آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
24-09-2018, 09:40 PM
|
#20881 | |
 
|
اقتباس:
المشاركة الأصلية كتبت بواسطة ناصر الهواوي
ليتكم تكتبون بدل بحر الشوق(ظناني الشوق) حتى نغني مع اليماني
ظناني الشوق واهتاظت شقوني وكثر الدمع قد قرح قفوني ما ادري انا لياشفت اسمه معلق توقعت ما يمر غيره ههههههههههههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
مسيت بالخير ياسجن الرواسي وين اهاليك=شفني من الصبح في فيّْ الجداراللي قبالك من تكت الخلق في ظله واغني لك واراعيك=وارثي لحالي من الضيقه واعود ارثي لحالك جتنا صلاة الظهر ما شفت احد دوج حواليك=ودعتك الله ابا اغادرك انا مالي ومالك ^^ اي بالله ظناني الشوق وأهتاضت شقوني سلامي عليكم أجمعين .. وصحت السنتكم جميع وكل عيد وطني وأنتم بخيرين وطيبين ومستأنسين مشاركات تبهج الخاطر كلها .. بس حقت الهواوي هذي هاضت شقوني وجنوني وسامحوني .... ^^
هنيّ ذاك الجدار اللي تسلىّ من تساليك = كني بذاك الجدار يْقول دعنى في ظِلالك ^^ويقول لا لا تقوم وهات سيرة من حكاويك = إذني شنفها الطرب يا شيخ من راهي جِزالك إلا الرثاء لا تسمّعني طواريقه.. طواريك = أخاف ينهدّ حيلي وآتبعثر في رمالك إجلس ومني صدى للصوت بالخافي يجاريك = وليا تغنيّت للصدة فحالي مثل حالك دع عنك لوم المقفي طالما الحاضر يناجيك = وأطلق عنان القصيد لْصاحبٍ ينشد وصالك هي هكذا دنية المشتاق والعاشق دواليك = مرّة تشوفه على يمناك وأُخرى في شمالك ومرة يسلّي بقيفانه ومراتٍ يصاليك = حتى على الجمر يتسلّى ولا يخطر ببالك ياكم شكينا وملّ الصبر وإحنا في حراويك = أقولها له ، ويتندّر يقلي وش جرى لك وأقول يا ذا الهواوي في الهوى منهو يواسيك = ترى جمال الجمايل يقتبس منها جمالك وطيّب الله فالك وصحت أقوالك ،، |
|
|
التعديل الأخير تم بواسطة رحيل ; 24-09-2018 الساعة 11:17 PM
|
|
24-09-2018, 10:07 PM
|
#20882 | |
|
اقتباس:
المشاركة الأصلية كتبت بواسطة ريم الفلا
يسعد مساكم
ويسعد لي جوكم ساجنيني وتسالي وانا يغافلين لكم الله! ياحلو تساليكم ومشاركاتكم لاعدمتكم اهم شي ابي عزبة القهوة عشان اكيف واغني هههه هلا وسهلا يا ريم .. ونتمى لك إقامة فارهههههه ^_^
هات الدلال وهات للريم قهوة = يا مرحبا يا ريم في سجن الأشعار
حضورنا واجب ومن غير دعوه= اللي مقيمٍ كان واللي بالأسفار ويا حزبنا رحّب وللضيف نخوه= العاصفة لا جات تقبل بالأمطار يا مرحبا مليون من فوق صهوه= خيولنا تصهل على كل مضمار صفوا وحطوا الورد في كل بهوه = ورشوا عليها من عواتيق الأعطار |
|
|
التعديل الأخير تم بواسطة رحيل ; 24-09-2018 الساعة 11:20 PM
|
|
24-09-2018, 10:07 PM
|
#20883 | |
|
كيبوردية تسلية للسجين
طير الهوى ماهو عن راع الهوى غادي لاشاف راعيه يومي له بملواحه لا تحسب البعد يافارقتني عادي مثلي من الفقد فاقد لذة افراحه عجزت لااخفي تعب فرقاك واجهادي ما ذقت راحه كثر ما احتجت للراحه بفياض ذكراك وبل الشوق رعادي من حايل لنجد يوميّاً إلى الباحه وان غبت؟ وابطيت؟ ماجيتك بميعادي؟ يكفيك حرفٍ ماهو غايب عن الساحه |
|
|
|
24-09-2018, 10:16 PM
|
#20884 | |
|
اقتباس:
المشاركة الأصلية كتبت بواسطة شاعرة نجد
يامحمد العواد ذي شاعرة نجد كل ليل تكتب فـ الرواسي قصيده والا أنت غايب ياسلالة هَل المجد ماعدت غير اليوم عوده حميده عطنا القصيد اللي من الروح والوجد من فااخرك عطنا نوادر جديده ارحبي ارحبي سلمتي ولاهنتي حي شاعرتنا المبدعه شاعرة نجد مطوّعة جزل البيوت العنيده بين المهار اللي لها بالوطى رجد تجوب ميدان الفرايد وحيده هذا القصيد اللي من الروح والوجد في واقعي كل يوم تولد قصيده |
|
|
|
|
24-09-2018, 10:17 PM
|
#20885 | |
حزب العاصفه
|
اهلا بالسجينه الهاربه او بالاصح ماوصلتها مذكرة الاعتقال ههههههههههههههههههههههههه
اهلا يابو بندر ماني اول مره انسق القصيد والا احب لنزلها بدون تنسيق لكن جربت على بلورك اللي تقول وعلى الكروم وما وفقت ابا اجرب هالحين اهلا يابو عامر وصح الله لسانك ودي اتمعن بالابيات من جديد اهلا ياشيخه لا لاتغرينهم ما ينفع معهم الطيب ولا يزعلهم خلافه هههههههههههههههههههههههههههههههه راس الغول واليم مالهم ريغه والعواد لكن ابو سيف معودنا على ذلك |
|
|
|
24-09-2018, 10:29 PM
|
#20887 | |
|
معودنا على ذلك
هههههه على هالسالفه ابشتري لاب توب يابوعبيد واكتب عليه خاص برواسي نجد لا يهدى ولا يباع |
|
|
|
|
24-09-2018, 10:32 PM
|
#20888 | |
|
حزب العاصفه
|
الليله عشا ريوم حاشي=ماذاقت من امس العصر شيه جابت قرص شيخه قلت ماشي=مايصلح مع ظروس محشيه ذولا يشبهون افلام طاشي=لاجو بالضحى غابو عشيه لو قرصك لها يصبح معاشي=شفتي ريم بالسجن مغشيه وجدي ياسهيفٍ تقل شاشي=ضوح البرق بعروض النشيه |
|
|
|
|
«
الموضوع السابق
|
الموضوع التالي
»
العرض العادي
|
|
