تعال يالحارثي

اقتباس:

المشاركة الأصلية كتبت بواسطة عبدالمحسن الحارثي

ياللي تصلي بعد ماكلت لحم الجزور=عود وعيد الفريضه واحفظ اركانها
ماقلتلك خلها اجنازتن فالقبور=وشفيك وشفيك نفسك زايدجنانها

الله ياسلاااااااااااام /
ويالله رد يالقسااامى ،، لاعدمناك

لى ملاحظة المفروض معلنين بالمنتدى انة ستقام محاورة الليلة
كما ان المفروض ان الوقت يناسب الاعضاء لحضور اعداد كبيرة من القراء

تسلم يالذيب وختامها عندك
أستلم

ياشيخنا اللي تأم الناس وسط القبور = الناس تاكل وتشرب دوم باأيمانها
مادام رجال سلمى طايح ومعثور = الله يخلف على سلمى بورعانها

وسلامتك وبيض الله وجهك على هالطاروق
والنهايه عندك يالذيب

اقتباس:

المشاركة الأصلية كتبت بواسطة محمد القسامي

تسلم يالذيب وختامها عندك
أستلم

ياشيخنا اللي تأم الناس وسط القبور = الناس تاكل وتشرب دوم باأيمانها
مادام رجال سلمى طايح ومعثور = الله يخلف على سلمى بورعانها

وسلامتك وبيض الله وجهك على هالطاروق
والنهايه عندك يالذيب

الله ياسلاااااااام عليك يامحمد القسامى
عزالله انك جزل لاهنت
وبيض الله وجهك على هالطارووق اللى ابتديتة
وسلمت وسلم لنا حضورك

تشرفت والله يابو حميد بالعب معك
الف صح الله السانك ولا هنت وتصبح على الف خير

ياراعي المزرعه ياللي زرعة الزهور=خل الزراعه تروا زين حيضانها
مشكور ياراعي الدله وراع البخور=اللي يبيع السلع ويغلي اثمانها

للاسف اخذتني نومه ولا كان
حظرت الملعبه من اولها
لاكن لايمنع اني
اقول صحة السنتكم
اخوكم
ود الغنامي

محمد القسامي

الليله الليله الدنيا رحاهـا تـدور=والملعبه شرعت للطرق بيبانهـا
تعال يالحارثي نبغى نحل الأمـور=بيني وبينك سوالف ضاع عنوانها

عبد المحسن الحارثي

اليله اليل و سبح في غزير البحور=نبا نغوص البحور انجيب مرجانها
السالفه يا ولد بين الاسد والنمـور=وش دخل الحيه اللي مدة السانهـا

محمد القسامي

يامرحبا وأنتبه للحرف بين السطـور =ترا البصيره تضيع بشـور عميانها
بيت موثق وبيت دايـم فـي حـدور=وأنت أعرف بيوت خلق الله بسيسانها

عبدالمحسن الحارثي

لو تلوي السالفه اخـاف دمـك يفـور=صحصح لنفسك قبل يغويـك شيطانهـا
بيت الردي منكسر وبيت الكريم معمور=هذا المثل للعرب من عصـر جدانهـا

محمد القسامي

خابرك حر على الشدات دايم صبـور=من لبوة راجـح فالوقـت ميزانهـا
مار أسترح والسوالف من دبور لدبور=تبا تشوف الديـر يبـاس شعبانهـا

عبد المحسن الحارثي

وشفيك ياصاحبي بيحت سد الصدور=ضاقتبك الارض هضبتهـا وجنبانهـا
انت صقر يا ولد ولابتك نسل الصقور=لاكن تال الهجر ما تـرف جنحانهـا

محمد القسامي

مايقبل العلم رجال يهـد ويخـور=والعلم رايه وانا عرفـت ميدانهـا
لي لابة خلت الصاحي بليا شعـور=ماضي وحاضر تدك القوم وأوطانها

عبد المحسن الحارثي

ياللي تصلي بعد ماكلت لحم الجزور=عود وعيد الفريضه واحفظ اركانها
ماقلتلك خلهـا اجنازتـن فالقبـور=وشفيك وشفيك نفسك زايدجنانهـا

محمد القسامي

ياشيخنا اللي تأم الناس وسط القبور=الناس تاكل وتشرب دوم باأيمانهـا
مادام رجال سلمى طايـح ومعثـور=الله يخلف على سلمـى بورعانهـا

عبد المحسن الحارثي

ياراعي المزرعه ياللي زرعة الزهور=خل الزراعه تـروا زيـن حيضانهـا
مشكور ياراعي الدله وراع البخـور=اللي يبيـع السلـع ويغلـي اثمانهـا

القسامي والحارثي
صح الله السنتكم ولاهنتم
بيض الله وجيهكم على هالطاروق الرائع
ونشكر الاعظاء على الحظور الطيب
تحياتي للجميع