بٍّعَِّّضِّ مِّنِّ حَِّّضِّوٍّرِيِّ وٍّأجِّمِّلِّ غَّيِّآبٍّيِّ ..!

صح لسانك ودام نبضك
متابعة بصمت
..
.

ماجابه الليل لكن جابه الطاري
ايه استمع للقصايد وانت معنى القصيد
ولاتنشد عن الظروف وتفضح أسراري
في حبك الاول وعهدك تراني عنيد
ماطعت شور الغياب وسمه الهاري
خذني على كيفك وخذني على ماتريد
دامك على عرش قلبي تعزف اوتاري
.
.
.
روووووعه صح لسانك

الروعه وجودك يالملكه ،،
شكراً لك .

هذى وقوف الي على الوقفه يطيح
في ماجرى .. روحي ولا تنشدينه
خليه مع درب .. السنين المراويح
جعل العوض في مابقى من سنينه
صح البدن ماعاد يحتاج تصحيح
لو شاحت ظروفه يعينه يقينه
مستبدله ديناه كثر المشاويح
ومنها عرف وشهي حياة الغبينه
والا انتي عذرك غير لو كان تلميح
يكفي عقب جور الزمن تذكرينه
صرنا من أسباب المحبه مجاريح
وصدورنا للحزن حصن ٍ حصينه
لو سابق الخاطر على وصلك الريح
قلت انتي اقرب من خوافي كنينه
قلبٍ تعلق في رجاء وصلك يصيح
وانا أدري ان الوصل ماتقدرينه
خليه في سد الوجيه المكاليح
عذرك معك .. والله لو تتركينه..!

من البارحه والنود هذى مهبه
يهز وجدان الضمير وشراعه

احيا رماد الصدر وازداد شبه
وانا أنتظاري للفرج كل ساعه

ياقاطع ٍ عهد الغلا والمحبه
مالك ورى تعذيب روحي طماعه

ترى الجفا من غير عذر ٍ وسبه
مايعتبر فالحب رمز الشجاعه


أرحم عزيزٍ ذل من زود حبه
صارت حياته في حياتك وداعه

نموت ماعشنا بذله وحقران
على المعزه والكرامه ربينا
•
مانرخي النظره ولا نرخص الشان
ولو شانت الدنيا ماتلوي يدينا
•
جمال للشدات في كل الاحيان
وجبال لرياح السنين إرتكينا
•
هامتنا عليا وهوماتنا اسمان
سباع نمراً فاللقى ماعلينا
•
نزود لازاد الزمن عسر وجنان
وفي مامضى من تجربتنا خذينا
•
الله خلقنا رماح وسيوف وسنان
وعن من حذفنا فالقفا مادرينا
•
#خالد_العبيريد
mskhr2014

https://a.top4top.net/m_835wq4xp0.mov

أقصى مدى الاوجاع جرح الشرايين
لو نعرف أن هذى الهوى مابدينا
نجامل الواقع والامال بعدين
ومن زود تجريح القلوب أكتفينا
لين أضحكت سود الليالي بوجهين
ومن ضحكها في حالنا كم بكينا
هاذي نهايات الهوى ياريش العين
ضاعت مجاديف الغلا وانتهينا
خالد العبيريد