هنا .. سجن القوافي !!

الرواسي الغالين أسمحو لي ب هذه الأبيات
.........


المنتديات واجد و السلاطين
قدره لها الحين فالاعماق باقي

يا ما قضيناه مزح سنين ودنين
الضحك من قلب و الاسلوب راقي

والبارح يوم جيته جابت العين
دمعٍ يبل الثرا مثل السواقي

غالين ياللي منول فيه غالين
و مذكور بالخير يا وقت. التلاقي

و يا جعل راعيك في خضر البساتين
اللي عليه الرثا و المدح لا قي

رحيل ,ملكة الرواسي ,غزلان و 1 آخرون معجبون بهذا

ناصر الهواوي

منورين نور وخيال ريحيل ملكة والهواوي
وزانت علومكم

رحيل ,ملكة الرواسي ,غزلان و 1 آخرون معجبون بهذا

ناصر الهواوي

اهلا يانور وماعليش العتب على النظر اذاً هههههههههههههههههه
احسنتي ياريم انا والله ادخله كز لجل اشوف مواضيعي والله يقبل دعواتك ويرحم ابو مشعل والمسلمين عامه لاهنتي وصح لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

هي هكذا الدنيا تلاقي وفرقا=كم فرقت مابين غالي ومغليه
تنزل بنا الاقدار دايم وترقا=هذا بها يسعد وهذاك تشقيه
وتمضي سنين العمر غره وسرقا=ومامن سجل الا تلفه وتطويه
ولها مايركن غير راسٍ معرقا=تهنيه في بعض المواقف وتنهيه

غزلان ,ريم الفلا ,رحيل و 1 آخرون معجبون بهذا

ملكة الرواسي

اهواوي

من دون في دون حتى العجز جاء بالسلام= وصار الدعاء مختصر ما يقدر يعممه
باثينكم مرحبا ماهل وبل الغمام=وما ثار بركان بالدنيا وطش حممه
وما ناح من فوق محني الجريد الحمام=وما وكر عقاب في شاهق وفوق اقممه
عذب التحايا الرقيقه زل له نصف عام=وحبل الوصل باد ما ادري ليه ما رممه
علقم مذاق القطيعه والجفا ناب سام=ماناش من صافي الا ركه وسممه ـ

ــــــــــــــــــــــــــــــــــــــــــــــــــ ـــــــــــــــــــــــــ

الدنيش

مساك بالخير يابو عبيد قبل المنام=مني سلامٍ يصل لكل واتممه
مريت من هاهنا وادري عليه ملام=من كثر ما غبت مالي عذر والممه
محمد الروقي اظن اختصر بالكلام=وما اقداه يبخل فلا يطريك وتذممه
ممكن تصابيح ريمه جات واحنا نيام=امقيلٍ كنت والروقي فلا تخممه
مزارعك يالهواوي عقب وقت الصرام=ماعاد فيها عذوق بنخل واتكممه
ومزيونة القد عالي شانها والمقام=منبوزة الردف والنهدين ومزممه
مدعوجة العين والخدين بدر التمام=ملبوسها حير التاجر ومن صممه
مسلوبة الخصر يتمثل بغصن البشام=ممزوج بالعطر والمحضوض من شممه

ــــــــــــــــــــــــــــــــــــــــــــــــــــــــــــــــــــــــــــــــــــ


الهواوي
مرحب هلا يابو عامر ياجويد الحزام=نبع الشعر جف لكن هاملك جممه
مريت واحدثت بين الحاضرين انسجام=وتحرك الملهم اللي باردات هممه
من يبذل الجود من ماجود لا مايلام=وتبرا لمن قال صح لكل صح اذممه
مبطي وجيت ونبي يالقرم حمض العلام=اخبار جنوبكم كبايره والممه
من اليمن للعراق وحول طبرق وشام=جرح العرب والروافض زودت بشممه

غزلان ,ريم الفلا ,رحيل و 1 آخرون معجبون بهذا

ملكة الرواسي

تلحقك الملامه والعتب من كثر هالصمت=ياغزلان/ اصل بالحزب ما انتي بحلفيه
ادور لك فعولٍ تهز العدا لاقمت=تحسسهم بحر الظهيره عن الفيه
لو ان الحزب ما يرغب الشتم والا الشمت=لكن خدش مشرط بين اطاريف قافيه
وختام النبا ياهجسي اللي سلمت ودمت=حزب العاصفه عنه الملامات منفيه

غزلان ,ريم الفلا ,رحيل و 1 آخرون معجبون بهذا

ملكة الرواسي

وين العرب؟

غزلان ,رحيل ,ملكة الرواسي معجبون بهذا

السلام عليكم

لا هنتم ويسعد مساءكم جميع
رحوله عليكم بالعافيه بس الاكل ما اعجب خيال
اصلاً هو مايحب الا كبسه الضبان شيء ثاني ماياكله
هههههههههههههههههه

غزلان ,ريم الفلا ,رحيل معجبون بهذا

الهواوي صح لسانك شاعرنا
وصح لسان الدنيش

ريم صح لسانك ي غاليه
الله يرحمه ويسكنه فسيح جناته

وعليكم السلام ملوكه
الله يكرم النعمه بس
لا تصدقين ماخلص الصحون الا هو هههههههههههههه
هههههههههههه

/
/
/

يسري بي الليل وابعد عن عيـون البشــر
الاّ عـن اعـيون طيـفـك وانت عنّي بعـيد

يرسم خيالي وصوفك تحت نور القمر
وشعاع بـدر الدجَى لامن رسمتِـك يزيد

طاريك لا غـاب زولك.. في غيابك حضر
من ناح ورق الحمايم فوق عود الجريد

وذكراك ورد الخزامَى عقب رشّ المطــر
تكسي قفـارٍ غزاهـا البين.. ثوبٍ جــديد

وغـلاك سر المحبه لا افتـرقـنا كــــبــر
لا طال عـمر المســافة وابتعـدنا يــزيد

أقـطّع الوقت بالآمـال وانسَى الكــدر
وآكايـد البـعـد وظــروف المسافة تكيـد

ما دام طيفك يـقــاسمني ليالي السهر
يا متلف الروح مـاني في بعادك وحيد

أبانتظر جيتك مهما يـطول السـفر
أنا ، ولوحة خيالي ، والقمر ، والقصيـد

غزلان ,ملكة الرواسي ,نور و 3 آخرون معجبون بهذا

ناصر الهواوي ,ريم الفلا ,محمد الغنامي