هنا .. سجن القوافي !!

البارحه جاني من الشوق مرسال
الشاهد الله يوم شفته تهنّيت
من جوهرتنا ذربة الحرف والقال
أصدق مشاعرها لمسته وحسّيت
أبيات صاغتها جواهر على آل
عجزت أنقّي من غلاها ولا بيت
عريبة المنسب من العم للخال
من طيّب النّبته تبين المنابيت
أغليتها لاشكّ والقلب ميّال
طبعي إذا حبّيت من قلبي أغليت
جت فوق هقواتي على كل معدال
الله هداني يوم فيها تهقويت
ليت المعاني تنتظم وسط سلسال
وانظم ثمين القاف والشعر ياليت
والله لالبسها بلا شك واختال
وافخر بها بين الملا لاتباهيت
يالجوهرة لاتشغلك بعض الأحوال
لايشغلك حالي إذا غبت وأبطيت
وسط الحنايا لك من الجال للجال
سيرة غلا ماتنتهي رحت أو جيت
ولك في عيوني ياغلا الروح منزال
وداخل رياض القلب شيّدت لك بيت
بعض الغلا يثبت كما تثبت جبال
حتى ولو أبطيت عنه وتنحّيت
ولايشغلك ياغالية هرج جهّال
لاتزعجك بعض العلوم الفتافيت
بعض الرجال المعذره ماهم رجال
ماتعرفين الحي منهم من الميت
البعض مايسوى ولايوصل ريال
ويخيس لو حطّوه وسط الحوانيت
كذّاب في غالب هروجه ومحتال
ومايحمل إلا الشر مثل الطواغيت
لو بحسب الشينه ترى ليلنا طال
أزرى المربّي ( مثل ماقيل ) وأزريت
والبعض لا والله صناديد وأشبال
يطير لانادوه مثل العفاريت
خفيف نفس وللمواجيب حمّال
ولايترك المسجد بكل المواقيت
ثابت على مبداه لو مات مامالل
اشفت مثله داخل القلب سمّيت
لكنّهم قلّه مثل حبة الخال
في وسط قفرا كلها هيت في هيت
ياللي تحسب المرجله هرج وجدال
زليت في ظنّك بلا شكّ وأخطيت
المرجله ماهي ترى كثرة أموال
الفقر ماعيّب قروم وشفاليت
والمرجله ماهي ترى بشت وعقال
ونتفة شنب لاحكّه الموس صديت
والمرجله ماهي خلق ثوب وسمال
وشماغ من كثر النشا به تنشيت
وتطرد بنزواتك ورا كل خلخال
ياكم لقيت من المهانه وهجّيت
والمرجله ماهي ترى هرج جوّال
وتعيش لحظاتك خداع وتناهيت
لاهمّتك زوجه ولاهمّك عيال
راحت حياتك بالسخافات تشتيت
المرجله صدق المواقف والأفعال
وسلوم مايقدر عليها الهلافيت
وختامها يالجوهره سترك الفال
يحفظك ربي كل مااصبحت وامسيت
وحبّك ترى مايثبته قطع ووصال
مادام لك في خافقي يالغلا بيت

ناصر الهواوي ,الجووهره معجبون بهذا

عيوني تلوحت من طول القصيده):
صح ذوقك خيال ابدعت ،،
مهوره تسلمين عيني.

ناصر الهواوي ,الجووهره معجبون بهذا

السلام عليكم
ومساء الخير وكيف الحال (:


صح لسانك يابو عبيد مدد بلا عدد
الدنيش صح لسانك ودام حضورك

الرواعد صحت السنتكم (:
ابو فيصل ترجع بالسلامة

نجد طول عمرتس مبدعة شاعرتنا صح لسانتس
عديم كلمة مبدع قليلة بحقك صح لسانك


الجوهرة ،المهرة ،الشامخة صحت اذواقكم

نجولة منورة وصح ذوقتس

خيال مطير صح ذوقك على المعلقات اللي تجيبها هههههه

ومين السجين (:

ناصر الهواوي ,الشامخه معجبون بهذا

تسلمين رحوله عيني،،
السجين ابـو عبـيد،،
مير اليوم مختفي عسى المانع خير

رحيل ,الجووهره معجبون بهذا

يسعد مسا ذويقة الشعر والبوح
يوم الشعر ما يحلى الا بلقآكم
نهدي لكم أروع قصآيد من الروح
يسعد مسآء الشعر ويسعد مسآكم

يسعد مساكم
منووورين جميعا
وصحت الالسن والاذوآق
شعرآء وشآعرآت ومتذوقين
ودآم حضوركم وابدآعكم
خيال مطير
يعطيك العآفيه على المعلقه الجميله
يكفي اسمي زاد من جمالها هههههههه

الشامخه ,رحيل ,ناصر الهواوي معجبون بهذا

تسلية العصريه
للسجين والجميييع
شيلة الهدآيا

الشامخه ,رحيل ,ناصر الهواوي معجبون بهذا

يامساء اوزرد للجميع
انا ما رحت يالشامخه
اهلا يالمهره
حييت يالخيال
ارحبي يارحيل
حيالله الجوهره
ــــــــــــــــــــــــــــــــ

لاتحسس ترا ما احدٍ فطن=خل قلبك حجر والا حديد
اصمد اصمد مثل قمة قطن=ماتحرك ولا ناوي يحيد
ياحمامٍ على الدوحه رطن=معك انا ما انت بالهم الوحيد
للطواري صدر جارك وطن=كلما نحت فكره يستعيد
امنياتٍ تعلن واهبطن=صدَّق وطار به شبله بعيد
به دواليب هجسه فحطن=وده يفيد والا يستفيد
قل لي منين امانينا عطن=صمت بددهن وهذا الاكيد

الشامخه ,رحيل معجبون بهذا

هلا بك شآعرنا
ومساءك فل وياسمين
وصح لسآنك ودآم حضورك وابداعك

ناصر الهواوي ,الشامخه ,رحيل معجبون بهذا