( شـتـآت أفكــآر ) ..~

تعبـت اشـيـل الـهـم مــن داخــل الـجـوف
لـيــن اصبــحــت قــــدرات جـسـمــي خـفـيـفـه
أحسب حساب اللي مضى يتبعه خوف
لاشــــــك صـــدمـــات الـلــيــالــي مـخــيــفــه
تكفـى علـى القـلـب اليتـيـم انــك تــروف
مـــاجـــاه مـــنـــك الا الــتــعــب والـنـكـيــفــه
يرقب وصالك مـن عنـى الليـل ملهـوف
مـتـمـركـز(ن) بــيــن الـضـلــوع الـنـحـيـفـه
لاتـتـعـبـه مــــادام عـيــنــك لـــــه تــشـــوف
خــلّـــه يـقــضّــي بــاقـــي الـــوقـــت كــيــفــه
دايــم تـجـي مــن يـمّـك عـهــود وحـلــوف
وانــــــا عــيــونــي يــــــمّ غـــيـــرك كـفــيــفــه
امــــا تــجــي وتـخــلّــي الــصـــد مــوقـــوف
والا تــغــيــب عــــــن الــقــلــوب الـرهـيــفــه

الله الله

صح لسانك ياهيبة ملك

جزاله بمعنى الكلمه

ويؤسفني ان هالجزاله

تصير تحت اسم مستعار وتضيع

سجل مروري واعجابي

أحساس رايق

مرحبا بك عدد همّال السحاب ..
تواجدك شرف طال عمرك ..
وكلاممك دافع معنوي وتشجيع لي لاعدمتك ..
كن بـ القرب ..

تحياتي لك

محمد الغنامي ..

مرحبا بك يَ بو بندر .. وصح بدنك طال عمرك
والعين ماتعلى على الحاجب انت الخير والبركه ومنك نتعلم يَ بعدي
ومن ناحية .. الضياع ماهي ضايعه بأذن الله .. وسوف يتم النظر في الاسم المستعار

في الوقت القريب ان شاء الله . ..


كل الشكر لك .. واعجابك مصدر فخر لي وتشجيع

تحياتي لك

بين طيات الوجع مرسى القصيده=في حروف الوجد من منطق لساني
من خبر منشور شفته بالجريده=قالوآ انه جاه حتفه في ثواني
مسلم(ن) يمشي على نهج العقيده=للعلوم الغانمه تلقاه عاني
صاحب الوقفات والهمّه شديده=من حرار القوم مايرضى الهواني
من تحرر للزمان وفك قيده=مااعترف ف الخوف من بين المحاني
مايهاب وضربته دايم سديده=أنتشرف في فعوله بالزماني
يابن لادن عاشت السيره مجيده=جعل وجهك يقبله رب الجناني

مرحبا مرحبا مرحبا..

حي والله هـ الديوانيه .. ياسامـي .. اي والله ..خلنا نستمتع .. بـما تفرزه قريحتك

وبتلقاني .. متكّي في دوانيتك ..اربعه وعشرين ساعه ..

بس الله .. الله بـ المفاطييح .. لايذبحني الجوع

مرحبآ بك يَ بو ناصر تراحيب المطر
وهذي والله الساعه المباركه اللي تجيبك
والله يحييك والديوانيه وراعيها تحت امرك
وابشر بـ المفاطيح اللي تسد جوعك .. ههههههه

تحياتي لك طال عمرك

يروح الوقت للماضي ندامه=ويرجع عاصبٍ فوقه عمامه
الا ياليت عيني مالمحتك=وليت القلب ماعانق هيامه
تودّيه المشاعر ثم تجيبه=يجمّع مابقى له من حطامه
من اسباب الهوى واهله تعبنا=تجمّعنا على قمّة سنامه
يبي يبقى غلانا مانسيته=يعجز القلب عن مبداء كلامه
وانا لاجيت اوصّف ويش اخلّي=مليح وزايده ربي وسامه
عيونه كنّها عيون أمتذير=غزال(ن) محتدينه ب السهامه
وجبينه كنّه البدر وطلوعه=طلوعه لاطلع حزّة تمامه
وجديلٍ(ن) كّنه الشلال ضافي=طويل وفوق طوله به علامه
ينوح القلب لامني ذكرته=يجاوب مع صدى صوت الحمامه
يعين الله على اللي قد جرالي=من الفرقاء لحق قلبي ملامه
وابختمها وابرسل في كتابي=عليه اصدق تحيه مع سلامه

هيبة ملك

صح صح لسانك واعتلا شانك

جزله من محيط للجزاله

سلمت ولا هنت

مروري واعجابي