هنا .. سجن القوافي !!

العــنود


العنود اللي مع الخطوه تلين
كل أرضن في مداها رحبتها

مترفه فيها كمل عقلن وزين
كل قبله حولها تقبل جهتها

ثوبها العفه وجوهرها لجين
والعبير انفاس للريح انثرتها

حاز مبسمها على العقد الثمين
وحكيها سكر نبات وفاكهتها

وجهها وضاح لليل الحزين
وعينها خمر المحب وسالفتها

راحت الايام مع مجرى السنين
وباقيه فوق المنازل منزلتها

علميني كيف عني تبعدين
كيف نسيان اليمين معاهدتها

كيف من غدر الليالي تامنين
لا يغرك عن رداها بهرجتها

في بعادك انزف الدمعه انين
وذكرياتك في صراع مجاهدتها

افهقت هالصدر موجات الحنين
وحركت صورة ثباتي واكسرتها

يا جميلة والوفا طبعن ودين
ما تبيع نفوسنا نفسن شرتها

الغلا بالقلب له حبلن متين
والحنايا صورتك عشق انحتتها

القلوب اصحاح والعلم اليقين
اخر ابيات القصيده دونتها

دام حبك بين قلب وبين عين
لا تخافين الليالي وعثرتها

بختصار وزبدة الهرج الثمين
أنتِ لي زينة حياتي وثمرتها


لطشتها من مكآن ماا

لأحد شعرآء رواسي المبدعين

نآيف خويتم

صح لسآآآنه

ناصر الهواوي ,نور ,رحيل معجبون بهذا

صباحكم فل وياسمين (:
صحت السنتكم جميعا
وصح الحضور والتواجد العذب
تبون الجد عاد والله
العاصفه عصفت بجميع الاحزاب هههههههههه
هههههههههههههههه

ناصر الهواوي ,الجووهره ,نور معجبون بهذا

جوجو يسلم ذوقتس ياذوق
وعساتس ع القوة

ناصر الهواوي ,الجووهره ,نور معجبون بهذا

اقتباس:

المشاركة الأصلية كتبت بواسطة رحيل

صباحكم فل وياسمين (:
صحت السنتكم جميعا
وصح الحضور والتواجد العذب
تبون الجد عاد والله
العاصفه عصفت بجميع الاحزاب هههههههههه
هههههههههههههههه

هلا بك رحوله وصباحك ورد بكل الوانه

و كل عاصفه لا بد لها تهدا وتخمد

ههههههههههههههههههه

ناصر الهواوي ,نور ,رحيل معجبون بهذا

تسلميين رحووله

وما عليك زود حبيبتي

نور ,رحيل معجبون بهذا

هلابك اكثر الله يسلمك جوجو
وكانك ماشفتي شي هههههههههههههههه

ناصر الهواوي ,الجووهره ,نور معجبون بهذا

اقتباس:

المشاركة الأصلية كتبت بواسطة ناصر الهواوي

ياريم عشي خويك لو ملوخيه=والا تبين السهل عشيه معصوبه
فكي كلبشاته وهي من قبل مرخيه=يادوب لولس بها السجان يادوبه
حذفت بالخيه اللي يحفر الخيه=ومندوبنا قال به من قبل مندوبه
اسهود وامهود هالايام وارخيه=اسرفت فيكم ولكن قولوا التوبه

كرامة اخوي من عندي وانا اوخيّه
مهيوبة السوق لا جاء السوق مهيوبه

واخوي لو ينتخيبي بنت منخيه
عن الف رجّال و النيران مشبوبه

انتم هل الحفر و النيّات فخيّه
لكل واحد يا ناصر طبعاً اسلوبه

فيكم بيوت الشعر ماهي بمصخيّه
و حنا بوضح النقا كلن و ماجوبه

الجووهره ,محمد الغنامي ,ناصر الهواوي و 1 آخرون معجبون بهذا

رحيل

اقتباس:

المشاركة الأصلية كتبت بواسطة الجووهره

تسليه لنآئبنا

المسجون ظلما وبهتانا

الزعيم مسافر والنآئب مسجوون

الله معنا ان شاء الله

ههههههههههه


نسايم الود ذعذع ودها من جديد =
وجات القوافي تسابق وأنتعش سوقها

والليلة اللي تجيب اطيافها ليل عيد=
سحابة ٍ يسري الساري على بروقها

يسري على نورها الوهاج جزل القصيد =
وتفوح ريحة خزاماها ورقروقها

تمطر شجن والمشاعر من غلاها تزيد =
تهتز منها قلوب ٍ زايداً شوقها

لو ان فصل الشتاء يصب برد وجليد =
تحتر منه الضلوع ونبض معلوقها

ماقسى من غياب من حطه خفوقك رصيد =
الا حنين القلوب ان زاد بعروقها

والشمس لوهو توايق ضوها من بعيد =
غروبها اصبح يشابه لحظة شروقها

تمر الايام والذكرى وهل من مزيد =
واسرارنا باقية في وسط صندوقها

الصبح دفتروجع والليل ساعي بريد =
اجروحنا تكتب الاشعار من ذوقها

ثوب المواجع يلحفنا وعيا يبيد =
والهم قام العرب يطلع من حلوقها

عبدالله العضياني

انتقاء مميز ياأنيقه
وصح الذووق
ماعليه انا وأنتي فيه ونسد اللزوم

محمد الغنامي ,ناصر الهواوي ,الجووهره معجبون بهذا