آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
16-12-2017, 10:27 PM | #16233 |
حزب العاصفه
|
اقتباس:
^^[/center]
الله يسعد مساك ناقدنا وصح بدنك وماعليك زود ما عاد بالجعبة شيئ .. لكن ودي أطرق طرق من طروق العرضة الجنوبية عسى يروق لكم ... أبمتدح حزبنا .. ولا تهون با قي الأحزاب ** يا سلام الله على حضرة الشٌّعار في رواسي نجد دايم لنا شِعار حزبنا معروف من سابق الأزماني عاصفة وإحنا بواسل جنودها * والهواوي قايد الحزب والزعيم طال عمر الشيخ والقايد العظيم شاعرٍ يقدح ويتربع الميداني والمعارف واصلة لا حدودها * وشاعرتنا نجد تغرف من البحور ون حداها القاف تنحت من الصخور شاعرة تعزف على نوتة الألحاني يا غناة الحزب ساعة وجودها * نطرب السامع وننشد من الألحان والقوافي نظمها يشنف الآذان من سمعها قام يرقص على السيقاني وباقي الجمهور يهدي ورودها * ون طرأ للحرب جولة لنا نفير عاصفة بالقاف تسمع لها هدير والقذائف تصرخ الخصم بالقيفاني ينصرع ما عاد يقوى ردودها بصرااحه طرق راائع وغريب وممتع ,صح لساانك شاعرنا صح لسانك ويستاهل حزب العاصفه,’’
|
سبحانك اللهم وبحمدك
أشهد الا اله الا أنت,أستغفرك واتوب اليك |
16-12-2017, 10:34 PM | #16234 |
حزب العاصفه
|
الله لايفرح علينا الاعداء يحّوول لا هـ .الحين مسجون ابوعبيد=زعيمنا للحين ياحول مسجون مرّ الويكند وُرااح ويديه فـ .القيد=بزنزانته مامَعْه حتى التليفون وانا اعتذر والعذر بَالله وش يفيد=مسافره تو اهْلي اليوم يلفون واشوف ابو عامر مرور وتغاريد=وشعرٍ يسلي كل ضايق ومحزون يالعاصفي حنا النجوم,الصناديد=وزعيمنا فـ .السجن من دون في دون وين الكفاله مثلك يْعيد ويزيد=في حضرتك تكفي عن الكل وتمون ماقول غير الا حصل خير واكيد=بـ .اكفل زعيمي لو تكلفت مليون خفير فك القيد من ايد ابوعبيد=وكلبش يد الهاجس لو اهله يعيون للعاصفه تأديب,والطيب تمجيد=ويبشر نغني له على كل ملحون |
|
17-12-2017, 01:44 AM | #16235 |
|
مسائكم دفااااااأ إي بالله أفا يالعلم يا شاعرتنا .. ليتك قبل الكفالة للزعيم حركت دوريات لا يكون متجمد في صحاي ضرية , وإلا خُطف .. وإلا .. وإلأا اااا ههههههه.. ثم ما لقيت إلا هالمسيكين ترزعيه في السجن ههههه .. على مضض ساترزع ولا يهمك المهم شوفوا العود وش علومه .. خابر أنه بيسافر ويا ويله لو ماعزمني أممممممممممم حاضر .... ^-^ يا شاعرتنا ليش هذي التناكيد= المعتكف بالسجن مازال مرهون ودي بسجنه شهر وأعطيه تمديد= يمكن هرب وإلا في الرتز مقرون ما أحب طاري السجن لو هو بمدريد = ولا أحب قيد السجن ماني بمجنون أحب فلات القصايد من أبعيد = وأحبها بالحيل والناس يحكون على عموم الحال ما دامك تريد =حاضر على أمرك دوم وأبليس ملعون حاضر وتم وسم وآقول يا سيد= وأبشر ولا تهتم لو تطلب عيون وأزهل هموم السجن لو ان في البيد = والبرد يلسع ما ترفرف له جفون هات العشاء والماي من غير تبريد= وهات السمر والربع حوله يغنون وكلٍ على ليلاه ينشي تناشيد = ( والشعراء في كل وادٍ يهيمون ) *****
|
|
17-12-2017, 01:48 AM | #16236 |
|
صح لسانك شاعرة
بيض الليالي عصت مبطي ولادرَّت والسود درَّت / وحنَّا ما حلبناها يا ليتها ما تبرَّت بعد ما برَّت ولا استفزَت بنا علومٍ سترناها نذكر بها وجيه فينا سِرَّت وسرَّت ياحيّْ هاك الوجيه اليا طريناها ونذكربها اوجيه لا تندى ولا إحمرَّت على كثر ما فعلنا ما كسبناها إوجيه باضَت وفا / واوجيهً إسمرَّت وأوجيه من كثر ماهي سود عفناها اليا كرمنا نفوس اهل الردى اغترَّت وأهل الوفا لا كرمناها ... ملكناها ونحس في قيمة الجمره ليا احترَّت والنعمه إنحسّْ فيها / لا فقدناها يا ثقل حمل الجروح ان كانها جرَّت طواريٍ لو هي / بيدنا قطعناها فرت وإذا خلصت من فرها كرت والموت بالذكريات / اليا ذكرناها وأشرطة الأيام .. وسْط الذاكره .. فرّت وأمست تجيب الوجيه .. اللي عرفناها أوجيه ياليتها ... بالدرْب ما مرَّت واوجيه .. غلطة عمر .. يومٍ خسرناها لو نطلب أيامنا تنعاد ... وإفتَّرَت يمدي شرينا النفوس اللي رخصناها ياليت بعْض الوجيه اللي مشَت ضرَّت عشان نلقى العذر / لامن كرهناها . |
|
17-12-2017, 03:26 AM | #16238 |
|
ياضيقةٍ بالصدر قررت انا اشكيك =على الملا واللي حضر هاهنيا عل وعسى نلقى لك احدٍ يداويك =يكسب ثوابي ما لفضله جزيا فني خبير بفك صعب الشرابيك =ولقاسي الضيقات شخصٍ قويا بفتح ضلوع الصدر فتح الشبابيك =تنفسي يا كتمة البال هيا مدري وش اللي يربط يدي بيديك =وانا من اول زارع الصبر فيا لو ينشدوني عنك ناسٍ تدانيك =ناسٍ تلظى نارها بالخفيا اقول : "مالي علم فيها ولا اخفيك =صدري شمالي ماختلف فيه شيا " واليوم لا والله كفي بكفيك =متلاحمه ماني عليهن سطيا لاقبل ظلام الليل كنه يناديك =وانتي مع الليل اتفقتي عليا لامن ندبك وقلتي : امر ولبيك =لبيك يامن تشعل الصدر ضيا افديك انا والصدر والروح تفديك =قل ماتبي وش تشتهي ويتهيا وامسيت متبهذل وروحي ب اياديك =واضحى خفوقي للغرابيل فيا انشهد اني غصب صرت اعترف فيك =والصبر ماهو للمواجه جريا |
|
17-12-2017, 08:54 AM | #16239 |
حزب العاصفه
|
السلام عليكم ورحمة الله
ماعليش يالربع الغياب اجباري صحت السنتكم جميعا اهلا يابو عامر وصح لسانك اهلا بنجد وتسلمين على الكفاله الفاخره والتسالي الرائعه صح لسانك ياحمد مبدع ولي على الابيات رجعه اهلا برحيل والجوهره وتسالي منتقاه اي يالخيال الاعمار بيد الله الله يطول عمرك على طاعته اهلا يابو فيصل الحمد لله على السلامه بس انا ودي باللي يقولون اخر الغيبات ان يقولو عساه اول الحضور ههههههههههههه مرحبا بالشاعر اللي زند هجسه واري=بين مد وجزر بالمعنى ورمش ووجنه
والله اني بالسجن مبطي ومثلك داري=افرد الخاطر على حسب الطلب واعجنه من يهرب من العداله يالمغني غاري=ولي فصاحة مفرده مافي لساني هَجنَه وللشديد ان كان عند البدو علم وطاري=ما يرد البدو لو نشكي على ابن حجنه وان بقو ياجعلها خيره واسر ياساري=والليالي سود من مبطي وفيها دجنه |
|
17-12-2017, 12:06 PM | #16240 |
|
مساء الخير يا وجوه الخير
وصحت الالسن شعرآء وشآعرآت روآسي المبدعين وصحت الاذوآق ويعطيكم العافيه جميعا ودآم حضوركم وابداعكم |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
|
|