هنا .. سجن القوافي !!

يقول جري السلمي /شاعر قديم
يقول جري في ذرا راس مرقب= طويل الذرا للريح فيه زليل
طويل الذرا تهف الحايم دونه =وللحر الاشقر في ذراه مقيل
لاتبدي المرقاب يلعب بك الهوا=ويذكرك المرقاب كل خليل
الى ان قال
ياراعي الخد الذي به علامه= ثلاثة لعوس نقشهنه جميل
ثلاثة لعوس مع ثلاث مع اربع = عشرٍ ولا يغوى بهن دليل
اريتك اذا ماجيت موزٍ بي الضما= ومعلقٍ بين شفتيل صميل
انا اجيك او ما اجيك او وش تقول لي= او انت على ماقد نويت بخيل
ويتخلل البيوت بيوت كثره نسيتها والقصيد من اروع ما حفضت من الشعر ونسيت
الزبده انا اكتب من منطلق عوالق قديمه بالمخ وتجرر للماضي فقط ماتحتاج علامات تعجب ولا استفهام هههههههههههههههههههههه

ريم الفلا ,شيخـــة الغــيــد ,النجلاء و 3 آخرون معجبون بهذا

شاعرة نجد ,محمد الغنامي ,غزلان

ههههههههههههه


صح لسانك , سيدي ههههههههه

غزلان ,ناصر الهواوي معجبون بهذا

اريتك اذا ماجيت موزٍ بي الضما= ومعلقٍ بين شفتيل صميل
انا اجيك او ما اجيك او وش تقول لي= او انت على ماقد نويت بخيل

محمد الغنامي ,غزلان ,ناصر الهواوي معجبون بهذا

هههههههههههههههههههههههههههه

غزلان ,ناصر الهواوي معجبون بهذا

يامرسلي ابدأ بطّه والاحقاف = واكتب وانا ابمليك من لا كلافه
خل الحروف بصهوة الطرس تنشاف = خِف اليراع ولاتزود رعافه
واحذر يجي في شطر بيته تعجراف = من خوف لايقراء خطا بانحرافه
الشعر له معنى ومغنى وميقاف = ومن لاجمعها كلها شان قافه
وانا حريص اجمع بها كل الاوصاف = مابي يقال ان القوافي خُرافه
قافٍ بلا معنى ولاسبك ينعاف = وزادٍ بلا ملحٍ كثيرٍ عيافه
اقولها للي له الطيب مشراف = من عادته طيبه لشخصه وصافه
(جري) جري ماله جري في هوى القاف = بينه وبين القاف عشق وولافه
اسوق له قافٍ له القلب ميلاف = شعرٍ نظيف وفيه بعض الشفافه
وانشده عن مزنٍ كسى روس الاطناف = وبله حقاق وماه ماله مسافه
مابين وبله والثرى صاير خلاف = ومابين ليله والنهار اختلافه
ماقل دل وكل جابه لها اهداف = والحر حر ومن نوى الصيد حافه
قــــال / جـــــري
يامرسلي عجل عليه بالاسعاف = انقذ غريقٍ طاح له في فم آفه
انا الغريق من الغرق صرت خواف = حتى البحر ماعاد نقرب ضفافه
ويامرسلي بالهرج لاتصير مزهاف = خلك ثقيل ولاتحب اللقافه
قُدمك صليب الراى فاهم وعراف = اكتب له المكتوب واوثق غلافه
قله وصل مرسولكم عُقب الاصلاف = وارتاح من بعد التعب والكسافه
قِدم له الماجوب من كل الاطراف = وادىَ الامانه واهتنا بالضيافه
يامرحبا عداد من زار واطاف = وعداد نوٍ نازلٍ من طخافه
برسالةٍ جتني على قد الاوهاف = من غيرها للشعر مالي حسافه
من شاعرٍ بيطار للشعر صراف = يصرف ذهب ماتَعَبَته الصرافه
مصيونةٍ مازونةٍ كلها أرداف = لاشافها الشاعر تزايد شعافه
يا(مضحي)اودعت المعاليق تنلاف = وكلفتني في موج بحرك كلافه
غديت بين الميم والنون والكاف = ماكني الا ماسكٍ لي صحافه
من عادة الشاعر مولع ومهياف = ويازينها لاصار معها ثقافه
ينشد وانا باللغز فاهم وهداف = وكلٍ على جسمه يفصل لحافه
الخير واجد مير عينت الانصاف = عيوا عليه قليلين الريافه
من لاعرف ممشاه حطوله كتاف = لاحدٍ سمع صوته ولاشخص شافه
اخذ الحذر من خوف غادر وحواف = واتبع خضار العُود واترك جفافه

ريم الفلا ,شيخـــة الغــيــد ,شاعرة نجد و 3 آخرون معجبون بهذا

محمد الغنامي ,غزلان ,ناصر الهواوي

أيه أيه نسيت , ع طاري ابو بندر . اذا كان في السجن طلعووووووووه .بكفاله ولا بدون كفاله،،،،،، جاكم العلم

شاعرة نجد ,محمد الغنامي ,غزلان و 1 آخرون معجبون بهذا

ناصر الهواوي

هههههههههههههههه

غزلان ,ناصر الهواوي معجبون بهذا

هههههههههههههههههههههههههههههههههههههههه ياغرابيل حالحرف
الخيال انت ويش فطورك اليوم
عانني ابا ارسل لك على الخاص رقم حسابي حول لي 60ريال 3مشاوير من المزرعه للبيت اتعين لك وتر ركبك حق تضحك على عقل عودك يالمجرم
رايعه هالمساجله بمعني الكلمه تسلم على الايراد

رحيل ,محمد الغنامي ,غزلان معجبون بهذا