هنا .. سجن القوافي !!

السلام عليكم ورحمة الله
اهلا بالجميع
ارحبي ياشاعرة نجد وصح لسانك وبدنك
بالنسبه للصقري اعتبرتها فرصه وهذاك باليد ههههههه
اهلا يالمهره تسلمين على هالكرم الغير مستغرب
اهلا يالجوهره
الصقري تونا ما شبعنا من ابداعك فكنا من التشمت والتشكوي وعطنا مما اعطاك مولاك هههههههههههههههههه

اختل سجينكم امدوه يالسامعين=نط الثلاثا وطبح في نهار الربوع
اظن لوهو بقى في سجنكم ليلتين=يشتم نصيبه وثنتينه تهل الدموع
الثالثه للصلاه ننادي المسلمين=في مأتم/ ماحصل مثله وشكله يروع
وان قيل من هو رحمه الله نقول السجين=هلك بغبطه بعد ما لف ما بالمتوع
اثره هليكان وسط التاج من جمعتين=احراق الاشوق من مابه لقلبه تلوع
شاعر وبالمفرده تاجر وذرب وفطين=حسب هواه ايتقلب له بعشرين نوع
بغيت افكه وقلت اختار من بعد مين؟!=نانتظر عل للغياب يحصل رجوع

الشامخه ,عبدالله الدّنّيش ,عبدالله الصقري و 3 آخرون معجبون بهذا

رحيل ,ريم الفلا ,الجووهره

صباح الورد والبرد
تسالي صباحيه للسجين والزوار
قالت قدر و أقول يومك تبيني
غصبن على الدنيا يدك في يديني
لا تظلمين الوقت وش ذنب الأيام
لا تظلمين الحظ لا تظلميني
غديت مابين ارجا فيك واليأس
هذا يبي مني وهذا يبيني

الشامخه ,عبدالله الدّنّيش ,عبدالله الصقري و 3 آخرون معجبون بهذا

ناصر الهواوي ,ريم الفلا ,الجووهره

وان قالت أبيك ارخصت نفسي بعيني
خيرني أمري بين أصعب خيارين
موتي أنا أو موت الحساس فيني
لكن زماني المر علمني أني
أموت محني لجل قلبي جبيني
والله ما تلقين حبي مع الناس
روحي وها لأيام بينك وبيني

عبدالله الدّنّيش ,عبدالله الصقري ,ناصر الهواوي و 2 آخرون معجبون بهذا

ريم الفلا ,الجووهره

الاثنين 13 جمادى الثانية 1440

11؛50

صباح الخير/ يارواد السجن الكرام

الله يكون بعونك يالصقري دخلت ضيف وسجنووك
العاصفة
طبعهم ومن له طبع مايخليه (:

وصحت السنتكم ولاهنتوا

الشامخه ,عبدالله الدّنّيش ,عبدالله الصقري و 2 آخرون معجبون بهذا

رحيل ,ناصر الهواوي

نحمد اللي جاب ريم الفلا بعد الغياب= علمتنا بالتواريخ وقت دخولها
الزمن يالراعديه نعده بالحساب=ساعه بساعه نعده وحول بحولها
الحمام ان ما سجع يالعله للذهاب=والطيور ان غردت قلت انا حطولها
من لذيذ البرلو كان بالنقدي يجاب=لجل تجذب للنخل ما يغرد حولها
لبن صقري يا رئيس الحراسه فك باب=وحط قيد رجوله ليا انطلق برجولها
لاتكلبشها يديها بها تضفي حجاب=وشربها فيهن وفيهن بعد ماكولها
وغدها مشكل مشاوي وزد فيه الكباب=سهل علكه ما (قسا) اخشى يخرب لولها
كنت اطش ليا تغنت بهالجزلات كاب=ومن شهر شهرين ماعاد نسمع قولها

الشامخه ,عبدالله الدّنّيش ,ريم الفلا و 2 آخرون معجبون بهذا

عبدالله الصقري ,رحيل

اسعد الله ظهيرتكم و عصريتكم (:

عبد الله الصقري منور السجن

وصحت السنتكم جميعاً



جوجو المها اقصد الريما ههههههههههههههههههههههه
بس لاني كنت اسولف مع وحده اسمها مها كتبت هنا المها ):
عاد الريم والمها كلها واحد
> اسمان لشيء واحد (:

الشامخه ,عبدالله الدّنّيش ,ريم الفلا و 2 آخرون معجبون بهذا

ناصر الهواوي ,عبدالله الصقري

وهذي قهوة العصر جتكم قبل الصلاة (:




يا ما حلا الفنجال مع سيحة البال
في سجن ن ما فيه نفس ثقيله (:

واضح التحريف (:

ريم الفلا ,ناصر الهواوي ,عبدالله الصقري معجبون بهذا

بعد بكره الربوع يابو محمد , ,,,,, لو تقول الربوع في اليمن ذبحوك , يوم الربوع غير مرغوب في اليمن .. نصيحه يابو محمد , لاتاكل من أكل
الحريم , مدام الخفير موجود ,,

تسليه من الخفير > قصيدة الام في ولدها المسجون في البحرين وبعدها تم الافراج عنه
بعد ماسمعها الملك عبد الله رحمه الله

غيري ينام ومهتني في منامـه ... وانا لذيذ النـوم مـازار عينـي
سهرانةٍ والليل مُوحش ظلامـه ... يجمع لي احزاني ويدعي ونينـي
ولّيت ياليـل الأسـى والندامـه ... همّـك توَطانـي وبيّـح كنينـي
أبغا السلامه بس وين السلامـه ... عيني تشوف وقاصراتٍ يدينـي
غيّب ضناي وغابت الإبتسامـه ... حُكم المقدّر حال بينـه وبينـي
سجين ماأشوفه ولا أسمع كلامه ... ماغير طيفه كل لحظـه يجينـي
والسجن في الغربه يهز الكرامه ... ياحرّ كبدي بعد فرقـا ضنينـي
وين انت ياللي تستحق الزعامه ... يافزعة المضهود نعم العوينـي
ياخادم البيتيـن فخـر الإمامـه ... حبل الرجا ممدود بينـك وبينـي
أجبر كسر قلبي وحقق مرامـه ... أفزع فديتك تكسب الأجر فينـي
تكفا ياابو متعب مقرّ الشهامـه ... الحيل واهن والزمـن مبتلينـي
قلبي ورا قضبان سجن المنامـه ... ردّه عليّ تزيـن باقـي سنينـي

الشامخه ,عبدالله الدّنّيش ,الجووهره و 3 آخرون معجبون بهذا

شاعرة نجد ,ناصر الهواوي ,عبدالله الصقري