قصة وقصيدة( يانجمة الصبح )

السلام عليكم ورحمة اله وبركاته
اعزائي اعضاء وزوار رواسي نجد الادبيه
هذه قصه قصيدة الشاعر المعروف / نمر بن صنت الحافي العتيبي
في معشوقته الجازي القحطانيه .
اللتي طلب فيها جاه الامير خالد السديري
وقد أخذ قرابة تسع سنوات وهو يحاول مع أهل محبوبته الجازي
ويأمل منهم الموافقه على زواجه منها وقد تقدم بجاهية لإهل معشوقته ومن ضمنهم الأمير خالد السديري والذي طلب منه في قصيدته التوسط لـه
عند أهل الفتاة الجازي وقد بذل الأمير خالد السديري كل مافي جهده وبعـد ذلك وافـقـوا أهل الفتاة وتحقق المطلوب وتزوج نمر بن صنت بمحبوبته الجازي
بعد جهود شاقه وقد عاش معها حياةً حلوةً وسعيده وقيل أنه قصد في محبوبته الجازي أكثر من مئة قصيده
وهذي القصيده المشهوره نجمة الصبح

يانجمة الصبح كبدي منك مرهوقه = لاشع نورك علينا لاتغيبيني
ستاير القلب من فرقاك مفتوقه = اصبر من العام لين انك ذبحتيني
الود لو نتركه عنا وطاروقه = أظني ارتاح وانتي تستريحيني
لبيك ياللي تجر القلب بعروقه = كله على شان يوم انك تلبيني
تلحني لح ركب عجلوا سوقه = او جل ذود مسريهن شيابيني
عديت عن مبسم المجمول لاذوقه = انا بلاي الحيا وادرا على ديني
وا قلب ياللي من الجازي دنا عوقه =ياناس شيروا عليها لاتقاصيني
وان كان قلبي تلبش عنه صندوقه = شدوه لين آتجود فيه بيديني
قالوا معاليق قلبك منه مسروقه = قلنا خذته الضحى والناس واعيني
ياليت ربي ومر (خالد) على شوقه = يفك حبله ولو يعطي ملاييني
الأوله ليت ابو خلي من الروقه = والثانيه ليت ابوي من القحاطيني
يالله ياخالق الدنيا لمخلوقه = تقدر على الموت تذبحني وتحييني
تلم شملي لابد الروح مرفوقه = باربع هناديس في قبري تخاويني

اتمنى ان تحوز على رضاكم
كما وصلني