هنا .. سجن القوافي !!

ياراكب حمرا تذب الطواريق = ليثنى اعرف جودها من رداها
تسرح مع السفرة على فكة الريق = وتمسي المضيح ما تدانت اخطاها
واللي عليها طيب يابس الريق = بيتوع بالطرقة ليا ما نواها
رجلا ثقة وملقبا بالمواثيق = حلال صعبات تزايد مداها
يعطي الخبر ويجيب عجل وترافيق = وكم ديرة يقدام رجله وطاها
وما دون عمي من طوال الشواهيق = من رقة تزمي والاخرى وراها
في دار عدمين الرجال الصعافيق = مطران بالجودة تشيد ابناها
ربعي هل الجودات ماهم بقابيق = ونبا السموحة من مكارم الحاها
سموحة ترقد بها العين وتفيق = عينا شقيه والجماعة امناها
عسا ان بالي تطلقه عقدة الضيق = والنفس قرب اقرابها من ارضاها
هذا ونرجي الله حلول وتوافيق = ويرجّع الحاله الى مستواها
اطلب من الله قبل موت وتفاريق = تفرج لنا الايام عن ماوراها
لو كان مع لابه اكرام وتفافيق = لطامة العائل وسعد اقصراها
في جال عتبانا قروم ومطاليق = وقصيرهم بالعز يعرف مزاها
وان الربيع وجاء بروق وتخافيق = ركبوا على خيل تقارع حذاها
رماحهم دون العدايل زواريق = على النقى ثوب الشجاعة كساها
لو جيت ابدله دون الادنين ماطيق = الروح حب ربوعها من نقاها
يالله يالخلاق رب المخاليق = لا تجعل الدنيا علينا قساها

قصيدة للشاعرة علياء بنت بن سقيان من شيوخ مطير قالتها من قديم الزمان وهي في المجلاء مع عتيبة :

عبدالله الدّنّيش ,شاعرة نجد ,ناصر الهواوي معجبون بهذا

والنعم بحمران النواظر وصح نقلك واجادت السقيانيه رحمها الله
اهلا يارحيل
ارحبي يالنجلاء
اهلين ياريم
ومرحبا يانور
وحييتي يالجوهره
والله يكون بعون اللي يبون يداومون غدا ههههههههههههههههههههههههه

عبدالله الدّنّيش ,رحيل ,شاعرة نجد معجبون بهذا

بعض هالبشر محروم من لذة المرقوق=مفطح مفطح لين يبكي من النقرس
هجوس الشعروش قلت لك جعل مالك عوق=دام انك مدرس بالغزل درس مدرس
قل لي يابعد من لانوده بذات الشوق=من يسحب فوادٍ في صواهيده امغرس
يغيب به الهوجاس ويذكره وايفوق=وايعود بغيبوبه ليا قيل ماله رس
من ابريل عام الفين هو عاشق لمعشوق=لتسعة عشر والفينها في شهر مارس
وقلبه يحن لشوفته والعيون اتتوق=رغم انه تزوج ثانيه والغلا مِعْرِسْ

اقرو زين ههههههههههههههههههههههههههههههههه

عبدالله الدّنّيش ,رحيل معجبون بهذا

مساء الورد والبرد

وصحت الالسن ودام الابدااع والمبدعين
وصحت الذوائق لاعدمنا كرم الجميع

تقديري,’’

عبدالله الدّنّيش ,رحيل ,ناصر الهواوي معجبون بهذا

اقتباس:

المشاركة الأصلية كتبت بواسطة ناصر الهواوي

رحيل من يبي الهواوي يدله=ايات احد يقول هذا الهواوي
ماني ردي عزوم يجهل محله=لي مجلسٍ داخل ومجلس خلاوي
وعندي هلا بالضيف مذهب ومله=لاصد عن ضيفه بخيلٍ رحاوي
افرح واهلي به واعزه واجله=واعتبره معزب وانا اصير ضاوي

الله يسامحك يا رحيل حديتيني على المهايط وانا اكرهه ههههههههههههههههههههههههههه

صح لسانك شاعرنا
عز الله كفو وغني عن شهادتي
واللي شاد انتباهي دعواتك عامه على هـ الشاشه
ومتكرره من عرفناك بـ السلاطين وبـ الرواسي ومكانك معروف
والله يقويك ويغنيك ويطول بعمرك على طاعته

وبـ اهديك هـ الشيله

عبدالله الدّنّيش ,رحيل معجبون بهذا

اقتباس:

المشاركة الأصلية كتبت بواسطة عبدالله الدّنّيش

تسلية .... للناقد والزوار
^^
ألا مرحبا بالرعد والبرق والأمطار= ليا نوّضتها العاصفة من سماء عالي
ويا مرحبا وأهلين يا ناقد الشعّار = تراحيب غيمٍ جاد والغيث همالي
فقدناك من مدة ولك عذر بالأسفار = عسى حضرتك تحضر وتصغي لموالي
وتبشر وتبشر بالتسالي وبلأشعار = برغم إن حالي لا يسلي ولا سالي
من البارحة والهجس فيني تقول الفار= يلاعب على عبي وينقز على عْقالي
يقللي ترى بعض العرب شدوا الأسفار = ولا أدري صحيح العلم وإلا تهيأ لي
وسمّعني اللي نصها يا ( غريب الدار) = وحسيت بالغربة تخّيم على حالي
تمنيت لي جولة على الدار بالمسيار = وأسافر دياره كلما عنّ في بالي
ألا ليت لي مسيار واخذ معه مشوار = وندرج ونهرج والتوالي لها والي

^-^
وسلامتكم ودمتم سالين وسالمين

من البارحة والهجس فيني تقول الفار= يلاعب على عبي وينقز على عْقالي
يلاعب على عبي وينقز على عْقالي
يلاعب على عبي وينقز على عْقالي

تسلم شاعرنا
شطر عن قصيده,جمع بين الابدااع والفكاهه ههه
روعه يـ الدنيش
وصح لسانك ودام الحضور المميز
تقديري,’’

عبدالله الدّنّيش ,رحيل ,عبدالله الذيابي و 1 آخرون معجبون بهذا

ناصر الهواوي

يومين مابين الافنيوز والكوت
قضّيتها لو خاطري فيه مافيه

جرعة عسل تغني عن الميّ والقوت
لـ ماحصللي شوف نجد وفيافيه

فرصه ولا ودي على نفسي تْفوت
ترفيه يوم الوقت مـ عاد يمديه

رحله قصيره جبتها فـ ا ربع بْيوت
وكويتنا ربي يَحَفْظه ويَحْميه

عبدالله الدّنّيش ,رحيل ,ناصر الهواوي معجبون بهذا

ليش تغريني وأنا وش في يديني؟
كــل ماعـنـدي كتـبـتـه فـــي رسـالــه

غايتـي تفـهـم عـلـي يـانـور عيـنـي
ماقـصـر عــن طاقـتـي خـلـه بْفـالـه

والوصـال لْيـا حصـل بيـنـك وبيـنـي
يأخـذ الـورد الطبيـعـي مــن جمـالـه

خــل شــلال الغـلا يــروي حنـيـنـي
لين بدر الوصل يظهـر فـي كمالـه

متيم ,عبدالله الدّنّيش ,رحيل و 1 آخرون معجبون بهذا

ناصر الهواوي