هنا .. سجن القوافي !!

صلي على النبي مهووره
وهلا بك منووره وصبآحك فل
وماطار طير وارتفع
الا كما طآر وقع

ههههههههه

خيال مطير ,الشامخه معجبون بهذا

ع شان ما تقولين عطاني عين /ماشاء الله تبارك الله

هههههههههههههههههههههههه=هههههههههههههههههههههه
وش هالمرض يالشامخه تالي الليل=حبيب يوم اختار لك ليل جمعه؟!!
واصبحتي التهديد هيلٍ بلا كيل=انا رمعت العلم شموخ رمعه
من الضحك للكلمه ثلاثين تعديل=زر الحروف ايزوغ ويكود طبعه
شاعر وعندي للمواضيع تحليل=وليا طرو تنطف على الموق دمعه
ادري بها لاحدرت خدي اتسيل=واشوفها بمرايتي فيه لمعه
الله من كثر الغثا والبهاذيل=بسمعي ليا نادوه باسمه وسمعه
للقاف من سحب التذكر هماليل=تذوب كبدي ذوب من حر وقعه
واسري بدوامة هلا احط واشيل=ما احبذ اللافي ولا اطيق منعه
من يعترض لآآااهاتها ليا اسرجت خيل=واجداه لو قد يبس غصنه وينعه

بغيت امزح مع الشامخه وراحت معلقه الله يدفع البلى هههههههه

رحيل ,الشامخه ,الجووهره معجبون بهذا

انتي بكف وباقي الخلق في كف

متعليه في وسط قلبي ولك شان


في غير وصلك مالقلبي ترى شف

محتاج لك يانور عيني وشفقان


لا جابوا اسمك صرت انا تقل مختف

مالي على نفسي الى اطروك سلطان


من غير حبك غضت عيوني الطرف

ياللي جمالك صار للزين عنوان

الجووهره ,ناصر الهواوي معجبون بهذا

الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته

خيال مطير ,الشامخه ,الجووهره و 1 آخرون معجبون بهذا

ناصر الهواوي

ياكثر ما اقف عند كلمة عين دال ويا وميم=احدر بها لين آصل الدمام واسندبها
عدال ما اخذ ياليسار الى بساتين القصيم=وضلعٍ يمين ليا وصلت حجاره ادقر بها
اعي واقول خلاف ما كنت احزره لاصرت نيم=واطفش من الفكره بمجملها وطاري قربها
لكن نعده رمحنا اللي فيه نطعن بالصميم =بخصومنا اللي لاتوعت جات تنفخ ذربها

رحيل ,خيال مطير ,الشامخه و 1 آخرون معجبون بهذا

الجووهره

هههههههههههههه الهواوي،،
صح لسانك ابدعت كعادتك ،،
مهوره صح ذوقك ي ذوق،،
دُمتم بالوجود

خيال مطير ,الجووهره معجبون بهذا

يالسجن قل من ويش تدمع عيونك=وش فيك بللت الورق والمناديل
ان كان تشكي ضيم انا معك عونك=واخير مني به بنات ورجاجيل
قل لي تراي اخوك واكرب سنونك=مع الدموع ارهقتنا بالسعابيل
قال اقصر الصوت العرب يسمعونك=انا من الدجه جرا لي بهاذيل
من شهر ما مر الشليخي عيونك=تشوفه بتاج الشعر بالدرابيل
وبمحمد العواد خابت ظنونك=والشيخ ابو بندر هجرني من ابريل
ومحمد الروقي ولايجهلونك=الريم والكنقه وغمام وهماليل
واللي من اول بالقصيد يحدونك=الراعديون اهل الحط والشيل
دون لهم كم بيت ادب من فنونك=لعلها تلقا ايليهم مواصيل

رحيل ,خيال مطير ,الجووهره و 1 آخرون معجبون بهذا

الشامخه

يقول:
‏لو النهاية تنحسب لي ما رحلت
‏لكني أولى بالجروح وبرها ..

‏لا تعتذر ولا تبرر ما فعلت
‏بكره تعلّمك الليالي سرها !!

‏بتعيش وتواجه وتذكر يوم قلت
‏دنيا تدور الله يكفي شرها ..

‏أنا إلى مني بغيت أرحل صملت
‏والا انت خلك للسنين ومرها !!

‏⁧‫#صالح_جزا‬⁩

ناصر الهواوي ,خيال مطير ,الجووهره معجبون بهذا