هنا .. سجن القوافي !!

السلام عليكم ورحمة الله اهلا بالجميع صحت السنتكم وابدانكم وطهرت اردانكم وامنت اوطانكم ومساكم سعيد والشر عنكم بعيد
الريم انتي وشاعرة نجد محتفظات بحاجات قديمه وحلوه اقرا ولا اذكر شي لكن ينتابني احساس غريب وقشعريره واتأثر بالحيل
ولا اعرف السبب نزلن ما بجعبتكن انا ما احتفظت بشي ابدا
وانتي ماعليك زود من طحاطيحٍ اطيب من بناخيهم
اهلا يالجوهره وحضروك محرك للسجن وانتقاءتك فاخره الله يحفظك
النجلاء ما عليك زود الله يسلمك وهلا بك
الناقد حياك الله وبياك بغيت احبس ريسكم بالمزرعه لقيت البارح عند ابو فارس داهيه راويه لزمت عليه واعتذر

شاعرة نجد ,رحيل ,الجووهره و 1 آخرون معجبون بهذا

عبدالله الدّنّيش

ريم ان لفت قالت فقدت الجماعه=وليا حضرنا كلنا مالفت ريم
وبالسوق ناقدنا عديم البضاعه=هرجه رغم كثر اهل السوق ماسيم
ما عندنا فيما يقوله قناعه=نبي بنا واللي هو يجيب ترميم
لتسكيتنا مافيه سمعٍ وطاعه=ولا نقبل اعذاره عليِّ الملازيم

شاعرة نجد ,رحيل ,ريم الفلا و 2 آخرون معجبون بهذا

الجووهره ,عبدالله الدّنّيش

مساء الورد والبرد
صحت الالسن والاذواق مبدعين لاهنتوا
الناقد ليه نسيت اسمي من المشاركات فيس يبكي
حتى يوم غبت مااحد فيكم فقدني الا خيال الله يسعده ههههههههههه
والنعم فيك يالهواوي وعساه بيت عامر

ريم الفلا ,الجووهره ,ناصر الهواوي معجبون بهذا

كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..

$$$$$$$$$$$$$$$$$$$$$$
اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني ..
&&&&&&&&&&&&&&&&&&&
غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..

الجووهره ,عبدالله الدّنّيش ,ناصر الهواوي معجبون بهذا

اقتباس:

المشاركة الأصلية كتبت بواسطة الناقد/عبدالله الروقي

صح لسانك يابو عبيد أبشرك تو شفتها الآن
أقديت لأنكم لو خليتوني على كيفي ماعز الله أكتب أعرف نفسي!
وخلوا عنكم الهياط تجاملك ريم علشان بناخيها هههه
صح لسانك ياريم على القديم والجديد ولاهنتي على الإثراء والتواجد
الجوهرة ورحيل وملكة والنجلاء تحية لهذا التواجد الرائع وخصوصا الراعديات ههه
أبو عامر عليكم السلام ورحمة الله وبركاته
منور يالقرم حنا ماعندنا ألا عيدك مبارك في الفطر والأضحى أما رأس السنة نبكي على أعمارنا اللي راحت ماتزودنا من الطاعة وندعو لأنفسنا والمسلمين بالعز والسؤدد!
وعطنا من التسالي لاهنت.
أبو مرزوق إجازة سعيدة مرنا لو السلام عليكم!
أبو فيصل غداه اليوم عند الهواوي عزمني وماجيتهم عندي ضيوف!
أبو بندر شاري بيت وشغال يؤثث ماهو يمكم مدري ناوي الثالثة ولا!
هذا الموجز والتفصيل عند الهواوي ههههه

^^^
أهلا وسهلا بالحاضر الغائب أو العكس ههه
وكل عام وشهر ويوم وساعة ودقيقة وأنت والجميع بخير
وعافية إن شاء الله .. لا نقول إنها عيد ولكنها مناسبة دورية
ونتمى أن تكون سنة خير للجميع ،،
وحياك الله أبو محمد نورت المنتجع .. وعسى أن لا تكون ضحية هجاء
أبو عبيد فأبو عبيد يجيد الهجاء وأنت تجيد الصرف والنحو ههههه
طرفة .... يقال أن أحدنا معشر الرجال سأل زوجته : ماذا تعرفين عن
الصرف والنحو .. قالت أن تصرف راتبك على النحو الذي يرضيني ههه
يقال ان الرجال بعدها لم يعد يتكلم معها إلا بالأردو هههههه ،،
&
وحيا الله الجميع وكل الشكر لمشاركاتهم الأكثر من رائعة ،،

شاعرة نجد ,رحيل ,ناصر الهواوي و 1 آخرون معجبون بهذا

الجووهره

تسلية .... للناقد والزوار
^^
ألا مرحبا بالرعد والبرق والأمطار= ليا نوّضتها العاصفة من سماء عالي
ويا مرحبا وأهلين يا ناقد الشعّار = تراحيب غيمٍ جاد والغيث همالي
فقدناك من مدة ولك عذر بالأسفار = عسى حضرتك تحضر وتصغي لموالي
وتبشر وتبشر بالتسالي وبلأشعار = برغم إن حالي لا يسلي ولا سالي
من البارحة والهجس فيني تقول الفار= يلاعب على عبي وينقز على عْقالي
يقللي ترى بعض العرب شدوا الأسفار = ولا أدري صحيح العلم وإلا تهيأ لي
وسمّعني اللي نصها يا ( غريب الدار) = وحسيت بالغربة تخّيم على حالي
تمنيت لي جولة على الدار بالمسيار = وأسافر دياره كلما عنّ في بالي
ألا ليت لي مسيار واخذ معه مشوار = وندرج ونهرج والتوالي لها والي

^-^
وسلامتكم ودمتم سالين وسالمين

شاعرة نجد ,رحيل ,ريم الفلا و 2 آخرون معجبون بهذا

ناصر الهواوي ,الجووهره

السلام عليكم والرحمة
صحت السنتكم
استاذ عبدالله وشفيك على رئيس حزبنا
ابو عبيد هايط تراا لااااااااايق عليك صددقني
وبعدين مااسمها مهايطه اسمها تعريف بالنفس

رحيل ليه مامريتي علياأنا أعزمك في موووول
على بطاطس بالجبنة

ريم الفلا ,ناصر الهواوي ,الجووهره معجبون بهذا

اقتباس:

المشاركة الأصلية كتبت بواسطة ناصر الهواوي

السلام عليكم ورحمة الله اهلا بالجميع صحت السنتكم وابدانكم وطهرت اردانكم وامنت اوطانكم ومساكم سعيد والشر عنكم بعيد
الريم انتي وشاعرة نجد محتفظات بحاجات قديمه وحلوه اقرا ولا اذكر شي لكن ينتابني احساس غريب وقشعريره واتأثر بالحيل
ولا اعرف السبب نزلن ما بجعبتكن انا ما احتفظت بشي ابدا
وانتي ماعليك زود من طحاطيحٍ اطيب من بناخيهم
اهلا يالجوهره وحضروك محرك للسجن وانتقاءتك فاخره الله يحفظك
النجلاء ما عليك زود الله يسلمك وهلا بك
الناقد حياك الله وبياك بغيت احبس ريسكم بالمزرعه لقيت البارح عند ابو فارس داهيه راويه لزمت عليه واعتذر

الله يبقيك منهو؟ أنا متعشي عنده الليلة ماقال لي شيء!
زين إنك علمتني الله يجزيك خير ،عندي بعض القصائد أبحث عنها مع الرواة لعلي أجدها معه.

رحيل ,ناصر الهواوي ,الجووهره معجبون بهذا