آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
24-06-2018, 11:02 PM
|
#19689 | |
حزب العاصفه
|
اهلا يارحيل صح ذوقك ولسان قايلها ابيات في قمة الابداع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ النفس ماهيب تلعه والخلا يوحش=وركظك بمضمار شين ولالك مباري وتصبحون على خير |
|
|
|
25-06-2018, 12:27 AM
|
#19690 | |
 
|
اقتباس:
المشاركة الأصلية كتبت بواسطة ناصر الهواوي
صح لسانك شاعرة نجد الزبده انك تاتهجين عن الوطن وبالقيض معك حق
الفراج مادام تعرف ان المخرج ملي شاركنا اما صح لسانك وما شابها فلو ماحنا متأكدون منها ما كتبنا اصلا هههههههههههههههههه اهلا يالنجلاء ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ سريب دله
انا فيني غبا والا ذكا والا شوي خبال=علامات التعجب قدم عيني مالها حاكر ورا راع الغنم لوبه كرم يضحك به الوبال=واحسب اليوم يوم اثنينا و اثنيننا باكر ليا طاح البخت ماترفعه بمروبعات حبال=تقول العلم ما دار شهره /وايقول انا فاكر؟؟ وليامن اليالي بالمطاليب اوجهت بقبال=اخذ حذرك بجد وكن لمن لك ساقها شاكر ارحب يابو عبيد مشكلتكم عندكم ثقه زايده هههههه خلونا لين نشرب الماء ونجيكم هههههه صح لسانكـ يالمبدع رحيل تسليه رائعه واختياركـ دايم رائع يسلم ذوقكـ |
|
|
|
|
25-06-2018, 11:02 AM
|
#19691 | |
|
حزب العاصفه
|
حكة لسان
خمسة عشر يوم ما ابتلت كبود الصيام=الله يعيد الحياه إلها بعد صومها
يالصايم الضامي الراوي عليك السلام=وتحيه بريح شيحتها ويشمومها البخل بالمال اظن اهون منه بالكلام=وهذا وهذا ثبت بالشرع مذمومها لاتزعج بهالقوافي يالهجوس النيام=ايقض(......)بعذب القاف من نومها قل ليلي اليل من غيابك عليِ الحرام=اغفي بساعه تعب وسياع ما انومها لامسج لاواتس لامرسول جاب العلام=يعني سلوك التواصل منك معدومها |
|
|
|
|
25-06-2018, 12:48 PM
|
#19693 | |
  ] . .
|
يوم قلبي ما عصاك وما قدرتي تذبحينه
ليه خنتِ فيه وأنتِ معه من نفس الديانه كان ذبحي بيدك أرحملي من اللي تفعلينه وأن طلبتك تذبحيني ماذبحتيني لعانه كل جرحٍ من جروحي تذكرينه .. تنكرينه كن مالك في نزيفه (يد) خانت بالأمانه |
|
|
|
|
25-06-2018, 01:07 PM
|
#19694 | |
] . .
|
صار لي بالعشق مالا هقيت أنه يصير
أنظلمت بعشرت أنسان ما كنت إظلمه لا تبسّم يكسر النور بعيون البصير وكن شمس المغربيه تبات إبمبسمه معتدل في قامته لاطويل ولا قصير ممتلي بالزين من معصمه لي معصمه فيه بلوان الهدب لون غير ولون غير مثل ما للرمش بالعين قصه مبهمه |
|
|
|
|
25-06-2018, 04:30 PM
|
#19695 | |
|
محاوره ممتعه بين زوج شاعر وزوجته الشاعره
شاعر وشاعره جمعهم النصيب وتزوجوا وكان بينهم اتفاق تكون ليلة العرس مختلفه وغير تقليديه ، وان كل منهم يقول ابيات شعر ارتجاليه وقت وجودهم على الكوشه وبطريقة المحاوره دخل العريس على عروسه واهي تنتظره على الكوشهوبدا ينفذ الاتفاق واول شي رحب بالحاضرات وقال : مرحبــا ضيفاتنا فالفـرح نوّر ياهلا ويامسهلا بالحاضراتي ارقصن غنن ولابي منكن اكثر انفضن سمر الجدايل مايلاتي الفرح بوجودكن يزها ويفخر دامـه الله نعمـةٍ يالغـاليـاتي وبعد هالابيات رحب العريس بعروسه وقال : الفرح فرحين وانتي الفرح الأكبر ياهلا بك ياعروسي يـا مناتي قبلة الترحيب ، هاتي الخد الايسر الشنب يخدش خدود موّرداتي ربي جمّعنا وقــول الله أكبـر شاعـرٍ مع شاعـرة باحلى غناتي وجا دور العروس الشاعره وردت على عريسها وقالت : ياهلا بك واحترم نفسـك تـوّدر وانثبر ساكت ولا تشوف البناتـي فارغٍ قلبك مثـل ذيـبٍ تحدّر يلغف الخرفان في صمت وسكاتي لا تفكر يعرفن بالشِعْـر الأحمـر ما يبن شعرك بنـاتٍ عاقلاتي ويلتفت العريس على عروسه وابياتها القويه ويرد : شينها من ليلةٍ يالوجـه الاقشـر اعقلي يابنت خوف من الشماتي اضحكي قدامهن لو ضحكٍ اصفـر ولا تفردّنا تشوفي الطايلاتي وين عقلك بالشعـر راح وتنكـر وين كلمة حـب ويـن المفـرداتي فترد عليه وتقول : تحسبن العرس يالانثـى المذكر مثل شعرك هرج صف القافيتي العرس تدخل بعالم مثل تِقبـر ما مضى تنساه تحيا كالرفاتي المْـــرَهْ بالعنـق والاولاد تكبر والعوافي تعقبك فـي كـل آتي العريس شاف السالفه بتخرب من اولها ، وعروسه بدت تشكي من اول ليله فحب يسثيرها وقال واهو يوصف البنات الحاضرات وام العروس : شوفي اللي لابسه فستـانٍ اخضـر كنهـا لولـب برقـص المبدعاتي وشوفي امك كنهـا كيـسٍ مخصّّر وفرقـي بيـن العجايـز والبناتي وشوفي المزيون راع الشعر الاشقر واهني الرجل فـي ريـم الفلاتي وهنا العروس طقت عروقها وشالت الكلافه بينهم وردت عليه : لعنبـو اصـلك تــرى لـو مـا تـدّبـر وتستحي يالشين تقعد في ثباتي لاصفقك كفين اعذر من قد انذر واتركك وحدك وهـج بـلا عباتي منت رجّـال ولـكن ثورٍٍ ازعــر لا حيا لا سمت من كل الجهاتي وتوقف العروس وتصيح بعريسها تطلب انه يقوم ويروحون : هيّا قم قامت عصبك ولا تأخـر ناويه أعطيك درسٍ في الصفاتي ويرد العريس يمازح عروسته : ماني قايم روحي لوحدك ولا اكثر خايفٍ منك تجيبي لـي حماتـي ويقومون الاثنين وينزلون من الكوشه والعروس تهمس في اذن عريسها : شخّص ببشتك وراسك فوق اكثر ودنق عيونك ومشيك في ثباتي وامسك بيدي وتبسـم ولا تنثّـر ومن قرب حولك تردد "ياحياتي " فير د العريس بشويش : من سمع هرجك يقول ولا تحذّر ضبي شارد ما خذه ضبٍ نباتي جعل منتي ذيك اُم الشعر الاشقر لا وتتشرط علي وجه الدباتي وتقفل مع العروس وتشين الاخلاق وتمسك نفسها لين وصلوا غرفة النوم ثم قالت : شف ترى مابي مشاكل أو كدر خلنا نِمْرحْ قبل وقت الفواتي هدني الارهاق ولا احتاج السهر والصبح بدري يهجدوني خواتي وابو الشباب يرد عليها : مايصير اللي تقولي من عذر ما انــام إلا بحل الواجباتي! وش تقول امي إذا بان الخبر وش اقول لهم تلحفت بعباتي! والعروس تضيق بهالفسيه وتقول : لا تطوّلهـا وفـكر بـالامـر وش دخلهم فــزواج الشاعراتي وان رفضت ارميك في هذا الممر واقفل الغرفه وطوّل في سباتي وكما جرت عليه العاده يخضع العريس لرغبة عروسه ويتلحف ببشته أبيات جميله وظريفه اعجبتني ونقلتها لكم |
|
|
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 25-06-2018 الساعة 04:35 PM
|
|
25-06-2018, 05:12 PM
|
#19696 | |
|
اقتباس:
المشاركة الأصلية كتبت بواسطة مهرة يام
ياهلا بشاعرتنا ريم
منوره السجن بعد الغيبه وكل عام وانتي بخير يالغلا وعساك من عواده يارب بخير وانت شحالك عاكسه نورك . وانت بخير وصحه وسعادة بخير عساكم بخير جميع اقتباس:
المشاركة الأصلية كتبت بواسطة ناصر الهواوي
هلا يالنجلاء وحياك مولاك
اهلا ياريم ومن طول الغيبات جاب الغنايم وتراك مسجونه ان كان ما عندك مانع فيك الهلا والله يحييك ياريم=بعد البطا كلمه ونصف وغطاها حنا لعذبات القوافي مضاريم=وبنت الكرم ماهي تشح بعطاها او نعتبر هذي زياره وتسليم=سلمك من نزل تبارك وطه برق ورعد ويهل وبله من الغيم=والذائقه تعشب طرب لاوطاها ترحيب ما جا بالمثايل وتقديم=بركت ذروه للهجس وامتطاها ووجه بها مجنب علي الملازيم=لقطع الخلا الخالي سريعه اخطاها اسرع من اللي من جزع تلتل السيم=لين اقطعه واقرب خريمه عطاها لمشوارها يلزم ليا عاد تقييم=وله يتضح صوابها من خطاها والمعذره بدخل ارد وانشغل لاهنت على الترحيب لاعدمتك وبخصوص السجن اعتبرت اابيات الفراج كفاله خلاص لاني مو متواجده هل الفتره لكم حق والله اقتباس:
المشاركة الأصلية كتبت بواسطة ناصر الهواوي
ريم ركبك حق الله يعينك عليه مير اشتري هرفي ووديه لمطبخ بضريه وقولي وده العود هههههههههههههههههههههههههه
هههههه وقتي اللي جيت فيه مافي هرافا مدري كذا جمعها ولا بس ابشر بالحق المره الجايه اقتباس:
المشاركة الأصلية كتبت بواسطة شيخـــة الغــيــد
ياهلا بالريــــــــــــــم الغالية نورتِ
حياك ربـــــــــــــي وأسعدك وكل عام وأنتِ بخير ي الغلآ وانتي بخير وسعادة اقتباس:
المشاركة الأصلية كتبت بواسطة الناقد/عبدالله الروقي
هههه والله يابو عبيد إني ماعيدت مع عيالي ألا ست ساعات العيد الأول! ولاأدري متى ينتهي شغلي ! لكن أنا أتابع عن كثب حتى ولو مادخلت مافاتني شيء من المشاركات الرائعة! بس عطني فرصة وأبشروا بالحضور إن شاء الله ! وصح لسانك على القصايد والحضور الفخم! أهلا يابو فيصل ومراحب فيك يالقرم نورت يالعمدة! وياالله حي ريم وكل عام وأنتِ بخير ،قريت لك جولة في عالية نجد حياك مولاك يالقرمة! وحيا الله الإخوة والأخوات جميعًا! وانت بخير وسعادة جوله ولا اروع . ربي محييك يامال العافيه |
|
|
سبحان الله وبحمده ■ سبحان الله العظيم
|
|
«
الموضوع السابق
|
الموضوع التالي
»
العرض العادي
|
|
