هنا .. سجن القوافي !!

لالا خلاص شيل قشك ههههههههههههههههههههههههههههههههههههههه







؛


كل ما ضاقت مساليك الحياه
مالقيت اطيب من علاج السجود

يالله اجعلني من اصحاب الصلاه
قبل تجعلني من اصحاب اللحود

؛

يالله العفو منك في الخطا والصواب
ساعهٍ ينشد المخلوق . . عن ما عمل

محمد العواد ,عبدالله الدّنّيش ,ناصر الهواوي معجبون بهذا

سلّط علي اللي يجر الصوت ويغنّي
من وين جاب القصيد اللي يغني به

شحني اغناه وانا ادنى ما يشحنّي
وسرى علي جعل جيش القوم تسري به ههههههههههههههههه

محمد العواد ,عبدالله الدّنّيش ,ناصر الهواوي معجبون بهذا

اسعد الله مساكم يالرواسي بكل خير
وعساكم بخير واحسن حال ان شاء الله
صح الله لسانك يابو عبيد
العاصمي صح الله لسانك ملايين
ريم الفلا صح الله لسانك شاعرتنا
العواد ياهلا ومرحبا بك الحمد لله ع السلامه وماعاد نسمح لك تغيب عن الرواسي
خيال مطير حضورك جميل وتساليك اجمل
رحوله لاعدمنا تواجدك الدائم والرائع يالغلا
المهره تسلمين ع التسالي الرائعه
شيخة الغيد يسلم الذوق والحضور الجميل

محمد العواد ,رحيل ,عبدالله الدّنّيش معجبون بهذا

ياعارض الماء على العطشان هههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

رحيل ما اردتيه تم وسجناه=هذا جزاء من طال عنا غيابه
حتى لو انه عاصفي ما رحمناه=من غيبة ابو سيف جانا كآبه
وخيال فك قيود رجله بيمناه=وطلع مع اقصى باب ما احدٍ درابه
ياوجد حالي يا ابيض الوجه وجداه=وجد يتيمٍ ما بقى له قرابه
امه بمبدا الصوم وابوه باتلاه=ولاصار حزن الا غزنه ركابه
الهم لاامسى الليل مره وسراه=لو له بصيص من الأمل ماسرابه
على الذي ودي بلاماه وابغاه=ان غاب يفقد وان حضر له مهابه
ادعج غنج في نجد تندر حلاياه=الردف زامي والصدر به رحابه
عزالله انه راح مانيب وياه=ومن قال الاحيا تلتقي صك بابه

محمد العواد ,رحيل ,عبدالله الدّنّيش معجبون بهذا

راما هلا ما بان صوره ولا صوت=ماكنك الا من صواهيد راما
ما انتي لحالك معك حضار وسكوت=اكره صنوف البخل لو بالكلاما

رحيل ,عبدالله الدّنّيش معجبون بهذا

اقتباس:

المشاركة الأصلية كتبت بواسطة ناصر الهواوي

ياعارض الماء على العطشان هههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

رحيل ما اردتيه تم وسجناه=هذا جزاء من طال عنا غيابه
حتى لو انه عاصفي ما رحمناه=من غيبة ابو سيف جانا كآبه
وخيال فك قيود رجله بيمناه=وطلع مع اقصى باب ما احدٍ درابه
ياوجد حالي يا ابيض الوجه وجداه=وجد يتيمٍ ما بقى له قرابه
امه بمبدا الصوم وابوه باتلاه=ولاصار حزن الا غزنه ركابه
الهم لاامسى الليل مره وسراه=لو له بصيص من الأمل ماسرابه
على الذي ودي بلاماه وابغاه=ان غاب يفقد وان حضر له مهابه
ادعج غنج في نجد تندر حلاياه=الردف زامي والصدر به رحابه
عزالله انه راح مانيب وياه=ومن قال الاحيا تلتقي صك بابه

ههههههههههههه صح لسانك يابو عبيد ...
ادعج غنج في نجد تندر حلاياه=الردف زامي والصدر به رحابه
الله لايلومك , يبالك زيت زيتون مقري فيه

انا انحشت من السجن وقيودي فيني ذبحني الجوع , مايحتاج كفاله . لو أني شاعر , كانت الارزاق هلت علي يالذات من الجنس اللطيف , لكن ماقول الا حسبي الله ونعم الوكيل

محمد العواد ,عبدالله الدّنّيش ,ناصر الهواوي معجبون بهذا

تسليه خفيفه للعواد والزوار

غريب!!ماشفنا تسالي لبو سيف=وش نوحكم ياربعنا والربايع
لمحمد العواد جب دلة الكيف=وهرفي ومن غال الحلا جب نوايع
ياحيفنا يالعاصفيات ياحيف=العاصفي بالسجن مضرم وجايع
ذي طلعة الجوزا ترا قمة الصيف=اللال ظهر بروبة القاع مايع
اما بعد:لي شهر عن شوفه ونيف=لوقيل من هو قلت زين الطبايع
سموحسن الخلق /لخلاقه ايقيف=للمنتقص له ما تهيا ذرايع
يلم بي له لا ابتدت غفوتي طيف=ويلوع قلبي لجل فرقاه لايع
كم لي وانا اسمع عن فراق المواليف=واقول ذا هرجٍ بليا وقايع
لين سعرت بي سعرة النار يالليف=وسلامتي صارت من اولى الطمايع

ريم الفلا ,محمد العواد ,رحيل و 1 آخرون معجبون بهذا

عبدالله الدّنّيش

اقتباس:

المشاركة الأصلية كتبت بواسطة ناصر الهواوي

ماضاع لك شي ياهجسي ترا ماضاع لك شي=انا الذي كل شيٍ لي مع الايام ضايع
ليا طرت لك طواريك القديمه قمت تنشي=من ما تجود القريحه به من ابياتٍ روايع
احيان ما يقدر ايجرك لبدع القاف ونشي=واحيان تقلط كما يقلط على المطعوم جايع
بينك وبين العقل مرات اقول الفاصل انشي=ويظهر لي ان المسافه بينك وبينه فضايع
لو الرشاوي تجيبه كان ابا استغفر وابا ارشي=ومن يملك العقل لو تغريه/له ماهوب بايع

^^

يا سلام عليكم كلكم .. والله ما ينلحق مداكم عساكم ع القوة والعافية

وصح لسانك أبو عبيد ... نهر وبحر .. وتحية للجميع

رجعت لما مضى من صفحات وأثارتني هذه الشائية

ولاغرابة من زعيم العاصفة ومثيرها ومديرها ههه

@

يا ذا الهواوي على حبك القوافي قمت تنشي = تهبّك العاصفة وتروج بك مثل السوايع

تطقها من شمال ومن جنوبٍ وأنت تمشي = والقافية في رضى المحراف تاجيكم سرايع

وأنا تهيضت لأجل القاف وأرغي رغي هرشي = هرشٍ توّجد على شعلا توارت جوف خايع

يا ليت الأموال تفزع كان ما وفّرت قرشي = يمين لأصرف رصيدي وإدخاري والودايع

على وضوح النقى والقلب للأسرار يفشي = ياليت تتكرم الصدفة وتاجينا طوايع

وأذكرسليمان مع بلقيس قالت جاك عرشي = وأفرش لها لجة الأشواق تاطاها الوقايع

وياليت تكشف عن النية وتجلس فوق فرشي = وأحكي لها لوعة المشتاق في جوف الهزايع

^^

وسلامتكم

ريم الفلا ,محمد العواد ,النجلاء و 2 آخرون معجبون بهذا

ناصر الهواوي ,رحيل