استلم يامحمد والليل سروي

يامرحبا يامحمد الروقي
هلابك
خلني اوريك فالأقشر ليله ليل يبي ينهد به الحيل

وابك الله الله يامحمد جيت والقاسي يلين
والخيل من خيالها والنار من مقباسها
وابوك انا شاعر وعندي ياعميلي معجبين
لكن بعض الناس ما ترتاح من وسواسها

اقتباس:

المشاركة الأصلية كتبت بواسطة كاسب الروقي

وابك الله الله يامحمد جيت والقاسي يلين
والخيل من خيالها والنار من مقباسها
وابوك انا شاعر وعندي ياعميلي معجبين
لكن بعض الناس ما ترتاح من وسواسها

الله الله
معجبين زين يابو المعجبين

ماأقول فيك إلا ونعم ياشاعر الدر الثمين = مار أنتبه لايختلط عباس مع دباسها
لك معجبين حول وأطيبهم يغرس وسط طين = ياويل كاسب من نوايا الناس مع هوجساها

خله بدون كشنه ياكاسب

لاني ما اداني زيت عافيه هههههههههههه

اقتباس:

المشاركة الأصلية كتبت بواسطة محمد الروقي

خله بدون كشنه ياكاسب

لاني ما اداني زيت عافيه هههههههههههه

ماتداني الزيت ( ياحليله محافض على الوزن )
وش عند العود سهران طربان
عز الله نكبه الله من يوم إنك في صفه
واااااليلكم
اللعين غازي وين راح خابره في صفي

الحرب قامت يا محمد والحرب بين الفرقتين
ناسن تحد سيوفها واخرى تحد امواسها
اثرك في قلبك صدا مار اظهر الحقد الدفين
والمشكله قدام عينك قام يطبخ فاسها

الله الله عليكم

<< متآآبعه بحمآآآآآآآآآس
صح لـ سآنكم ..


وآصلووووااااا

اقتباس:

المشاركة الأصلية كتبت بواسطة كاسب الروقي

الحرب قامت يا محمد والحرب بين الفرقتين
ناسن تحد سيوفها واخرى تحد امواسها
اثرك في قلبك صدا مار اظهر الحقد الدفين
والمشكله قدام عينك قام يطبخ فاسها

صح صح قلبك وكلك ياكاسب وخذ ختامها
تشرفت باللعب معك وأستفدت من مثلك وشرواك
والوعد في مقبلات الليالي بأذن الله

أنته تحوص بالسوالف من يسار ليا يمين = والسالفه صداقها يضحك على بلاسها
أعلنت حربك والوعد قدام يابن الأكرمين = والقبر حفره مير اباك تعرف ويش قياسها