هنا .. سجن القوافي !!

تسليه

هااك القصيد اللي من الرووح للروح
ابيات عذبه لو قليلٍ عددها

فيها الغلا والود جاري ومسموح
يطلع على ذيك الغيوم وبردها

ويمطر من الاشواق مع فااخر البوح
اللي كثير اهل الهوى يفتقدها

ماودي اسرح في سماا الفكر واروح
بلاش خل اسرارنا في مَهَدها

رحيل ,عبدالله الدّنّيش ,ملكة الرواسي و 1 آخرون معجبون بهذا

ناصر الهواوي

اهلا يالمهره وصح بدنك ودام حضورك
ارحبي ياشاعرة نجد وصح منطوقك نعم نحن هنا العاصفه هنا ههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

ياهجس لو مليت من بدع القوافي والعلوم=ومن الطفش لك بان فيما تكتبه عيب وخلل
ارجع على ذيك الطلاسم خير من مبدا الرجوم=ولا احد يرا فيما تقوله من سواليفك زلل
شف الطيور اللي تضايق ترتفع فوق وتحوم=واللي على البيدا يصيبه من كثر عديه ملل
واللي تفديهم من اول بالقروم وبالرخوم=اليوم ما ظني تساوي عندهم كمحة هلل
تطيح لجل رضاهم اللي زعلوك امس وتقوم=لين الصبر من طول صبرك ياغبي صابه كلل
ومردودهم دايم وش مطفشك غير اليوم يوم=ما شفت انا ابرع من هذولا بالدعاوي والعلل

رحيل ,عبدالله الدّنّيش ,شاعرة نجد و 1 آخرون معجبون بهذا

ملكة الرواسي

عن السهر من من يعرفون منصوح=وقررت ابا اسري نيةٍ معتقدها
وسمعت في ذالدوح للراعبي نوح=امر من فعل السهر فيِّ وادها
اعاد مرمس ذاكره وايقض جروح=في خافقي ما كنت انا اعرف عددها
مسند وانا حادر مع الواد ابو دوح=بنيته واذيتي ما اعتمدها
وافق خضر قلبٍ من الوجد مجروح=له حاجةٍ ضاعت وتوه وجدها

رحيل ,عبدالله الدّنّيش ,شاعرة نجد و 1 آخرون معجبون بهذا

ملكة الرواسي

مساء الإبداع والمبدعيييين
.

هزي جذور ارواحنا يالاماكن
يمكن يطيح من التعب وجه الاحزان


مو مشكلة لو نزعج الحزن .. لكن
المشكلة لو يزعج الحزن الانسان

رحيل ,ناصر الهواوي ,عبدالله الدّنّيش و 1 آخرون معجبون بهذا

شاعرة نجد

اقتباس:

المشاركة الأصلية كتبت بواسطة ناصر الهواوي

عن السهر من من يعرفون منصوح=وقررت ابا اسري نيةٍ معتقدها
وسمعت في ذالدوح للراعبي نوح=امر من فعل السهر فيِّ وادها
اعاد مرمس ذاكره وايقض جروح=في خافقي ما كنت انا اعرف عددها
مسند وانا حادر مع الواد ابو دوح=بنيته واذيتي ما اعتمدها
وافق خضر قلبٍ من الوجد مجروح=له حاجةٍ ضاعت وتوه وجدها

=امر من فعل السهر فيِّ وادها
=امر من فعل السهر فيِّ وادها

الله الله
صح لسانك شاعرنا,
صداك احرق صوتي,لاهنت وسلمت ودمت
لاعدمنا مجارياتك وحضورك المميز

تقديري,’’

ملكة الرواسي ,رحيل ,ناصر الهواوي و 1 آخرون معجبون بهذا

عبدالله الدّنّيش

أسعد الله أوقاتكم بعد السلام عليكم
ماشاء الله عليكم .. دُرر .. لله دُركم
وش نقرأ وش نخلي !!
صحت السنتكم وطابت إبدانكم
لكن للعاصفة عصف وزوابع وهكذا هي .. دام عصفكم الشعري،،

ملكة الرواسي ,رحيل ,ناصر الهواوي و 1 آخرون معجبون بهذا

شاعرة نجد

عليكم السلام
وحياك الله شاعرنا بعد الغياب,’’

ملكة الرواسي ,ناصر الهواوي ,عبدالله الدّنّيش معجبون بهذا

اقتباس:

المشاركة الأصلية كتبت بواسطة ناصر الهواوي

صح الله لسانك يابو ناجي واستلم هالمستعجله ولا تدقق بالحيل هههههههههههه

ارحب والاماره بالقوافي تعود ايليك=ولبو بندر وهزاع وايضا ابن فراجي
ولريم الفلا ولشاعرة نجدنا يابيك=وسجين الرواسي وابن عواد هداجي
ومن محمد الروقي ومن الغامدي تاتيك=درر ناصعه محفوظه بعلبة العاجي
ودليل على ما اقول يالقرم فيه انبيك=فرسان الشعر ماهيب للسجن تنعاجي
والا انا اتعلم من تغيب إل صياح الديك=امحى ذاك واكتب ذاك واعبي سراجي
وبالميه يجي منهن ثلاثة عشر ترضيك= والباقي حسافه ينصرف فيهن الزاجي
لكن يالسنافي مرحبا ربك محييك=على قولتك ضو التماثيل وهاجي

‏^^
يا سلام عليك يا شيخنا ومعلمنا وصح لسانك
ولك كل التراحيب يا شيخ شمل الرواسي
&

تراحيب من شمل الشواعير مثل الشيك = تصل شيخ شمل الشعر في ليله الداجي
هذاك الهواوي شاعر القاف والتكتيك = ليا سج قافه يرتعد كل نساجي
معلم من أيام الكتاتيب والأتريك = ومن عانده يعطيه ضربه ب. كرباجي
ولا راق جوّه ينقل الكيف للمكسيك = يغني على الديسكو وع الجاز والزاجي
على كل حال الشعر مرات هيك وهيك = ويا ليت يصحبني على ديرة الباجي
تراني رفيق الدرب يا خوك وأبن أخيك = وخذ لك شهر وإلا سبوعين دواجي
ترى المربعانية بدت والسفر يدفيك = ولا تلتفت ل. اللوم من كل هراجي

^^
وسلامتك والجميع .. وأدري أن مالك هوى يالهواوي لا في
ديرة الباجيولاغيرههههه ..
لكن أكيد أنك لا تمانع من زيارتنا في ديارنا وقد سبق
أن وعدتني أنت والأستاذ الناقد عبدالله ومن تحب ،
أنا بالمشتى اللي أنت خابر .. والجو أكثر من رأئع .. وحياكم الله
,إذا ضيعت رقمي خبرني برسالة .. وسلامتك ،،

ملكة الرواسي ,رحيل ,ناصر الهواوي و 1 آخرون معجبون بهذا

شاعرة نجد