هنا .. سجن القوافي !!

مساكم خير وغلا وتقدير
وصحت ابدانكم وصحت السنتكم
ولاعدمنا منقولكم الممتع

دام الحضور,’’

عبدالله الصقري ,محمد الـفراج ,ناصر الهواوي و 2 آخرون معجبون بهذا

الجووهره ,خيال مطير

انتي عاصفيه , شاعرة نجد ,, نجد كلها غبار .... وش معنى عاصفيه ,, تراني أقشر

عبدالله الصقري ,ناصر الهواوي ,شاعرة نجد معجبون بهذا

يا نجد لاجاك الحيا نادي لنا = وشبي لنا براس المقوقي نار
يا نجد لاجاك الحيا وصي لنا = وان زان وقتك فارسلي عمار
عمارٍ اخذ له زوجه من هل القرى = شارت عليه وطاوع الاشوار
من طاوع العذرا على غير صايب = يصير كما اللي ضاع بالنهار
جلس قليل الفود من شان الغنم = وخلا بنات الهرش معنا بكار
حلفت انا يانجد مارخصك عندي = غير الزمان اللي علينا جار
سبعة سنين مالمع فيك بارق = مات الحلال ويبست الأشجار
جرتي علي وانا معذي جنابك = بالسيف الاملح نردع الاشرار
حاميك انا يانجد بالرمح والقنا = في لابة تسقي الخصيم امرار
حنا شبات الحرب صبيان وايل = ملجأ الضعيف مدلهين الجار
حنا أهل العادات اخوان بتلا = الى جفتنا الدار نلقا دار
لاجارت الديرة علينا وامحلت = نلقا لنا ابدار العدو معبار
نأتي على وضح النقا ونرهب العدا = ولا كننا الا يمهم زوار
يانجد شفي فيك طيرة وعيرة = وغمر الحطب لاحط فوق النار
أقفيت من عندك بنمرا ضرية = عسامها يغطي الجبال غبار
أدنا منازلنا بوادي النعايم = واقصى منازلنا بغار انشار

عبدالله الصقري ,ناصر الهواوي ,الجووهره و 3 آخرون معجبون بهذا

ريم الفلا ,النجلاء ,شاعرة نجد

خذني على قد عقلي لاتواخذني
… مادمت تعبان والاحوال تعبانه
عن كل هم يثقل كاهلي خذني
… جفن التعب ضمني في محجر اعيانه
اقرا علي بسملة ربي وعوذني
… انفوسنا لإنتباذ الضيق شفقانه
الله هو اللي مقديني ومنقذني
… ما خاب من حط ربه بين حجانه
مقفل إذني ورقمي من بعد إِذّني
… زل التعب واعرف الواجب وبيبانه
بالعين شفني انا ماشوفك بإذني
… العين هي مجهر الواهم وبرهانه
لو كان وقتي مع الأيام حايذني
… مازادني غير حده بين ذرعانه
لي الشرف غير وقتي ما يتلمذني
… ايه يعرفني ويعرف طمرة حصانه
والوقت ماهو على المعروف شاحذني
… ان كان رجلي ماتدهل متن ريعانه
ماني وضيع على يسراه نابذني
… والظل ماننشده عن طول جدرانه
رح بشر اللي بعد مولاي لايذني
… باللي تلوذ العرب بوجيه جدانه

سعد بن ملفي الرشيدي

عبدالله الصقري ,ناصر الهواوي ,الجووهره و 3 آخرون معجبون بهذا

ريم الفلا ,النجلاء ,شاعرة نجد

اقتباس:

المشاركة الأصلية كتبت بواسطة خيال مطير

انتي عاصفيه , شاعرة نجد ,, نجد كلها غبار .... وش معنى عاصفيه ,, تراني أقشر

نجد العمار ولو غشَى جوها غْبار
والعاصفيه احذر احذر يـ القشر

عبدالله الصقري ,رحيل ,ناصر الهواوي و 3 آخرون معجبون بهذا

الجووهره ,ريم الفلا ,النجلاء

كيبورديه لـ السجينات
توني جايه من البر وحبيت اسلي واتسلا...

ريم الفلا سلي جواهر,تسلي
خلي السجن من روعة ابداعكم غير

واخذي من جْداد القوافي وخلي
يامبدعه تفنني فـ التعابير

وانا معك لازرتكم جيت كلي
وغنيت بوح الروح من دون تقصير

بـ اطرب معك لو دمع عيني يهلي
لاهيّض الخاطر مناظر وتصوير

مع قاف شعري مادري وش حصللي
لـ استرسل وغنيت معنى وتفكير

أبيع عمري وكل حاجه تْولي
واروح مع هجسي واغني مع الطير

اللي غْناه ايتل الاعماق تلي
مدري جزاه او لاجزاه الله بْخير

عبدالله الصقري ,محمد الـفراج ,رحيل و 5 آخرون معجبون بهذا

ناصر الهواوي ,الجووهره ,ريم الفلا ,النجلاء ,الشامخه

صح الله لسانك شاعرتنا مبدعه يالغلا لاعدمنا روعة الحضور والابداع
والبر يهيض المشاعر والقربحه عسى ينجلي هالغبار والعج ان شاء الله وتزين طلعت البر
خيال صح لسانك وذوقك تسالي في قمة الروعه الله يدكره بالخير الشاعر كديميس السيحاني من جد فقدناه ان شاء الله يكون بخير يارب

محمد الـفراج ,شاعرة نجد ,ناصر الهواوي و 2 آخرون معجبون بهذا

الجووهره ,ريم الفلا

اقتباس:

المشاركة الأصلية كتبت بواسطة ناصر الهواوي

اهلا يالمهره لله درك يالعاصفيه
ارحبي يالشامخه
ــــــــــــــــــــــــــــــــــــــــــــــــــ ـــــــ

اعصر الفكر ينضم شعر واكتبه وامحاه=ارى انه قصر عن ما رسمته مخيلتي
لشكل الغلا في طلته وابيض محياه=وللملهمه اقول لا مابعد قلتي
هذا ابداع لكن ما يفي في وصف شرواه=يوم انك جهلتي وصفها ليش ما سلتي
واجيبك وانا اللي عارف بكنهه وفحواه=بخصي به هو اللي جاوب لكثرة اسئلتي
له البدر يشبه والبدر ما احدٍ يغواه=عين الصقر ذا جيد المها يمه التفتي
كم من الذهب في خزنة المتجر يسواه=قوافيك ما تحصي وصوفه لو احتلتي

صح لسانگ ي الهواوي،،
دُمت ودام هالابداع ي رب،،
هههههههههههههههههه
والله عاد شسوي هذا حظي ،،
بالشعر بس ان شاءالله بالمستقبل،،
القريب اصير شاعرهه :)،،
انت معلم ونحنا منك نتعلم:)

عبدالله الصقري ,محمد الـفراج ,شاعرة نجد و 1 آخرون معجبون بهذا

ناصر الهواوي