هنا .. سجن القوافي !!

مساكم ريحان وند وعود وعنبر وورد
اهلا يالجوهره ليش سجناك لانك الموجوده
ووجهك خضر عرفنا ان ريم على قيد الحياه موجوده
بكيفكم الغوا اللي تبون واقرو اللي تبون ونشوف راي الباقين ودنا كلٍ يقول رايه بدون تحفظ على طرح الجوهره
اهلا ياريم مري علينا لو من الجوال وودي يبقى الموضع يوم او اكثر لنرا هل هناك تفاعل ام لا
اهلا يارحيل وحياك مولاك
الخيال خلك معنا

رحيل ,خيال مطير معجبون بهذا

تسليه للجوهره والزوار
ـــــــــــــــــــــــــــــــــــــــــــ

تقول اني على ما كنت باقي=ماداخلني غرور ولا نفاقي
ولكن فيك من شهرين شكه=من ظروفي ومنها ويش الاقي
ما دام انك بعذري ما تصدق=وصدرك حاصلٍ فيه انغلاقي
متى يالقرم تقنع لجل يحصل= لمفهومي ومفهومك وفاقي
اعرفك ودك اللي كان يرجع=وترا من ذكرياتٍ له بواقي
لاعاد الشام شام بقدرة الله=وشفت ان العراق اصبح عراقي
ولكن لا تجي ريبه بقلبك=على ما كنت انا من قبل باقي

رحيل ,النجلاء ,شاعرة نجد و 1 آخرون معجبون بهذا

خيال مطير

السلام عليكم ورحمة الله

ومسااكم سعيد وصحت الالسن
وداام الحضور

أبيات عـ الطاير

الجوهره تبشر بعذب التسالي
واللي تبي لعيونها مْراقبتنا

ليل الشتاا طويل والسجن خالي
بـ نلعب لها لو كان مالاعبتنا

بَـ نْسلي الخاطر,وكل الليالي
اللي بتقعدها على مأدبتنا

رحيل ,النجلاء ,ناصر الهواوي معجبون بهذا

هلا فيكم جميعااا
ريوووم منوووره ومساء النور والسرور
وبانتظارك التسالي الجميله والابداع.
الخفير خيال مشكور ع العشاء ماقصرت بس بدري
والليل طويل يبي لي عشا ثاني وثالث ههههه
شاعرنا الهوآوي. مساءك ورد بكل الالوآن
وصح لسآنك ع التسليه ودام حضورك وابداعك

رحيل ,ناصر الهواوي معجبون بهذا

اقتباس:

المشاركة الأصلية كتبت بواسطة ناصر الهواوي

خيال قم فك نفسك واطلع اطلع وروح=مشؤوم وجهك على سجن الرواسي غبر
للسجن من بيتك العامر نويت النزوح=من جببتك كل ورعانك نشاهد عبر
اب/بقاك بالسجن ما ظنيت تبني صروح=ارجع لعشتك ويكفيك بشت الوبر
والجوهره هاتها للسجن يمكن تبوح=بقافٍ بطعم العسل ياتي ولون التبر
احراج لاشك اشوف الجوهره ماتروح=ويمكن من حزيبها المنهار ياتي سبر
والا تعرف الحقيقه ولحرجها تشوح=وتنضم للي تبي ويصير حلو الخبر

وش رايكم؟؟
تزن براسي فكره
وهي ان نكتب في يوم بالاسبوع وهنا بالسجن 3 كلمات يعتقد ان مالهن في هالوقت وجود ولا استخدام واظن الكثيرين يجهلونهن وسميت الفكره احاجي سجين
واولهن ساطرح بعد اذن الجوهره لانها انسجنت ويمكن هي تطرح شي ثاني
(الكوه/الوذم/البريم)

صح لسانك شاعرنا
ولاهنت على هـ الروائع وتحريك السكون

فكره راائعه وهادفه
منها نستفيد ومنها نحيي المفردات التراثيه المندثره

(الكوه/الوذم/البريم)

بصراحه مفردات عمري مامرت علي
رغم اني احب الامثال والمفردات القديمه واحفظها
لكن البريم اعتقد شعر الاغنام اللي يبرمونه
ويسوون منه بيوت الشعر والمفارش والشالات الصوفيه

أعتقد فقط,’’

رحيل ,ناصر الهواوي معجبون بهذا

وعليكم السلام شاعرتنا المبدعه
شاعرة نجد منووره ومساءك أسعد
وصح لسآنك والله يبشرك بالجنه
وكل خير والجميييييع يآآرب

رحيل ,ناصر الهواوي معجبون بهذا

بعد الاستعانه بالعم قوقل
الكوه
نافِذة صغيرة مُسْتديرة يدخل منها الهواء والضَّوء.
"غرفة تضيئُها كُوَّة

الوذم / الثؤلول وثآليل في رحم النآقه تمنعها من الولد
والحزّه من الكرش والكبد والمصارين المقطوعه تعقد وتلوى ثم ترمى في القدر
^^^^^^
الحزّه ما ادري لها دخل بالمعنى ههههه كانت مع تعريف الوذم. احس مالها دخل
البريم من المفردات الشعبية القديمة التي انقطع استخدامها بسبب غياب العنصر الذي تطلق عليه وهي مشتقة من البرم اي لف الخيوط من الجلد او القطن او غيرهاعلى بعضها بحيث تكون حبلاً وغالبا ماتكون هذه الخيوط ثلاثة والبريم سيور من الجلد ملفوفة على بعضها ويستخدم لشد منطقة الوسط سواء في المرأة او الرجل وطول البريم

وحركته في الوسط مقياس لجمال قوام المرأة يقول الشاعر صالح بن قبلان

والبريم يوم يركع في سجوده

يوم يلعب فالوسيطاء اللجلجاني

وهذه المفردة ذكرت في شعر الغزل ووصف جماليات المرأة يقول الشاعر محمد بن لعبون

والوسط زاويه زي بالبريم

وان مشى بالمثل مشيه للحمام


هذا اللي عرفته
على مسؤلية العم قوقل
ههههههه

والف شكر شآعرنا على طرح الفكره
المفيده عرفنا من خلالها معنى
الكلمات القديمه.

رحيل ,ناصر الهواوي معجبون بهذا

تسالي لي وللجميع


لو تحداك الزمن لاتسلم للظروف
أعتبر نفسك جبل والجبل محدن قواه

وكان لك عقل مع الناس وعيون تشوف
أعرف أن الطيب في الناس ما يلحق مداه

وأن عطاك الله من الطيب نخوه ومعروف
يمكن من الناس محروم ربي ما عطاه


ـــــــــــــــــــــــــــــــــ

في غيابك.. ما لخلق الله حضور
وفي حضورك.. ما لهم بالبال طاري

من متى و الغصن يختار الطيور؟
من متى و البال يختار الطواري؟

في غياب الشمس وش ذنب الزهور؟
و المطر لا شح وش ذنب الصحاري؟

ــــــــــــــــــــــــــــــــ





لامن عرفت أحباب لا ترخص أحباب..!!
وعط كل من يذكرك بالخير حقه..!!

ترى الجفا من غير ما تبدر أسباب..!!
مثل قطع الكف من غير سرقه..!!

وبعض الغلا لاراح مايرده عتاب..!!
مثل العزا مايرد للقلب دقه ..!!

ـــــــــــــــــــــــــــــــ

رحيل ,النجلاء ,ناصر الهواوي معجبون بهذا