آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
12-02-2018, 08:31 PM | #17689 |
|
اقتباس:
شاعرة نجد هلابك وصح لسانك على الدره ولاهنتي ونعم انا وفي مثل ما قلتي ههههههههههههههه
اهلا يانور ارحب يابو عامر وصح لسانك مجاراه فاخره وتكرم عينك نسقوفيما بينكم والوعد الجمعه الاابله ليلة السبت بالمزرعه وعلى طلب الفراج ستكون مختصره وهلا ومرحبا بالجميع اهلا يالشقاوي وتفضل هوانا جنوبيه تذعذع هفاهيف=وسدا بالسما متى رشوشه تهمر وانا في ذرا الله عن علوم الملاقيف=اللي كل ماهميت بامرٍ اتدمر (عود)وجيت صغرته ياسلطان تضعيف=وانا يالغبيوي مهر حربٍ مضمر لو ان الدعاوى بالمنى والسواليف=كلٍ شاد له قصرٍ منيفٍ وعمَّر سنود ادفع شعيل لمعاليه وايقيف=وليا حدَّر الودي بمشيه تنمر نور وشاعره لي يسندن وانت ياحيف=علٍي دايماً نوك خياله مسمّْر وفر مدتك ما ابا لكم فول وارغيف=بنات الحزب ياتن بهرفي محمر هههههههههههههههههههههههه صح لسانك طيب ياطيب مانتجرى عليك يابو عبيد غير من غلاك ولو ما انت بند قوي ما جابهناك وخيالي مسمر عليك لانك خصم عنيد ولابد من استخدام بعض الاسلحة الفتاكة معك ههههههههه وهذي توضيحات لبعض النقااااط على ارض العلاقات، الغلا دون توصيف=وعلى ارض الشعر، مرحوم ياللي تذمّر ولو مـ انته ابندٍّ قوي مـ اشهر السيف =ولا انازلك يابو عباد المعمّر ولو جبت الاثنين، وبناتك مراديف=مجي الركاب ان ما انكب مايثمّر تاتقبل دراهيم وتاتجمح مناكيف=ومن طاح منها للغراب المسمّر |
|
12-02-2018, 08:38 PM | #17690 |
|
اقتباس:
الله يعطيك العافية ابيض وجه
طرحني الكمبرسر والأيام تبي تجيبه ههههههههههههههه نعم الرجل سلطان يامنبع الطيب البيض فالك والهلا والمصاغير مير لو خليتني بالقلب حاجه باقي ماطلعت فته بالسمن البري والعسل وتصبحون على خير سبحانك اللهم وبحمدك اشهد ان لا آله إلا انت استغفرك واتوب اليك |
|
12-02-2018, 08:40 PM | #17691 |
|
اقتباس:
سلطان في سجن الرواسي رماني=وهذاك ما ادري من قبل وين رامين وعصاب راسي طايلات اليماني=مهره ونجد وغايبه ما اعرف وين ان قلت وين انتن يجن في ثواني=بدعمٍ لوجستي واختراق الميادين وحمد وابو عامر بليا هواني=نحتاجهم يوم اختلال الموازين وحزب الرعد لو ينفش الريش فاني=الفاطرين ازرن بتسحيب هرشين وعطن اصياح وجا سليطين عاني=وش عاد باقي تدركه يا مسيكين حزيبكم اجله من ايام داني=لاشك لو يفنى الرعد من يسلين هههههههههههههههههه صح لسانك ولي عودة لهذه الدرة ان شاء الله |
|
12-02-2018, 08:50 PM | #17692 |
|
اقتباس:
حياك المولى يابو بندر ولاتبطي علينا! قرناس صح لسانك ولاهنت على الحضور الرائع والعطر! سلطان عليكم السلام ورحمة الله وبركاته وعز الله إني ناوي أكرفسك في السجن لكن سبقتني بسجنك لأبو عبيد وصح لسانك دومًا ولاتذب الخريمة كالعادة! ريم لاهنتي وأبشري ياأبله ريم! أبو عامر يسعد مساءك وصح لسانك مبدع كالعادة صح بدنك يابو محمد وذبة الخريمة تقررها الظروف |
|
12-02-2018, 08:54 PM | #17693 |
|
اقتباس:
صح لسانك زعيمنا والله يسامحك قريت فاخرتك واسترسلت وراحت علي القيلوله صبرٍ جميلٍ والله المستعاني=السجن لـ .طْوال اليمان الميامين هذا الخصم( يُم) يسجنك كم يعاني=من حرته سهران والناس ممسين حزب الرعد فاني ولا له مكاني=لو قاوموا قدهم على الحال راضين عدوّنا من طيبنا مايداني=يشوفنا في قمة المجد راسين لاشك غرد من جزيل المعاني=وارو بْجديدك من على الشعر ضامين وانا بـ .اجيب لْك الهرافَى السماني=ونور الحلا تْجيبه على الشكل نوعين وان غنت الورقا بصوت شعاني=جتك التسالي وان شَعَتْك الله يعين من عذبها نسليك يـ .المطرباني=ومن وجدها تبكي على الماضي الزين وحمد وابو عامر لهم شكل ثاني=فـ .صياغة العذب وتساليه ضارين أبشر بعزك مجلس السجن زاني=بالامسيات اللي تغيض المعادين صحححححححححح لسانك ياشاعرتنا |
|
12-02-2018, 08:57 PM | #17694 |
|
اقتباس:
سجين الرواسي صح لسانك تسالي من النوع الفخم |
|
12-02-2018, 08:59 PM | #17695 |
|
اقتباس:
محمد الغنامي الله يسعدك والله معك
الله الله عيني عليكم باردة تواجد رائع ومشاكسات أروع (: قرناس دربك اخضر والله معك وفي حفظه ورعايته سطان صح لسانك أحسنت ولاهنت واقديت في الهواوي ماشاء الله على حزبي تواجد جميل الناقد وزعيمنا لاهنتم وترا الهواوي وشاعرة اعرف لهم (: الدنيش حياك وصح لسانك الهواوي يقول وحزب الرعد لو ينفش الريـش فانـي الفـاطـريـن ازرن بتسـحـيـب هـرشـيـن هههههه أبك كيف يامجرمين صح لسانك وصح لسانك شاعرة نجد |
|
12-02-2018, 09:03 PM | #17696 |
|
اقتباس:
اهلا يابو فيصل منهو عبدالله اللي جاب طفاله؟
اهلا بشاعرة نجد وهذا خبري بك وتزودين على الهقاوي لاهنتي اهلا يالناقد بكره ارسل لك رقم حسابي وصوره ههههههههههههه اهلا ياريم تزعمين انك تعرفين لنا هذا صحيح بس غمر هو واحصد ماش حنا مصتعصين على الجميع ههههههههه اهلا ياسجين وصح الله لسانك ولاهنت وانت اظنك عاصفي اصيل عاد يقولون الطق بالمتصروع مكروه ههههههههههههههههههههه يامرحبا ماداجت الشول بالبيد=الريح ريح الورد والطعم حالي سجين الرواسي ياعشير الاواليد=اوي رجل ومن مناجب رجالي خلك قريب وشد اياديك بالايد=ما ابي يتهيا للرواعد مجالي من قبل انا بفلولهم جايب العيد=ضعوف ماودي لهم بالزوالي بالعب عليهم بالمثايل تراديد=من الجنوب ونوبه من الشمالي شجعان والله ما النشاما رعاديد=وشويعرتهم تكرش ولا تبالي لكن مناحانا على الشله ايكيد=هم 12 فولت ولنا ضغط عالي سجين ياوجدي على سيد الغيد=وايام ريفٍ بالسنين الخوالي صارت روايه مثل عليا وابوزيد=قصص سمر لمساهرين الليالي صح لسانك يابو عبيد وماعليك معك الليله ماحنا مخلينك من التسالي |
|
|
|