آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
30-01-2019, 06:51 PM | #24593 |
|
اقتباس:
سلام ياعفيف واثنيها لبوابة عفيف=ولمن يجي بوابة الجيران والجيرانيه ترحيبةٍ دسمه اتصب لمن قراها صب كيف=ابهارها عنبر وهيل وزعفران ايرانيه عسى القنوف اللي من الصفره لبارقها رفيف=من أطولته الى المطار اتسيِّل الوديانيه لن اصفره من بد ضلعانه من اول لي وليف=ولو كل ضلعانه نستني ما اهقى ينسانيه وياجعل واديه المسمى كل ما جيته امريف=وعسى غصون الطلح في واديه دايم دانيه مربى الرشأ اللي ما أخبر له مع شواردها وصيف=يوم الليالي مسفهله والخواطر هانيه من قبل طول الوقت يهدي للجفا باسٍ عنيف=وصدق العواطف ما تحول تسلية ورعانيه لو ان ذات الطوق تنسى السجع بالظل الوريف=ما انسى طعم فنجاله اللي في يده قهوانيه ياخال مشعل بلغه عني ترا سمعه ضعيف=سلام من قلبه بسود حجارته ولهانيه والواهس اللي نط بك في قمة الضلع المنيف=تراه مثل الواهس اللي بالشعيب اشقانيه عليكم السلام يابوعبيد ياعذب النزيف=نزيف نبعك بالجزال النادره دعانيه اعز صوت افزله واجاوبه واعز ضيف=لوكان ماانت بضيف في بيتك والك مكانيه يامرحبا ترحيبتً ماهيب باالوزن الخفيف=ترحيبتً من ثقلها تدري بها العربانيه من كبر قدرك صوت راعيها يضيف ويستضيف=على صدى نجره وريح العود والرسلانيه حي البناخي والطلب والشعر والطرق النضيف=اللي بعد ماقمت اعيد قرايته سرانيه على وصوفه يستدير البال ولصدري وحيف=وعلى لحونه يستمد الفكر بالالحانيه يابوعبيد الضلع مايسمع ولاينظر كفيف=ناديت لين اقفيت عنه وضنتي ماوحانيه قمت اتمعن فيه واحاكيه باسلوبً طريف=وكني سمعته قال ياوجدي على زمانيه ايام كنت بعز قدام الدركتر والرصيف=كانو هنا حولي ومن حولي عرب خلانيه وطرا على وهزني شوقي على الغض العفيف=اللي رحل واقفا وجمرة غيبته تصلانيه وناديت باعلا الصوت يالاصفر ترى وضعك مخيف=لاكني اوصل سلام ابوعبيد اوصانيه واقفيت مدري وين اوجه بين ريف وبين طيف=لاكن شعوري يوم اخدمك سرني وارضانيه صح لسانك يابوعبيد وصح لسان ألمحنك الله لايضركم , |
الخط يبقى زمنا بعد كاتبه ،،، وصاحب الخط تحت الأرض مدفون |
30-01-2019, 06:56 PM | #24594 |
|
حياك ياابو عبيد انت والزوار لقهوه بعد المغرب والتمر والحلا |
التعديل الأخير تم بواسطة خيال مطير ; 30-01-2019 الساعة 08:21 PM
|
30-01-2019, 07:01 PM | #24595 |
|
تعاتبني بنظرات خفيــة ..... وأجاملها ولا ادري وش وراها
أجاوبهـا بنظرات حزينة ..... تعبر عن ضنـا الروح وشقاها أسايرها وأجاوب كل نظرة ..... وأخبي الوجد وأبحث عن رضاها وعقب ما شفتها عرفت قلبي ..... تناساها ولكن ما نساها غلاها يزود مع زود الليالي ..... وباع الناس قلبي واشتراها وصرت أغار أنا منها عليها ..... خطا نفسي وآنا أتحمل خطاها |
|
30-01-2019, 07:07 PM | #24596 |
حزب العاصفه
|
اهلا يالجوهره والله يمسيك بالخير ويمسي الجميع بمثله
ــــــــــــــــــــــــــــــــــــــــــــــــــ ـــــــــــــــــــــــــــــــ لو الله قسم ما قمت اراجع بعض مافات=وخليتها تمضي على فالها اشوى لي هيهات التوجد يرجع اللي مضى هيهات=الا والله انه يوجع ويشعل الصالي بكبدٍ تحر وتبرد وتنصهر حسرات=وتغبط البليد الداله الخالي السالي اللي مابذاكرته رموز ازمنه واوقات=تفاكيره انصبت على قرش وريالي عاقل كل همه كيف في دنيته يقتات=يمسي مستريحٍ خاطره داله البالي وانا اللي همومي كل ما قلت راحت جات=الا واعنى عيني وقلبي وجوالي |
|
30-01-2019, 07:37 PM | #24597 |
|
اسعدالله مساءكم،،
صح السنتكم شعأرأنا وشاعراتنا،، صح ذوق المتذوقين ابدعتم جميع،، دُمتم ودام هالوجود:) |
يُقال دعوة أربعين شخص مسلم مُستجابة, اذكرونِي بدعوة لعلّ احدكم اقرب مني الى الله منزلةً وله دعوة لا تُرد. |
30-01-2019, 07:39 PM | #24598 |
|
يقول:
إن ضاقت أيامك وتحتاج تغيير لا تظهر الأوجاع والحزن خبّه ! العمر - ضحكه ضيّعتها المقادير وماعاش غير اللي رضا بحكم ربّه "دايم تظاهر لـ الجميع إنّك بخير" أقل حاجه لو عشان " الأحبّه " مافيه حاجه تستحق الحزن , غير : وفاة غالي أو مرض من تحبّه ') |
|
30-01-2019, 07:48 PM | #24599 |
|
مساء الخير ياهل السجن والمساجين
كيفكم عساكم ان شاء الله بخير جميعاً صحت السنتكم شعرائنا وشاعراتنا وصحت الاذواق جميعاً ولي عوده بمراجعة الصفحات |
مصممتنا المبدعه والمتألقه رحيل الف شكر لك ع التصميم الرائع |
30-01-2019, 07:50 PM | #24600 |
|
نقصر خطاوينا عن الدرب المعيب
وبالموقف اللي يبهج الخاطر/ نقف - ونطيب .. لو عيّـت ليالينا تطيب فضلٍ من اللي جمّل الحال ولطف |
|
|
|