هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

كفو ياشاعرة نجد نعم تكفين عن عشره لاهنتي ههههههههههههههههههههههههههه
وريم انا اشهد انها تعادل بالاداء والكفاح والمكابره حزبها كله ولا تقل عنها في ذلك الجوهره الله يحفظهن ويكون بعونهن هههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــ

حزب المدمر نفد ما باقي الا رحيل=لاهي مقيمه ولا هي تعتبر راحله
زعيمهم طاويٍ عقب البراد الصميل=ومغبرٍ جوهم وفياضهم قاحله
يمكن بزعمه يرا هذا التصرف جميل=ويحبذ الجزر دون المد في ساحله
ماعاد هي مقنعه قوله يحط ويشيل=قوايم اعذاره اللي ينتحل ناحله

من عقب ماكثرت علي المشاريه=خلاص مالي فالمشاريه طوقه
حزب المدمر ماتغير مباديه=لاكن تغير يالهواوي وفوقه
اللي بدا في شي لابد ينهيه=وانا بفل الحزب واطلق سبوقه

اعضاء حزب المدمر
قررت الغاء الحزب نهائي من الان
لعدم تواجد الاعضاء بشكل نهائي
ماعداء العضوه رحيل تقدر
تنضم لا اي حزب
وشكرا للجميع

ناصر الهواوي ,ريم الفلا ,رحيل و 1 آخرون معجبون بهذا

الجووهره

مساء الخير

صحت السنة الجميع وصحت ابدانهم

وصح بدنك ريم ولاعدمنا حضورك ومزحك واخلاقك العاليه وابداعك المميز
وصح لسان الهواوي وصح لسانك يـ الغنامي
ويؤسفنا هـ القرار,وان شاء الله يرجعون الغياب ويستعيد المدمر نشاطه

الله يحفظ الجميع ويزيد احزابنا وتواجدهم وابداعهم الممتع,’’

ناصر الهواوي ,محمد العواد ,ريم الفلا معجبون بهذا

خفير فك الباب من غير,لا,ليه=جاك العشاا,عش الزعيم احمَر العين
واقلط وناد اللي معك من حواليه=أهل الكرم حنا ومبطي وذلحين
وعقب العشاا واجب علينا نحليه=مع كيف وزيارات من حين لاحين
طاب السجن يوم اسعد الله لياليه=سجن الهواوي رحمةٍ للمساجين
كم ضايقٍ صدره بشعره يسليه=لاجر قاف ٍعذب والناس ممسين
حظ الزنازن كلها اللي تواليه=والعاصفي يلقي عليها دواوين
العاصفه ذا طبعها ماتخليه=ريفٍ على الغالين,سقم المعادين

محمد العواد ,ريم الفلا ,رحيل معجبون بهذا

اقتباس:

المشاركة الأصلية كتبت بواسطة ريم الفلا

الله الله صح لسانك شاعرنا ولاهنت كفيت ووفيت
هههههه اقديت في الهواوي

ورح الله يسهل اختباراتك

اهم شي الهواوي في السجن (:

صح بدنك يالأميرة ودام الحضور الفاخر حقيقة
وآمين جزاك الله خير
-----------
رحيل صح بدنك يارائعة
الجوهرة صح بدنك ولاهنتي يالقرمة
أعضاء حزب الفلس ههه صح ألسنتكم ماينفع من المدفع رشاش لكن الله يعينكم!

ناصر الهواوي ,ريم الفلا ,رحيل معجبون بهذا

اقتباس:

المشاركة الأصلية كتبت بواسطة محمد الغنامي

من عقب ماكثرت علي المشاريه=خلاص مالي فالمشاريه طوقه
حزب المدمر ماتغير مباديه=لاكن تغير يالهواوي وفوقه
اللي بدا في شي لابد ينهيه=وانا بفل الحزب واطلق سبوقه

اعضاء حزب المدمر
قررت الغاء الحزب نهائي من الان
لعدم تواجد الاعضاء بشكل نهائي
ماعداء العضوه رحيل تقدر
تنضم لا اي حزب
وشكرا للجميع

أبك يابو بندر أنت وراك ترثع في الحلة!
رحيل الليلة مثل الضب اللي مضيعٍ جحره ،حسبي الله عليك يابو بندر هههه
تعالوا تعالوا انضموا معنا ليلكم ليل أرنب الليلة هههه
إنا لله وإنا إليه راجعون مت من الضحك قسم بالله

ناصر الهواوي ,ريم الفلا ,رحيل معجبون بهذا

اقتباس:

المشاركة الأصلية كتبت بواسطة محمد الغنامي

هههههههههههههههه الله لايجزاء عدوك خير يابو محمد
مالقيت غير دنه هههههههه ليه هو حاشي .. الوكاد انه بيموت من البرد وبس
صح لسانك يالجزل وكفاله رائعه
وصحت السن الجميع
مبدعين وجزلين

صح بدنك يالأمير
العود والله ماقد سجنته ألا أجيبه في صندوق سيارة
لكن المرة الجاية نبا نرفهه ونحطه في الغمارة ههههه
تصبحون على خير ياحبايبنا

ناصر الهواوي معجب بهذا

هلا بالجميييع وصحت الالسن جميعاا

ودام الحضور الجميل والابداع الدآئم

وتفاءل خير مديرنا وخلي عندك امل

ان شاء الله يرجعون الغايبين

ويرجع المدمر أحسن من الاول

ناصر الهواوي ,محمد العواد ,ريم الفلا معجبون بهذا

رحوووله

اسمعي كلام النآقد وانضمي الينااا هلا بك مليوون

انضمام مؤقت حرام تجلسين تايهه لوحدك ههههه

لما ترجع المياه لمجاريها

ويرجع المدمر والمدمرون ان شاء الله

ناصر الهواوي ,ريم الفلا معجبون بهذا