آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
04-03-2019, 10:25 PM | #25297 |
حزب العاصفه
|
شطحة ما قبل النوم
ياوجهه اللي فيك نور وبشاشه=ورمش ونواعيس وثمانٍ مباهيش وردك جزع من ناعسك يوم ناشه=قل ما امنعك سلهم ولكن بشويش يشبه لباقة ورد تعرض بشاشه=او روضةٍ نباتها ما بعد نيش من طلته باعضاي صار ارتعاشه=ارفق عليِّ شوي انا ودي اعيش |
|
04-03-2019, 10:36 PM | #25298 |
حزب العاصفه
|
ابا ارقد وشفت اسماء متيم وبحر الشوق=اسمين وبهن لي عن خشفٍ متيمني ممشوق القوام اهيف حشا حالي المنطوق=بسبعين قُبسه من بهالترف لايمني على مثل هذا خاطري من سنه مطروق=ما انشد بعد فقده من هو اللي ينادمني |
|
05-03-2019, 02:20 AM | #25299 |
|
من أجمل ,, ماكتبت في مدونتي من عذب الكلامم ,
ذكرى عزيزهـ ع قلبي رحمك الله يابو مشعل https://www.r111n.com/t30469-27.html |
الخط يبقى زمنا بعد كاتبه ،،، وصاحب الخط تحت الأرض مدفون |
05-03-2019, 02:21 AM | #25300 |
|
تسليه
ياحسين الصوت والصوره قمر .. والعيون الناعسه ضحكتك ياسيدنا تجلي الكدر .. والاماني اليائسه عيني ماشافت مثيلك في الوجود راعني وكمل جميلك ياعنود كم سهرت معاك ياعذب السهر .. والنجوم الحارسه تشهد اللقيا على مد النظر .. والسحابه المائسه اني بالدنيا عليك ليلي طال راعني وكمل جميلك بالوصال ياورود الحب ياعطر الزهر .. والمعاني تلامسه كل حرف وسط قلبي لك ظهر .. نبض قلبك حاسه قالت بقلبك دليلك لاتغيب راعني وكمل جميلك ياحبيب |
التعديل الأخير تم بواسطة خيال مطير ; 05-03-2019 الساعة 02:24 AM
|
05-03-2019, 02:24 AM | #25301 |
|
تسليه
الغايب اللي غيابه زاد عن حـــــــــده ليتـه درابـي غيـــــــــابـه ويـن ودّانـي خلاني آهيــــــــــم من فرقاه 00 واوده وصحرا الظما من ظمايه تعقد لساني غاب وتركني وحيد 00 وخافقي هــده يكتبني الحــــــــزن من عقبه ويقراني حتى النظــــــــر ما طراله يمي يلـــــده ولا كنه اللي سكن في وسـط وجدانـي اللي مكانه بقلبي ما احــــدٍ ســـــــده ولا حـل بقلبـي مكانـه واحـــــد ٍ ثانـي أتلا العهـــد فيه قبل العام في جـــــده ومن بعـد عاميـن لا جيتـــــه ولا جانـي الصاحب اللي مثــــــل ضوح القمر خده في عتمه الليل نوره هيــــض اشجانـي متى حنيني وصـــــــدق اشواقي تـــرده ويصبـح بكفـي مثــــل خاتـم سليمانـي وكان الغلا والوفا والحـــــــب ما ســــــده معـذور لا مرنـي عجـــــــــــــل وتعدانـي من لا وفالي بوقت الضيــــــــق ما أعده لو كان عندي غلاه يسـاوي إخـــــوانـي |
|
05-03-2019, 12:38 PM | #25302 |
حزب العاصفه
|
يعني البارح لك حصري السجن/ ما قصرت وصح لسانك ولاهنت
ــــــــــــــــــــــــــــــــــــــــــــــــــ ـــــــــــــــــــــــــــــــــــــ ياشيب رمشي من سوياك شيباه=مافي عرق الا ورمشك لعبه ارتاع من سلهامة الرمش وابغاه=يطفي بالاطراقه لهيب ويشبه قبله ما اعرف اللي يسمونه الآآاه=وبعده عليه ادمنت واصبحت احبه |
|
05-03-2019, 03:35 PM | #25303 |
أبعد قريب
|
مساء النور و السرور حياك الله ناقدنا و هلا بالجميع منورين كل باسمه بس للآن ماادري من أسير الهوآوي و اميرنا خفير على مين؟ يسعد مساكم بالرضا من ربي و هذي تسالي العصر مع الشاهي احلى ____________________ مـن الـتـلـمـيـــــذ في أمّ المــــدارس إلى حـمـلـــة شـهــــادات الـــدروس لـمـا الـتفـكـيــر ضــدّه ألف حـــارس وهــوعـن ظلمــة الجـاهـــل تـروس فلا يــرقى المصـاعـب غير فـــارس على الأهـــوال بـ ايـمـانــه يــــدوس و حنّا جـيـل عــاصــر بـرد قـــارس و جـرّعـنــــا الزمن مـــرّ الـكـؤوس بـــ وقــت ٍعــلّــــم الأمـّـي و دارس و لا خـالـط صفــا النـيـّــات ســـوس تـعــلّمـنـــا الـجنى من كـفّ غـــارس و فـي كــل الـعـلـــوم لـنـــا غــروس ربـيـنــا و ديـنـنــا سـاس المغــارس و بــــرّ الوالــــدين اعــظـــم دروس رضـاهـــم عن جحـيــم الله متــارس هـنـيّ الـلــي لـ مـآطــآهــم يـبـــوس _______________________________ متّبــع درب الخـراب يعـــاب كـ الّلـذي يرقى كثيب مهـيــل أو كما نجم ٍ يطيح شْـهــــاب يحتـرق بـالجــوّ قبل يـغـيـــل هزّني صمت الـفــؤاد و ذاب لين غــرّق دمعـي المنــديـــل عشت مع صادق ومع كذّاب تـهــت بين الظل و التـظليــل بين بيبـــان المــوافـــا بــاب مــات مفتــاحـه بـكـفّ بخيـل حـرّم المعبــود شرع الغــاب في هدى التـنـزيـــل كل دليـل بين قطع رقـاب وعتق رقاب مثـلمـا بين الســرا و الـنيــل العفـاف اطهر و اعـزّ ثـيـاب و العزيــز بـدون ديـن ذليـــل دين جـاعـل كل شي بـكتــاب منــزل التـــوراة و الإنجيـــل غـافـر الذنب العلي التـــوّاب مخـزي اهل الفيل بالسجّـيــل ___________________________ هذا زمان ٍ من زرع به ما صــرم وكل ٍ على ليلاه يبــدي مشــاكيـــه مـا كلّ رجّـــال ٍ تـشـمّــغ محـتـــرم ولا كلّ من جـمّـل كلامــه توافيــــه ما تحضن الكف النديّــه من هضـم أغلى الحقـوق و ذوّق المر غاليـه يا كيف حــر ٍ قـمّـتــه فـوق الـقمـم حـداه وقته ينتـزع ريشـه بـ فيـــــه والاّ عطـارد كيف بالزهــره صــدم و اتفجّـر من القرب مغلي و مغليه حتى الملـوك بنـارهـم صاروا خـدم كل ٍ جحــد للـذات لـو كـان تدعـيــه يـا عـلّ يمنــاً ما يدسّمهـــا الشحـــم تقطف خريف عروقهــا ما تداريـــه و ياعلّ يهنـأ بالوســم راعي الغنــم ما يـرتحـل ويطــارد الغيــم بالتيــــه _______________________________ ( وحيد ) ماتعني ( لحالي ألمح ظلالي سؤال و ساهرٍ في ليل بالي ملتهي ... ملهي و نبضي مغترب في عين غالي ) .. ( تعني ) انّي رامي ٍ بيـدينكم قلبٍ عنيـد و بـ صراحه تعني اجرح كل شريان و وريـــد إيه يا جرح ٍ طرقته تايهٍ يمّك طريق يالصديق اللي صدقته كيف لا خانك صديق كيف لا صارت عيونك تنطمس بالنور طمس و كيف لا بشّرك باكر بالرمس في جوف الامس !؟ فلا تصوغ لناظرك عقدٍ فريد و لاتقول اسبق عذابي و انتحر لا ما يفيد وما يسمّى كل غرقان ٍ شهيد ____________________________ يا نجم يالّلي رعاك الشوف دون المجرّه سـريـت عنّي و انا عـيني لـ ضـيّـك رقيبــه تركـتـني في دجـى ليـل ٍ بلاني بـ شــرّه غريب واصدق معاني الحب صارت غريبه حـرام و اللّه يا مـن صـرت للعـيـن قــرّه تـخـلّـي الّلي بــدا فـي حبّـكم يـنـتـهـي بـــه ياليت قـلبـك يحـسّ بـْ لوعتي بس مــرّه و يروف بالّلي جنى دون المصيبه مصيبه ________________________________ أسـألـك بالله يـ الطـرف الحـزين يا نـظـر عيني و يا بــآهي النظـر وشهو التـحنــان لو مابـه ظنين وش هم العشّـاق لـو كـل ٍ هـجــر الشعــور اللي هـقـيتـه مستكيـن إرتعش من همسك العذب وحضـر والشجن ميّل غصون المهتويـن والغيــوم التــآآعـت وهلّت مـطــر الهـوى يا مـلّــة الحبـــ الـرهيـن العنـــا ثـلـثـيـنــه و ثـلـثـــه قـهــر والزمــان اتعب قلوب العـاشقين والأمــل أوّل تـبـــاشـيــره خـطـــر والصّبر منفـى عـزوم الصادقين لا نـسـآآهــم في مهـاميـه السهــر لا متى هـالقلبــــــ ما يلقى حنين لا متى و الليـل يجفـــآه الـقـمـــــر ______________________________ |
|
|
|