أن تذبـل مذ قطفها أول مره لكن لونها الوردي لم يخلق عبثا" ..! خلقت هكذا لـ تجعل الحياة ورديه ملونه بها , لذلك إستطاعت التعايش مع بيئتها البديله ..! لكن الإهماال و قلـة الإهتمام كانا كفيلان بـ ذبـولها و تيـبس أوراقها دون أي نقص بها .! لذا ... قبل أن تقطف ورده أعجـبتك تعلم كيف تكون بـ[ طهر تربة والدها و حنان غيمة والدتها ] لـ تصبح كل ذلك لها , فلا تمووت بـ يدك ..! |
|
02-02-2019, 10:54 AM | #2573 |
|
البارحه جاني من الشوق مرسال الشاهد الله يوم شفته تهنّيت من جوهرتنا ذربة الحرف والقال أصدق مشاعرها لمسته وحسّيت أبيات صاغتها جواهر على آل عجزت أنقّي من غلاها ولا بيت عريبة المنسب من العم للخال من طيّب النّبته تبين المنابيت أغليتها لاشكّ والقلب ميّال طبعي إذا حبّيت من قلبي أغليت جت فوق هقواتي على كل معدال الله هداني يوم فيها تهقويت ليت المعاني تنتظم وسط سلسال وانظم ثمين القاف والشعر ياليت والله لالبسها بلا شك واختال وافخر بها بين الملا لاتباهيت يالجوهرة لاتشغلك بعض الأحوال لايشغلك حالي إذا غبت وأبطيت وسط الحنايا لك من الجال للجال سيرة غلا ماتنتهي رحت أو جيت ولك في عيوني ياغلا الروح منزال وداخل رياض القلب شيّدت لك بيت بعض الغلا يثبت كما تثبت جبال حتى ولو أبطيت عنه وتنحّيت ولايشغلك ياغالية هرج جهّال لاتزعجك بعض العلوم الفتافيت بعض الرجال المعذره ماهم رجال ماتعرفين الحي منهم من الميت البعض مايسوى ولايوصل ريال ويخيس لو حطّوه وسط الحوانيت كذّاب في غالب هروجه ومحتال ومايحمل إلا الشر مثل الطواغيت لو بحسب الشينه ترى ليلنا طال أزرى المربّي ( مثل ماقيل ) وأزريت والبعض لا والله صناديد وأشبال يطير لانادوه مثل العفاريت خفيف نفس وللمواجيب حمّال ولايترك المسجد بكل المواقيت ثابت على مبداه لو مات مامالل اشفت مثله داخل القلب سمّيت لكنّهم قلّه مثل حبة الخال في وسط قفرا كلها هيت في هيت ياللي تحسب المرجله هرج وجدال زليت في ظنّك بلا شكّ وأخطيت المرجله ماهي ترى كثرة أموال الفقر ماعيّب قروم وشفاليت والمرجله ماهي ترى بشت وعقال ونتفة شنب لاحكّه الموس صديت والمرجله ماهي خلق ثوب وسمال وشماغ من كثر النشا به تنشيت وتطرد بنزواتك ورا كل خلخال ياكم لقيت من المهانه وهجّيت والمرجله ماهي ترى هرج جوّال وتعيش لحظاتك خداع وتناهيت لاهمّتك زوجه ولاهمّك عيال راحت حياتك بالسخافات تشتيت المرجله صدق المواقف والأفعال وسلوم مايقدر عليها الهلافيت وختامها يالجوهره سترك الفال يحفظك ربي كل مااصبحت وامسيت وحبّك ترى مايثبته قطع ووصال مادام لك في خافقي يالغلا بيت |
|
02-02-2019, 11:16 AM | #2575 |
|
يآ ليت ل وجيه النوايا مرآيا ما كان حارت فالنوايا نوايآي احيآن اصدّق ف الوجيه النوايا واحيآن اجمّع كذبها يا بقآيآي لو كنت اجمّع عَتْمَها ف الزوايا يمدي إمتليتي روسهم يا زوايآي اصدقهم اللي لآجلس من ورايآ ساكت و كنّه ماجلس في حنآيآي تعبت اقول اللوم ما به سوايا و تعبت اعدّي غلطة الغير ويّآي نآمت علىَ مدري جميع الخطايا يا ليتها ردّة فِعل من خطآيآي تعبت اكون اللي كتمت بحشايا هم ليش حَبّو تلتوي يوم يمناي حاولت اغطّي ب إبتسآمه بلآيآ عشان ماتدري عن الخافي إعداي الله و اكبر لآ ابتسمت و حنآيآ يشيل ما تعجز علىَ شيله إعضاي يآ ليت تُكتب ف الجبين النوايا ما كان حارت ف النوايا نوايآي |
|
04-02-2019, 02:05 AM | #2576 |
|
كنـت هنا ،،
استمـر بـ ابداعك،، دُمت بخير:) |
يُقال دعوة أربعين شخص مسلم مُستجابة, اذكرونِي بدعوة لعلّ احدكم اقرب مني الى الله منزلةً وله دعوة لا تُرد. |
|
|