هنا .. سجن القوافي !!

تسلية للجميع من كلمات بن فطيس:
الحب مثل النوم .. والوصل .. الاحلام..
.. والشيين من الاحلام..صـد المحبييـن
نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن
وانا رقدت وعمري اربع عشـر عـام ..
.. وصحيت في شهر اربعه عام الالفيـن
نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن
صحى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن
ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟
بعد ما شاف العـش عيـدان وعظـام ..
.. خاالي..تفكر فووق ويسـاار.. ويميـن
خلا عشاها فيه ومـن الوطـى شـاام ..
.. زبن علـى روحـه وفـل الجناحيـن
وياوجد حالي وجد مـن نـام ثـم قـام ..
.. على صياح امـه وهـو دون رجليـن
عويـق وامـه تنعتـه والنعـت سـام ..
.. وهو خابر انه يقسـم الصـف صفيـن
حبا وصاح بصيحـة ٍ تاصـل الشـام ..
.. منهـا تقطّـع فـي خفوقـه شراييـن
على وليـف ٍ قسـم اظنونـي اقسـام ..
.. واقفى وانا ما اعـرف طـرد المقفيـن
راح وترك في صدري ووسووم واعلام ..
.. وصـى علـي طيفـه وقفـى بقلبيـن
ليتـه تعـذّر كـان مـاهـو بـمّـلام ..
.. بعد ماشـااف الـدرب بيسيـر دربيـن
اشوى عليه شوي..مـن عـظ الابهـام ..
.. واشوى علي شوي..من دمعـة البيـن
تمشـي بنـا الاقـدام والمـوت قـدام ..
.. وميعادنـا يمفـرق اثنـيـن بعـديـن
ياعيـن لا تبكـيـن وعيـونـه تـنـام ..
.. عادش الى ما خـاب ظنـي بترضيـن
لـو الدمـوع اتفيـد فـادن الايـتـام ..
.. ولـو الكـلام يفيـد عـادت فلسطيـن
ولـو النبـاات يطّلعـه دمعـة هيـام؟..
.. شفتوا علـى وجهـي ورود وبساتيـن
الحب سجن..وبعد الاحبـاب الاعـدام ..
.. وقلوبنـا السجّـان مـدري مساجـيـن
الحب نوم ٍ عمـره اشهـوور واعـوام ..
.. وان قمت ففهمها فرااق وسهـر عيـن

الجووهره ,ناصر الهواوي ,رحيل معجبون بهذا

مرآحب شآعرنا وصح لسآنك
وهلا بك شمووخه صح لسان المبدع
محمد بن فطيس ويسلم ذووقك
يالرآآآآعديه

ناصر الهواوي ,الشامخه ,رحيل معجبون بهذا

تسآلي غيييير. من مدونتي الجميله



تشرفت من فتره بزيارة شاعرنا الهواوي لمدونتي المتواضعه
وأبدع في مجآرآة لهذا البيت من الذآئقه

لا جفاك ​اللي من ​الناس له عندك مقام
‏نعمة النسيان جزله، وفي الدنيا سعه ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
المجآرآة

وينها يالشاعر اللي له انكن احترام
نعمة النسيان/خبرك قديم! امكرسعه
لسوقها ارشدني ولانيب قايل كم تسام
علها بالناب فكرٍ مصمم تلسعه
ــــــــــــــــــــــــــــــــــــــــــــــــــ ــــــــ
وأيضا تشرفت بزيارة الشاعر هزاع العآصمي
وأبدع في مجآرآة لبيتين من قصيده نزلتها
في قسم الشعر
الابيات
الصبح هَذَا مِن بَيَاضُك كَسَانِي ..
بِسْمِه لَهَا عَامَيْن مَامَرَّت شِفَاي !!

كُن النَّسَايْم مِن شَذَاهَا أَغَانِي ..
كُن الْأَغَانِي مِن شَذَاهَا/ هَدَايَاي !!


المجآرآة

قلبك خضر والا قديم الأمآني
عزفت لحنه بين قيتآر والنآي

ونقضت جرح مندمل له زمآني
وعيشتني في جو وأحييت ذكرآي


الهوآوي
العآصمي
مبدعين
حبيت أنقل ابدآعكم هنا
ونورتو وشرفتو مدونتي المتواضعه
وصح لسآنكم ويعطيكم العآفيه

النجلاء ,ناصر الهواوي ,الشامخه معجبون بهذا

صباح الخيرات

صحت ألسنتكم قميعاً (:

الله يعافيتس جوجو الإبداع منبعتس

الجووهره ,ناصر الهواوي ,الشامخه معجبون بهذا

صحت السنتكم عمالقة الشعر،،
ابدعتوا كما تعودنا منكم ،،
تسلمون ع هالابيات،،
والشكر موصول لغاليتي جوج،،
ع النقل امتعتينا الله يسعدك:)
رحوله صباح النور والنوير،،
نورتي السجن :)

رحيل ,الجووهره ,ناصر الهواوي معجبون بهذا

يالله صباح خير لا شر فيه
الشامخه رحيل الجوهره الله يصبحكن والجميع بالخير والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

بقيت انا والجوهره والشامخه واختي رحيل=لاقالت الوحده صدقت اقول يسلم ذوقها
ياجعل طفقات الطواري من عملها تستقيل=ومدرهمات همومي الطفقه تعقل نوقها
وليت المذاق المر بغيابه يعود سلسبيل=في رجعته وركاب هجره للشعيب ايسوقها
ونوح الحمام اللي يتك صدورنا يصبح هديل=وليت الليال البيض طول الوقت يلعج طوقها
وتحلو شينات النفوس وما قبح يمسي جميل=واخلاقنا المثلى تجذر بالعباد عروقها
وياليت من تفقد من الغالين تلقا له بديل=لجل ما تجرح دمعة العين الشقيه موقها

رحيل ,الجووهره ,الشامخه معجبون بهذا

صبحكم الله بالخير
صح الله لسانك يابو عبيد كفاله كايفه واختيار موفق لسجين
وحياك يالعازمي منور السجن

-----------
جعلني لادارت الدنيا وشانت
لادعاني صاحبي ماطيح دونه

وجعلني فوق الهقاوي لاتدانت
معدنٍ لو دار الزمن ماحك لونه

رحيل ,الجووهره ,الشامخه و 1 آخرون معجبون بهذا

ناصر الهواوي

دبورر
ــــــــــــــــــ
اهلا يالنجلاء وصح بدنك ولاهنتي
ـــــــــــــــــــــــــــــــــــــــــــــ

لي عوده ان شاء الله

رحيل ,الجووهره ,الشامخه و 1 آخرون معجبون بهذا

النجلاء