هنا .. سجن القوافي !!

نسيت الفطور بس ماقصرة النجلاء

الغيم لا بده يزول وينقشع
والليل لو طول ظلامه مايدوم

يعني تأكد حبك بقلبي طبع
%%%%%%%%%%%%

هههههه

تسلمين يالنجلاء ياقلبي
ماتقصرين يالغلا
احسن من ابو بياله شاهي هههههه
صح لسانك ياقرناس
تقديري لك

لي قلب محد هز عرشه ولا جاه
ومحدآ تجرأ يطلع في كتابه
كم مر من عنده حبايب بدنياه
وكم واحد ينثر لقلبي اعجابه
لكن قلبي محد من الناس اغراه
كل الوجوه اللي تمره تشابه
الا واحدآكل ماقلت بنساه
احس له وحشه وقدر ومهابه

مساء الخير ياعطر القصايد والوله والبوح
صباح النور ياوجه القبول اللي خذاني له
أنا الولهانه لعيونه ولو كان الرجا مطروح
أجي كلي من اللهفه أليا من قلت الحيلـه

من كثر شوقي لك سبقت الايام
صرت الخميس وتوها الناس الاثنين​

********
ياغمضة عيون المسا كل مانام
يبدأ الفجر من ضحكة شفاهك يبين

********
وعيني من اشباهك لها انفاس واحلام
وتنبت لجفني كل ماشفتك يدين

صح الله لسانك ياقرناس ولاهنت ع الحضور الرائع
مهوره يسلم ذوقك يالغلا

تسليه من مدونة شاعرتنا
شاعرة نجد

يـاحـمــام الــــدوح غـن,جـاهــزه يالله تمـن,وأعـطـنـي عــــذب الـلـحـن,طــاب يــومـــك يـاحــمــام

خاطـري بالحيـل ضايق,وأنـت متهـنّـي ورايق,مـ.أشغـلـك عــد الدقايق,ياعـسـى ربــي يعـيـن

نـاايـم ومـرتـاح ليلك,والـصـبـاح أسـمــع هديلـك,لـيـت تقبـلـنـي بديـلـك,حـدي الـمـغـرب وانـــام

وأنت تسهر في مكاني,تنقلب مخلوق ثاني,شوف أنا وش كثر أعاني,يامعين الصابرين

أتـمـنّــى وأتمـنّـى,لـيـن لــيــل الـشـعــر غنّـى,واقـبـلـت مــنــا ومـنـا,وضــاع مـضـمــون الــكـــلام

يمكن أبرك لي سكاتي,لو خسرت أغلى أمنياتي,راضيه بْقسمة حياتي,ياعسى بكره تزين

تزين انشاء الله امورنا كلنا ههههههههههههههههههههههههه
اهلا يالنجلا
وارحبي يالمهره
واهلا يالقرناس وصحت السنتكم واذواقكم الرائعه
ــــــــــــــــــــــــــــــــــــــــــــــــــ ـــــــــــــــــــــــــــ

مضى يوم والبارح تقفاه يوم وليل=واذا راح معهن مثلهن لا تسل عني
من اسبوع في كفة موازين عدلك ميل=تسلط عليِّ الهجر من حضرتك كني
عدوك/ياويل اللي يبي منك فزعه ويل=قبل ما يبين اللي مخبيه طمني

من البارحه ماجاك يالسجن رواد=وانا بعد بالقفر ماليش راده
لاعايده عادت ولاعاد عواد=من اهل التسالي والنكت والرياده
دع ما تقول وناد لي سيد الاسياد=قل له ترا صبري منه وصل ماده
لاعاد يومٍ فيه كلمت لاعاد=من يومها ماجاني الا النكاده
كم همشت لقيا وكم ضاع ميعاد=خلف الوعد لك صار مله وعاده
كسر وجبر واضرب حروف باعداد=وانشد فوادك هالجفا ويش افاده