آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
17-10-2017, 11:42 AM
|
#14721 | |
حزب العاصفه
|
قال المدير انشيت لك قسم للنقد=وعبد الله الروقي جعلته امينه اول ابيات للنقد ومن الجميع
وقلنا مبارك بكره نوقع العقد=والمشكله لاقلت ناقدك وينه ان انتقدنا يبشر بكثرة الحقد=ويبشر بشمت وسب والله يعينه |
|
|
|
17-10-2017, 02:06 PM
|
#14722 | |
|
هههههههههههه والله انك صادق يابو عبيد ناقدك وينه
مشكله عبد الله اذا راح ماعاد ينشد عنه هههههههههههههه صح لسانك مليون |
|
|
|
17-10-2017, 02:21 PM
|
#14723 | |
|
|
|
|
|
|
17-10-2017, 02:33 PM
|
#14724 | |
  
|
مساء الإبدااااع لا هنتم جميع
مشاء الله الف مبروك شاعرنا بالتوفيق يارب |
|
|
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !!
|
|
17-10-2017, 02:41 PM
|
#14725 | |
حزب الرعد
|
الله يحييكم جميعا ويبارك فيكم وشكرا على التسالي الرائعة يارائعين!
أهلا بشايبنا وحبيبنا والله أكيد لنا الحق نرفع من معنويات حزبنا ليش زعلان ياحلو! وبالنسبة للقسم اللي افتتحه أبو بندر أقول الله يجزى أبو بندر خير والقسم ليس خاص بالناقد للجميع حق المشاركة وإبداء الرأي وطرح المواضيع! وأعجبني بيتك يابو عبيد اللي تقول فيه: إن انتقدنا يبشر بكثرة الحقد=ويبشر بشمت وسب والله يعينه هههههه ايو الله والله إنك صادق لكن الله يعين ،رضا الناس كايد! على ماقال ابن زويبن الله يرحمه: الناس بالحق حكم الشرع ماأرضاها=ماترضي الناس لو إنك تحججها جيت للسلاطين قبل سنوات كان فيه ناس مايعرف الواحد كوعه من بوعه في العَروض والنقد ويوم عطيناه دافع وتعلم أبجديات النقد: يرسل لي على الخاص واحد- انتقدته على الخاص في بيته مكسور- يقول:(ماعندك سالفة)ولكن مايصح ألا الصحيح! وسيكون لنا في رواسي نجد تجربة أخرى سنوضحها إن شاء الله هناك نسأل الله البركة في الوقت والمعونة! والكفالة يوم يومين إن شاء الله ! معليش اسمحولي على الصراحة لكن هكذا جت! |
|
|
|
|
17-10-2017, 02:47 PM
|
#14726 | |
|
الناقد/عبدالله الروقي
شرف لنا الله يسعدك ومنك ومن شعراء الرواسي الكرام نستفيد ونتعلم يعطيك العافية والف مبروك مره ثانيه تستحق وبجدارة |
|
|
|
|
17-10-2017, 08:42 PM
|
#14727 | |
|
حزب الرعد
|
هذي قصيدة لي من الإرشيف! ياطير ياللي للجناحين نفَّاض = أنا الهموم الجايرات انفضتني تلعب على كبد السماء دالهٍ راض = والْحونك اللي قلتها هيضتني كانك تركت الهم في عِشْ وأنْقاض = أنا همومي شلتها فوق متني وكانك سبحت الجو من تحْتِك فياض = أنا هبايب نجد كم لوعتني ياما شعاني في سماء نجد لاناض = بَرق الحيا واليا أمطرت غرقتني الجو بارد لكن همومنا قاض = وَسْط الضلوع سمومها حرقتني ياطير قلبي من عنا الوقت مغتاض = أزريت أبيِّن حاجةٍ موجعتني تارد همومي وِرْد هِيمٍ على حْياض = شِرِبْتها بس الصحيح اشربتني مهما سترت أعراضها بانت أعراض = تَظهر غَصِب عنِّي ولاشاورتني ياطير قِلي كيف تشخيص الأمراض = سعادتك ترجمتها معجبتني أما تساعدني ولانيب معتاض = ولَّا تروح وكل نجد احتوتني وهذه مجاراة رائعة من شاعرنا المبدع أبو عبيد الطرق هيظني وانا قبل مهتاظ=وسريت مع طاروقها واقلعتني وفعل المضارع جاوبه هالكٍ ماض=والمرمسه من بينهم روعتني منها خفوقي يوم به لجلجت جاظ=وصبرت لكن جظته مؤلمتني وعن ما دهتني فيه حاولت الاعراض=وعزيمتي خارت ولا ساعفتني ليت الزمن يا بادع القاف مرتاض=(والا السنين بغيبها علمتني) ماكنت الوف القلب في لاهبٍ لاض=واذله إلها لين كلٍ شمتني بسحر العيون اللي نواعيس وامراض= استدرجتني بالهدب واسحرتني لطعم طاريها اتلمظ تلماظ=وارقص فرح بطيوفها لالفتني واخذت في خيلي مع الدرب مركاظ=وارخيت اعنتها لها واطرحتني وناديتها وانا من الوجد مغتاظ=ولها رفعت الصوت لين اسمعتني (تراي من دمعه بعد فارقك فاض)=وتبسمت لي بالبرد واسفهتني يامن بنيت الشطر الاول على(آض)=حاولت اماشي قافها واعجبتني واشكرك اتحت بقافك العذب فضفاض=لآااهات قلبٍ كنها واجرحتني |
|
|
|
|
17-10-2017, 08:45 PM
|
#14728 | |
|
حزب الرعد
|
اقتباس:
المشاركة الأصلية كتبت بواسطة ملكة الرواسي
الناقد/عبدالله الروقي
شرف لنا الله يسعدك ومنك ومن شعراء الرواسي الكرام نستفيد ونتعلم يعطيك العافية والف مبروك مره ثانيه تستحق وبجدارة الله يشرف مقدارك ياملكة,أنت على اسمك ملكة بأخلاقك العالية لاهنتي على كل حال,,,
|
|
|
|
|
«
الموضوع السابق
|
الموضوع التالي
»
العرض العادي
|
|
