عالية نجد ،،

اقتباس:

المشاركة الأصلية كتبت بواسطة خالد العبيريد

بسم الله الرحمن الرحيم،،
سلام عليكم ورحمة الله وبركاته ،،
أسعد الله صباحكم بكل خير وسرور ،،
مصافحه اولى ،،

يادمعة ً في حاجر العين حرها=اخفيتها وابليت ياعيد شرها
إكنها في حال من ماتلجبه=وإثره سبب هم ٍ عليه يضرها
دمعة عذاب ٍ في فوادي يلوح به=لافرقت حدب المحاني يصرها
لكان يوم انوح يبرد لهيبها=ماجزت بلحون ٍ هنايه بجرها
ماغاض دالوب الزمان وعواقبه=من عقب ماقفت رجع لي وفرها
دنيا ً خدوعه ماتكمل عهودها=إصروفها بأقصى الضماير مقرها
لقيت فيها كل طيب يصوعها=يشكي دوالابها وعايف لدرها
والا ردي الحال ينعم بريفها=ماغرته لو كان صعب ٍ يغرها
دنيا ً بها الاعمار تقصر شبورها=والي عرف عمر الليالي يزرها
ياعيد لو باحت هناديب حاجتي=وش عاد باقي للضماير وسرها
ماهوب من له يعتدل نافع البلاء=على قلوب ٍ كل شي ٍ يمرها
تاخذ مواعيد الزمان وتجاربه=وترضى بحلوا ايامها ضمن مرها
اسلي الخاطر على صكة الغنى=وإحروف شعر ٍ بالمعاني نثرها
اليا لقيت من البراح استهيض له=اسج بفياض ٍ لنفسي تسرها
في عالية نجد وشواهيق مسنده=واليا عطينا مع تباريح برها
ديرة هلي وإربوعي الي دنولها=كل المواقيف الشريفه بكرها
لعل السحاب الي رعوده تحن به=يعلها لين ايتساوى مقرها
عشرين ليل وابله ماتقاصره=وسيل المسايل من حقوقه يعرها
وعقب الدهر يزهى الخضار بفياضها=يضفي عليها لين ينعم مجرها
بإمر الذي من له هل الخير تستعي=رب الملا عالم بحال ٍ يسرها
ندعيه من جوده ومن حسن مدته=ويفزع لمن دمعه على العين حرها

وسلامة نواظركم وقلوبكم ,, خالد العبيريد.

الله الله
ياسلام عليك وصح الله لسانك شاعرنا
كايفه ونايفه وجزله ابدعت وامتعت بهذه النص الفاخر
دمت ودام مداد قلمك ورقي حرفك الشامخ
تقديري وتقييمي لسموك
النجلاء

خالد العريبيد
ياسلام عليك
صح لسانك ملايين
ابيات مفعمه بالجمال والجزاله
لاهنت يالغلا
تقبل مروري واعجابي
احترامي لك

وانت سالم وغانم

صح لسانك واعتلاء شانك ي مبدع

اقتباس:

المشاركة الأصلية كتبت بواسطة الملكة

الله على جمال قلمك وروعه حروفك
خالد لا هنت شاعرنا دام نبضك وعطاءك
.
.
.

مرحبا يالملكه حياك الله ،،

كل الجمال والاروع حضورك وحسن اطراءك،،

لاخلا ولا عدم بارك الله فيك ،،

تحياتي وشكري لك .

اقتباس:

المشاركة الأصلية كتبت بواسطة النجلاء

الله الله
ياسلام عليك وصح الله لسانك شاعرنا
كايفه ونايفه وجزله ابدعت وامتعت بهذه النص الفاخر
دمت ودام مداد قلمك ورقي حرفك الشامخ
تقديري وتقييمي لسموك
النجلاء

مرحبا ومسهلا يالنجلاء حياك الله ،،

سلمتي ودمتي وصح الله بدنك وكلك لاخلا ولاعدم ،،

كل الجمال والا بداع في حضورك المضئ بارك الله فيك،،

لك الشكر والتقدير .

اقتباس:

المشاركة الأصلية كتبت بواسطة المهره الاصيله

خالد العريبيد
ياسلام عليك
صح لسانك ملايين
ابيات مفعمه بالجمال والجزاله
لاهنت يالغلا
تقبل مروري واعجابي
احترامي لك

مرحبا المهره الاصيله حياك ،،

سلمتي ودمتي وصح الله بدنك وكلك ،،

الجمال والاروع حضورك بارك الله فيك ،،

تحياتي وتقديري لك .

اقتباس:

المشاركة الأصلية كتبت بواسطة الطير حوران

وانت سالم وغانم

صح لسانك واعتلاء شانك ي مبدع

مرحبا ومسهلا يااطير حوران حياك ،،

سلمت ودمت على خير يالامير ،،

صح الله بدنك وصح قلبك ولاهتت،،

لك خالص تحياتي .

صح لسانك ولاهنت