هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

نبيها نكت شعريه
ــــــــــــــــــــــــــــــــــــــــ
بيت كنت اسمعه من قديم
يالرمصا عينك غمصى والرمش ما تلقينه= احسب عشيرك واحد واثر كلٍ تبينه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
غفر الله لابي ولجارنا وللمسلمين اجمعين
وانا صغير اذكر اشترى ابوي من جار لنا اسمه صالح العليان
معزا وتبين بها جرب
قال ابوي
يالله انك لا تربح صالح= غشني في عنزه الحتريه
كشرته كنه اقليِّب فالح= والفطيس بجوفها مرميه
الحتريه شديدة الجرب

ههههههههههههههاي مدري اقول صح لسانك

ناصر الهواوي معجب بهذا

اقتباس:

المشاركة الأصلية كتبت بواسطة شاعرة نجد

تسليه لـ السجينه
انا على يقين انها موجوده,ريم ماتهرب
يمكن خلوهـ مع النفس

قريحتي فلي جديلك وشوشي
قومي الفحي من صادق الروح كم بيت

في حضرتك صالة وجالت جيوشي
جيش المشاعر جاا على حسك وجيت

غني ولاتفلين مطوي عفوشي
جيبي جديدك من بَعَض ماتمنيت

كم كثر دمع العين كسّر رْموشي
لاغنت الورقاا على الغصن واوحيت

هديلها وقامت على ماتنوشي
من عروق قلبي وشلعتها وجريت

موال منه امواج الازرق تطوشي
بغيت ارده واكتم الصوت وازريت!

يامرحبا وهلا وغلا يانجد منورة غاليتي وعودآ حميدآ
وصح لسانك العذب ولاعدمنا تواجدك الجميل



يا شاعره كم بالضماير يجوشي
و قريحتي ماعاد معها عفاريت

اللي قبل لا ضاق صدري تهوشي
و اليا رضيت و صدري ارتاح غنيت

على الجزيل و كل شرّد تحوشي
و لابد ما ترجع على ما تهقويت

و الوجد ينهش في نهش الوحوشي
اللي لها في عالي الضلع تصويت

انا رياضيه ما جيت الجموشي
و عفيف فيها ما سكنت و تربيت

لكن غلاها فالضمير مخشوشي
عشان ابوي و لاجل جداني الميت

وجدي على هاك الدير و النقوشي
اللي على الضلعان و السوق و البيت

العاصمه لو كان برجر و سوشي
ما غير زادت فالضلوع التناهيت

ناصر الهواوي معجب بهذا

السلام عليكم يا احبه .. شلونكم جعلكم في افضل حاله
وكل عام وانتم بخير في هذه الايام الفضيله واسأل الله ان يبلغنا يوم عرفه ونسأل الله القبول فيه ،،

ناصر الهواوي معجب بهذا

اقتباس:

المشاركة الأصلية كتبت بواسطة عبدالله الدّنّيش

^^^
وعليكم السلام ورحمة الله وبركاته.
وأهلا وسهلا شاعرتنا نجد بين أخوتك ومتابعيك
وحمد الله على السلامة بعد طول غياب ويا مرحبا بك
وكلنا نقوووول :-
‏

هلا مرحبا يا غايبٍ كلنا نغليه=هلا عد ساعات الغياب الحسابيه
فروض الأخوة والسُّنن توجب إنحييه=ونرفع له الرايات وأبيات شعريه
ونجلاء بيدها مبخرتها مع البوكيه=ومهرة تصب الكيف من نارها الحيه
وشيخة ورحولة تجهّز لها البوفيه=وريم الفلا بالشعر تحيي لها أمسيه
فرحنا بجية شاعرتنا ولا نخفيه=هلا مرحبا من كل راسي وراسيه
‏

وسلامتك والجميع .. والعذر في تأخر الترحيب ....

مبدعين شاعرتنا وشاعرنا حضور فخم ،،
صح لسانك يانجد وصح لسانك يالهاجس كفيت ووفيت
ونجد تستاهل نسوي لها أمسيات ومعلقات بعد

ناصر الهواوي معجب بهذا

اقتباس:

المشاركة الأصلية كتبت بواسطة ناصر الهواوي

اهلا يالنجلاء وانتي جزاك الله خيرا وصح بدنك
اهلا ياشاعرة نجد صح بدنك وجزاك الله خيرا/
اهلا يابو محمد وصح بدنك وتقبل الله من الجميع صالح العمل
شاعرة نجد صح لسانك على هالدرر النادره ولا فض فوكي يامبدعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

سجنا خفير السجن وانحاش بالمفتاح=ياويح السجن من هالمساجين ياويحه
دخوله بهالايام ماعاد هو متاح= مستودع صدر نجد اعذرت في مفاتيحه
اومت به اوماية فاقد الطير بالملواح=عدا راس ضلع ويلحق الصيحه الصيحه
اقفت به عواصيف العصر لين هف وراح=صلى بالنبا المغرب وحذَّف مطاويحه
وانا كل ما اطالع بيوتٍ عذاب ملاح=على القلب يطري ما يجدد تباريحه

ما احد بالسجن وده يا هالشاعر المزاح
ورى فالسجن ما تاخذ شوي ترويحه

و بشور لك بالشور من خاطرٍ مرتاح
بلاش السجن بدلك لديره مريحه

ترا سويسرا هي غاية النفس و الافراح
لقيت الطبيعه تاخذ الهم و تزيحه

مع اني قضيت الوقت في وحشة الارواح
و لا ارتحت لين ابوي شاهدت تلويحه

لكن ديرةٍ زينه و تعنا لها السياح
و من مرها في خاطره سر بيبيحه

وسلامتكم

ناصر الهواوي معجب بهذا

اهلا يالمهره وتسلمين على التفاعل مع الطرح ولاهنتي على الايراد الجميل
اهلا يا نور الا قولي صح لسان لاني الناقل لما ورد هههههههههههههههه و............بلاش
ارحبي ياريم ولاهنتي ودمتي وسلمت والله يخلي لك الوالد ويعافيه ويحفظ الجميع وصح لسانك ع الثنتين ولي عوده على سويسرا هههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

ريم الفلا معجب بهذا

تحيتي للجميع ولاهنتوا!
شاعرتنا ريم طلة بعد غياب هلابك وصح لسانك على القصيدة الفاخرة !
انا رياضيه ما جيت الجموشي
و عفيف فيها ما سكنت و تربيت

لكن غلاها فالضمير مخشوشي
عشان ابوي و لاجل جداني الميت

جعل عفيف للسيل إي والله!
عاد الجمش ماظنيت يعرفونه بعض القراء
مجموعة مراكز يطلق عليها الجمش أو الجموش تابعة لمحافظة الدوادمي!

قبل فترة مريتهم من كثر حبهم للديرة كاتبين عبارة(جمشنا أغلا من رمشنا)هههه
ولاهنتي شاعرتنا وصح لسانك،،،

ناصر الهواوي ,ريم الفلا معجبون بهذا

حياك شاعرنا الهواوي والبقاء بك
وامين يارب وصح بدنك


حياك يالناقد وصح بدنك
صحيح وشكرآ لك على التوضيح فعﻵ الكثير ممكن يجهل القصد من الجموش (: الا اهل الديار ذي
ربي يسعدك شاعرنا ولاهنت

خيال مطير ,ناصر الهواوي معجبون بهذا