بلغو سود الليالي ف انا راسي عنيد

اقتباس:

المشاركة الأصلية كتبت بواسطة النايله

‏

جفت الاقلام ذا الليل يا راع القصيد=‏انطوت صحيفة ابداعي وجف القلم
‏-
‏لو بعيد من القصايدو أردد ويش اعيد=‏كل قافً يفتق الجرح و يعيد الالم
‏-
‏الأماني شبحها دايمً مني بعيد=‏والدلال الصفر ياهيه فنجاله ولم
‏-
‏دامني شفت (الهب...) يجر من النشيد=‏انظلم بحر الشعر من سواته ماسلم
‏-
‏لا طلع شرواه قالو ترا قافه حديد=‏مبدع الفكره و نارً على راس العلم
‏-
‏انهضم حقي وانا شيخة الطرق الفريد=‏كل قافً عند قافي تناحى وانثلم
‏-
‏بلغو سود الليالي ف انا راسي عنيد=‏لو ضلمني جاير الوقت ربي ماضلم


‏

النـــــايله ..

‏لا طلع شرواه قالو ترا قافه حديد=‏مبدع الفكره ونارٍ على راس العلم
ماشاء الله تبارك الله أبيات تقطر عذوبة وجزالة
صح لسانك يامبدعة على الحضور الفاخر
وننتظر إبداعاتك الفريدة
تحيتي وتقدري لتشريفكِ هذا القسم الشامخ بوجود المبدعين،،،

الله الله

شاعرتنا النايله
صح لسانك واعتلا شانك
نص جميل وعذب كما تعودنا من سموك
سجلي اعجابي وتقديري

ولك اجمل تحيه