هنا .. سجن القوافي !!

اقتباس:

المشاركة الأصلية كتبت بواسطة خيال مطير

عفارم عليك يازعيم ,, بردت ســـــــــــــــــبدي ههههههههه

بقعاء تصوعك ياخيال أثاريك حقود هههه
ولاهنت على التسالي ومنور السجن!
----------
رحيل هلابك يالقرمة والله محييك!
----------
الجوهرة من طول الغيبات جاب الغنايم وين الناس؟
وحياك الله وبياك يالراعدية !

شيخـــة الغــيــد ,ناصر الهواوي معجبون بهذا

اقتباس:

المشاركة الأصلية كتبت بواسطة الناقد/عبدالله الروقي

صح لسانك يابو عبيد وأنا جايز لي السجن موجود فيه إلى نهاية الأسبوع ثم أكفل نفسي إن شاء الله!
ولاهنتوا يارواد السجن الفضلاء ،،

علي الملازيم ماتطلع من السجن , الابكفاله

ولا ,,, دق القمرق واطلع ,,

ناصر الهواوي معجب بهذا

اقتباس:

المشاركة الأصلية كتبت بواسطة الناقد/عبدالله الروقي

بقعاء تصوعك ياخيال أثاريك حقود هههه
ولاهنت على التسالي ومنور السجن!
----------
رحيل هلابك يالقرمة والله محييك!
----------
الجوهرة من طول الغيبات جاب الغنايم وين الناس؟
وحياك الله وبياك يالراعدية !

لاهنت يالامير

السلام عليكم
ويسعد مسآكم
وصحت الألسن شعراء ومتذوقين
النوور نوووركم يا الغالييين
منوور السجن ناقدناااا
والله يسلمك ويعافيك
وابشر بالغنآيم والتسآآلي

شيخـــة الغــيــد ,رحيل ,ناصر الهواوي معجبون بهذا

^تسليه من الخفير ,
آبا الثريا , ابو عبيد

يا لابس البشت خل البشت لأصحابه = ماهو بلايق عليك ولا أنت لايـــــــق له
البشت له ناس تعرف له وتعنـــى به = أرث لها من زمان وسبلها سبــــــــــــله
والعرف والصدق ما كل طرق بــابه = يا كم غشيمٍ يحاول به وهو هتــــــــــــله
والعاقل الله عطاه العقل يــــزهى به = دائم يقديه فيما ينبغي عقــــــــــــــــــــله
ومحبة الناس والفزعات جــــــــلابه = للكفؤ وأعماله الجزلات تشـــهــــــد له
والشعر لو جاء به الملسون بخطـابه = ماهو بحقٍ على ما قيل ينســـــــــــب له
وأهل المثل قالوا إن العنز حـــــلاّبه = لكن حلاّبها جاها الخبل قبـــــــــــــــــله
وهذي ظروف الزمان وهذي أسبـابه = تخدم رويبض وراعي الطيب توقف له
وأنا من الله بخير ولابتــــــــــي لابه = أهل البلاجيك والوقفات والصمــــــــله
في السلم تسلم ووقت الحرب حـرابه = خصّامهم في دبور وينقطع نســـــــــله
واللي زبنهم زبن وينوخ ركـــــــــابه = ويلقى الكرامه ومطلوبه حصل لأجــــله
لنا تواريخ فعل ماهي كـتـــــــــــــابه = في كل موقع لنا فعل ثبت أصــــــــــــله
فعل يشرف ماهو ختلات ونهـــــــابه = ولا هو على شأن برج ما وجب حِـــــله
والمعذره لو قصر شعري وما جاء به = في مدح ربعي ولا خاوتني الجــــــزله
فاللأبه أكبر من الشعر وتحكــــــى به = وأنا أعتبر خادم لربعي على المِـــــــله

ناصر الهواوي معجب بهذا

اقتباس:

المشاركة الأصلية كتبت بواسطة الجووهره

السلام عليكم
ويسعد مسآكم
وصحت الألسن شعراء ومتذوقين
النوور نوووركم يا الغالييين
منوور السجن ناقدناااا
والله يسلمك ويعافيك
وابشر بالغنآيم والتسآآلي

لاتنسين الخفير يامراقبة جاك العلم

هههههه
الخفيير الكل في الكل
ربي يسعدك يا الاقشر ههه

الجووهره ,ناصر الهواوي معجبون بهذا

تسليه من الخفير


البارحه جاني من الشوق مرسال
الشاهد الله يوم شفته تهنّيت
من جوهرتنا ذربة الحرف والقال
أصدق مشاعرها لمسته وحسّيت
أبيات صاغتها جواهر على آل
عجزت أنقّي من غلاها ولا بيت
عريبة المنسب من العم للخال
من طيّب النّبته تبين المنابيت
أغليتها لاشكّ والقلب ميّال
طبعي إذا حبّيت من قلبي أغليت
جت فوق هقواتي على كل معدال
الله هداني يوم فيها تهقويت
ليت المعاني تنتظم وسط سلسال
وانظم ثمين القاف والشعر ياليت
والله لالبسها بلا شك واختال
وافخر بها بين الملا لاتباهيت
يالجوهرة لاتشغلك بعض الأحوال
لايشغلك حالي إذا غبت وأبطيت
وسط الحنايا لك من الجال للجال
سيرة غلا ماتنتهي رحت أو جيت
ولك في عيوني ياغلا الروح منزال
وداخل رياض القلب شيّدت لك بيت
بعض الغلا يثبت كما تثبت جبال
حتى ولو أبطيت عنه وتنحّيت
ولايشغلك ياغالية هرج جهّال
لاتزعجك بعض العلوم الفتافيت
بعض الرجال المعذره ماهم رجال
ماتعرفين الحي منهم من الميت
البعض مايسوى ولايوصل ريال
ويخيس لو حطّوه وسط الحوانيت
كذّاب في غالب هروجه ومحتال
ومايحمل إلا الشر مثل الطواغيت
لو بحسب الشينه ترى ليلنا طال
أزرى المربّي ( مثل ماقيل ) وأزريت
والبعض لا والله صناديد وأشبال
يطير لانادوه مثل العفاريت
خفيف نفس وللمواجيب حمّال
ولايترك المسجد بكل المواقيت
ثابت على مبداه لو مات مامالل
اشفت مثله داخل القلب سمّيت
لكنّهم قلّه مثل حبة الخال
في وسط قفرا كلها هيت في هيت
ياللي تحسب المرجله هرج وجدال
زليت في ظنّك بلا شكّ وأخطيت
المرجله ماهي ترى كثرة أموال
الفقر ماعيّب قروم وشفاليت
والمرجله ماهي ترى بشت وعقال
ونتفة شنب لاحكّه الموس صديت
والمرجله ماهي خلق ثوب وسمال
وشماغ من كثر النشا به تنشيت
وتطرد بنزواتك ورا كل خلخال
ياكم لقيت من المهانه وهجّيت
والمرجله ماهي ترى هرج جوّال
وتعيش لحظاتك خداع وتناهيت
لاهمّتك زوجه ولاهمّك عيال
راحت حياتك بالسخافات تشتيت
المرجله صدق المواقف والأفعال
وسلوم مايقدر عليها الهلافيت
وختامها يالجوهره سترك الفال
يحفظك ربي كل مااصبحت وامسيت
وحبّك ترى مايثبته قطع ووصال
مادام لك في خافقي يالغلا بيت

ناصر الهواوي معجب بهذا

حزب الرعد ريسه وينه=والا بعد وينه الناقد
عودة جواهر لهم زينه=عن ريم صارت بدل فاقد
وخيال مذهول ياعوينه=وش يفعل بحظه الراقد
ورحيل ما ارست على مينه=بحزب؟؟قالت لنا ما قد

شيخـــة الغــيــد ,رحيل معجبون بهذا