هنا .. سجن القوافي !!

تسليه للسجين والزوار
برد الجفا ما يرحم ضلوع مغليك
......... يلعب بحسبت شوقي اللي فضحته


حتى لو إن البعد غيب طواريك

......... عيا يتخلى عنك قلب جرحته

حبك في قلبي مثل عرش المماليك

......... و حبي بـ قلبك ما أنمسح لو مسحته

تسترسل الدمعات من فوق خديك

......... فديت دمع الشوق لا من لمحته

اقتباس:

المشاركة الأصلية كتبت بواسطة محمد الغنامي

السلام عليكم
اسعد الله مساكم بكل خير
الهواوي . الخالدي . مرهف الاحساس .
صحت ألسنتكم جميع شعرائنا المبدعين
ماقصرتو كفيتو ووفيتو بالتسالي والمجاريات
ونشكر الراسيات الحاضرات هنا وصحت الالسن
انا اليوم
جيت بكفاله للاخ مرهف الاحساس
ويحل محله الشاعر بدر الخالدي
لان عليه دين سابق ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

كيبورديه على الطاير
::::::

اليوم يامرهف عقب ماتقهويت=حضرت لك في السجن قاف الكفاله
دنيت هاجوس القصايد وغنيت=قافٍ ينومس كل ماجاء مجاله
نضمت لي عدة جواهر بكم بيت=ولا اعتبرها في سموك جماله
كفيت في سجن القوافي ووفيت=عنك القصور بعيد في كل حاله
شاعر وشعرك كل مارحت وان جيت=يسكر به الطربان حد الثماله
نادو خفير السجن لايطفي الليت=مرهف يروح وفيه واحد بداله
جب لي حمد لو هو بشهب التوابيت=لاترحمه لو هم تباكو عياله
تلقاه مابين الرجال النعاتيت=في مجلسٍ عامر يبهر دلاله
منحاش من سجن الرواسي يبا الفيت=مايدري اني كاربٍ له حباله
وادور الفرصه ليا اصبحت وامسيت=واجمع عليه من الخطط واعباءله

الله الله
صح الله لسانك يالغنامي
كفاله كايفه واختيار رائع
لشاعرنا حمد الخالدي
ويبشر بالزيارات والتسالي وطيب الفال

صحت ابدانكم جميع

صدقت يابو عبيد الخطاء مني انا
انا اقصد حمد الخالدي ماهو بدر ولا بدر هذا من وين جاء هههههههههههههههه
السجين حمد الخالدي يابو عبيد

تسليه

من يوم فرقانا الى يومنا اليوم =مافات يوم الا وهي مشغلتني
إليا غفيت اشوفها في حلا النوم =واليا صحيت بكل الافكار جتني
نار تشب بداخل القلب بسموم =حاولت اطفي ضوها واحرقتني
دنيا ثقيلة كلها هموم بهموم =كني حملت جبالها فوق متني

ههههههههههه صح الله لسانك يا محمد
بنتحرى بدر (:

لا هنتوا جميعا على التواجد والتسالي والعلم الغانم
..

الغوص انا ما عاد لي به يا نواخذة البحور
لو البحر سوى مكانه في صدر من يغطسه

الجزر يحيي ذاكره والمد يذبح له شعور
ويا كم شعورن يحيي الذكرى ذبح في مجلسه

هو صاحبي لكن انا ماشي وهالدنيا تدور
إن جيت عاني عادة البحار لا ضاق نفسه

لا تحسبون السلعه اللي في يديكم ما تبور
اللولو الغالي غلاه اقفى مع اللي يلبسه
..

لي عوده بإذن الله

الله الله
صح لسانك ياحمد
ابداع في ابداع لاهنت يالقرم

صح الله بدنك يا محمد ولا عليك زود

..
على درب الزمان اللي مشاويره تقص اعمار
اسج الرجل وطروقي تباريني على دربه

حقيقه طالت الغيبه سبايب مسة المشوار
ولكن الثنا للي بلطفه يفرج الكربه

سلام الله على المسجون والسجان والزوار
سلام ن ينتهض به من يصف بيوته الذربه

يحلق في سما افكاره وينهل صافي الافكار
ويرسمها قصيده تنفعه في سلمه وحربه

يغوص بحور ما ياصل لغبتها ولا بحار
هماج البحر ما ياقف بزوره لا نوى شربه

فريد اسلوب واسلوبه يصيد من القصيد قفار
ولكن الليالي حدته يستوطن الغربه

تسيد مجلس الوحده ومن حوله وجيه كثار
سوات الطير لامن طار في سرب ن ماهو سربه

وثايق من خفا ذاته ولاش قصور بالشعار
ولكنه يمثلنا نعاتبه ونفاخر به

يا ليتني طفـل واجـي لـه واسلـم
واجلس بجنبه وانشده عن علومه
ماحدن علي ناقد ولا حـدن معلـم
طفلـن يسـلـم نعنـبـو مــن يلـومـه