هنا .. سجن القوافي !!

ياللي على البال تطري وانت ماتدري
غنيتها يوم شفت الشوق يكويني
تدري وش اقول كل ماانته علي تطري
ياشين الايام بعدك يانظر عيني
ماقول في غيبتك انه نقص قدري
اقول في غيبتك شف وينك وويني
والوقت غيرك ماعادك على خبري
قسيت قلبك وهو بالحيل يغليني
صبرت بغيابك ومافادني صبري
البعد كافر ونار الشوق تكويني
تعال ياللي غلاك بداخلي يسري
ماهي عوايدك ياروحي تجافيني
غلاك يكبر معي كل ماكبر عمري
وشلون بنساك يادنياي وسنيني
انشهد اني بدونك ضايقن صدري
العين تبكي وحبك لاعبن فيني

سلام الله على بدع المعاني=سلامً جزل من منطق لساني

سلام الله على الابداع واهله=سلامً فيه شيح .. وقحوياني

انا الليله نويت افرق بشعري=بعد ماغبت عنّه في زماني

بجيب من البيوت العالميه=ماهي دانه ي دانه يالداني

بصف الشعر في فكري واحبكه=وابطلق من يدي حبل العناني

بهوجس فالقصيد اللا نهائي=بحر واسع تفيض ابه المعاني

على سجن القوافي لاتراجع =نبي نقدم مدام العمر فاني

وارحّب في سجينن طاح توه=واقدّم في دلالي .. زعفراني

بعد هيلً يعز الراس ريحه=وقدوع اخلاص في وسط الاواني

الا يامرحبا بك ي الاصيله=مع التقدير لك والامتناني

نبي خدمه ولا هي منك صعبه=بشعرً جزل مايرضى الطماني

وانا اعرف ذوقك الراهي بشعرك=يجي دايم مثل حيلً سماني

وابختم قافي الطيب وانوه=ترا المسجون مايرضى الهواني

كما هي .. وتقبلوها

الله الله صح الله لسانك يابو عبيد
مجاراه كايفه
وصح الله لسانك ياسامي مبدع الله لايضرك
وصح ذوقك يامهوره وان شاء الله مرتاحه بالسجن اذا برد بنجيب لك دفايه وشاي زنجبيل يدفيك
صح الله لسانك غزوله
شموخه يسلم ذوقك رائعه بانتقائك يالغلا

ابا امر على ما قبل قصيدة سامي اللي اقول له صح الله لسانك واعتلى شانك وبيض الله وجهك

ترا المسجون ما يرضى الهواني= ومن برد الشتا ممسي يعاني
جليد المربعانيه يسوجه=ولا احدٍ جاه من قاصي وداني
ولا تدفيه جزلات القصايد=ولا تشبع طوى البطن المعاني
وقد قالو لو الوقده تسعر=لهبها ما يدفي المودماني
وبعدها اسلم هلابك يالمسلم=عدد كل العرب والتركماني
وانا ابا انشدك عن شيٍ يهمك=وشانه في قلوب الناس شاني
له اسمينٍ ولا احدٍ فيه جاهل=حرف للاسم وايضا حرف ثاني
اسم معناه لو انك عكسته=خلل بالصوت وايعيق اللساني
ومقلوب اسمه الاخر فهمته=خلا واسمٍ من اسماء المكاني
سؤال ولا الهدف سامي بعينه=لكل الربع دام العمر فاني

ابو عبيد صح الله لسانك ع المجاراه الرائعه
وحيرتنا في هالشي اللي له اسمين لكن ان شاء الله بنعرفه
وتبشر مهوره الخير مقبل ان شاء الله

السلام عليكم
زياره وتسليه اتمنى تنال اعجابكم
,,,,,,,,,
تعض شفتها وانا جاني الموت
تغمز بعين وزادت الطين بله
كن الثنايا ثلج وتعض في توت
ومن خدها تقطف من الورد سله
ومعلقه في نحرها عقد ياقوت
ومـــن البـــياض العقد ضيع محله
عنقا طويله راعية خصر منحوت
البطن ضامر والفواكه مطله
اذا اقبلت هيبه لها تقطع الصوت
وذا ادبرت من ردفها جاك عله
وجديلها فالبرد ماترتدي كوت
غطي الظهرواردافها تحت ظله
اذا حكت ماعاد يحتاج لك قوت
منطوقها يكفيك عن كيف دله
تسهر معك والوقت يسرقك ويفوت
يفـــوت معـــهــا في ونــاسه وفــله

صحت ابدانكم وألسنتكم جميعا ي شعراء رواسي نجد ~
مبدعين وجزلين واذواقكم راقيه الله لا يضركم ~

تسليه لمهورتنا مع شاهي اخضر منعنع ~

هلا بمهرتنا عدد ماملأ الكون نور ~
يالهواوي هاذي بنت عمي ماقصرعنها..

وأنا كل مايجود في ايديني من فطور ~
وغداء وعشاء كله وربي لخاطر عيونها ..

جنوبيه وأنا بنت أبوي بالكرم مشهور~
والمها عيني وهواجيس الشعر كلها لها..



ب~ ق ~ غزلان ..
مع ودي وتقديري للجميع ~