هنا .. سجن القوافي !!

تسلم وتدوم يابوعبيد وصح الله لسانك مدد بلا عدد
خيال مطير صح نقلك وذوقك
شاعراتنا عسى ماشر ترى غيابكم يقلقنا
الناقد فاقدينه والعواد وسجين الرواسي وحمد الحربي ان شاء الله ان الجميع بخير

شيخـــة الغــيــد ,رحيل معجبون بهذا

سلاااااام
وتسلية عشان مايزعل قائد الحزب المناضل
بعض البشر ينهار عنك ليا ضقت
تحزن تشوف الدمع يملي عيونه
وبعض البشر احباب لكن ليا حرت
ما فادك و لو كان بكلمه حنونه
خلك مع هالناس ما كنت لو كنت
بينسر لك خاطر وتسمع لحونه
ابعد بعيد بحيث ينقال باعدت
واقرب بقدر ينقال ان انت دونه
وان شانت الدنيه لا تقول اوو شت
قول الله يلعن الذين اظلمونه
يخيب صح الحظ لكنك ما خبت
ما دام عهدك ما تفكر تخونه
واضحك ترى بالظحك حزنك بينفت
شيٍ يجي بقسوه و شي بليونه

شيخـــة الغــيــد ,ناصر الهواوي ,النجلاء معجبون بهذا

ياهلا والله يانور نورتينا بوجودك
وكل عام وانتي بخير ان شاء الله

والله يالعاصفيه(المهره)فاقدين الجميع حتى اللي لهم مداخلات لا مشاركات يعتبرون على هامش التواجد
لاهنتي ودمتي وسلمتي
اهلا يالنجلاء وحييتي
اهلا يالعاصفيه (نور) حلوه(المناضل) هههههههههههههه وصح لسانك ابا احاول مجارات هالمعاني الرائعه جازت لي
ــــــــــــــــــــــــــــــــــــــــــــــــــ ــــــــــــــــــــــــــــــ

يانور يلزم صبر ذا ديدن الوقت=قولي ياراس اشمخ ولالك مهونه
مافيه حي الا وقد ذاق ماذقت=وقد عض روس اصابعه في سنونه
وياقلب لو ما رقت هالحين كم رقت=فيما مضى واطلب من الله معونه
لاتقول من بعد التجارب توهقت=وكم شوقك ورقٍ يروبع لحونه
وكم حملك هجر المواليف ماطقت=وكم لحفوك برق قول وليونه
ودك تقول انك بغيبوبه وفقت=كن منطقي لاهل الصراحه نمونه

شيخـــة الغــيــد معجب بهذا

/

السلام عليكم ورحمـــة الله وبركاته
وأسعـــد الله أوقاتكم بكل خ ــــــــــــــــــــــــــير
/
صحت أنفاسكم / ن العاطرة الماطرة شعراء وشاعرات الرواسي
ع جمال الحرف وروعـة العطاء والإبداع الفاخر

^_

الهوآآآوي عميد الشعر متعك الله بصحتك شاعرنا ولاعدمنا هذا التوآجــــد المتألق
وصحت روحك الطيبة وصح الله لسانك

/

ناصر الهواوي معجب بهذا

//


للحب داعــــــــــــــــي يا هل الشور تكفون
قلبي خــــــــــذاه اللي على العرش سلطان

اللي كــــــــــــــــلامه ذرب وحروفه عيون
فز الخفوق وعـــــــــــــانق الروح حرمان

قمت اتخـــــــــــــــيّل كيف وشلون وشلون
يقبل ويقفي والحـــــــــــــــــنايا له اغصان

ارجـــــــــوك يا حظي عسى الغرو مزيون
وجــــــــــــــــــــدايله تزهى متونه اليا بان

زول الوضيحـــــــــي لا تخــطّى على هون
جــــرح المعـــنّى / من على الصيد ولهان

يا ويل قلبٍ بالرعابيب مســــــــــــــــــكون
انا اشــــــهد اني يا هــــــــل الحب شفقان

عليك ياللي دون مـــــــــــبداك ( ملعون )
سطرّت قـــــــــــافي وارجي الرب غفران

عمر بن عبدالمحسن

سجين الرواسي ,ملكة الرواسي ,النجلاء و 1 آخرون معجبون بهذا

ناصر الهواوي

من البرحه
ــــــــــــــــــــــــــــــــــــ

وينك يالحمام اللي ليا ارتحت عكرت المزاج=بنوحٍ يتل عروق قلبٍ حوى الاحزانيه
على حامي اشواقه مقلقل يقلب فوق صاج=احرق والمعلم من فعوله شنته الشانيه
انا كنت اعاني من كثر ما اسمع النوح انزعاج=وهالحين من صمتك احس بصمم باذانيه
الا يالثمان اللي كما اللول في صندوق عاج=تلاعج ضواكن ما تعرفن ويش اهدانيه
لا ماهي مسره منطق الحق ما فيه انحراج=وهقني وولعني بكن وانكر وخلانيه
مثل من وجد نفسه بلا ذنب محبوس بسياج=من ادنين ما جته التهم من لدن عدوانيه

سجين الرواسي ,ملكة الرواسي ,النجلاء و 1 آخرون معجبون بهذا

شيخـــة الغــيــد

اهلا ياشيخة الغيد وصح بدنك وحفظك الله ورعاك ولاهنتي ودمتي وسلمتي ودامت هالذائقه الفاخره
ويش نعمل على مايقولون الفاضي يعمل قاضي(وانا اعتقد انه ما يقصد قاضي شرعي اتوقع انه يسوي لقيمات قاضي) ههههههههههههههههههه

ملكة الرواسي ,شيخـــة الغــيــد معجبون بهذا