هنا .. سجن القوافي !!

صحت الابدان ..


ومرحبا ب الجميع ..


وصح الله لسانك يابو عبيد مليووون

السلام عليكم وصباحكم سعيد وكل يوم يمر بكم عيد والشر عنكم بعيد
تسجيل دخول ولي عوده ان شاء الله

وعليكم السلام
ياهلا والله يابو عبيد ويسعد صباحك ومساك يارب
وحيااااك الله وفي انتضار عودتك

هلا والله ياالهواوي
ويسعد صباحك ومساك وكل ايامك
وين السجين مختفي. ههههههه

اهلا يالنجلا وصح بدنك وبيض الله وجههك
ارحبي يا رؤى وصح لسانك واظن ان عندك مخزون جيد بس ودك تجسين نبضنا قبل وبيض الله وجهك

سجينكم ما بعد شفناه بالديره=فضلا عن السجن له عامين ما زاره
من وين جابه محمد يالله الخيره=علم خفير السجن باوصافه وداره
اما سجينك جبه او عطه تاشيره=ينهي خروجه ودور للسجن غاره
البارحه يوم قفى وادرَّج سيره=وعقب ميه واربعين وشعت انواره
سفر يغني ومنبلجات اساريره=ويسولف ويحسب إني سامع اخباره
وانا ارسم الراي ما اقنع فيه واديره=ذكرته وولعت وسط الحشا ناره
وشفت المدينه وكني شايفٍ ذيره=وقلبي سبقني لها وايدي بالطاره
لزَّم وانا اقول تكفى فضها سيره=نعم بسفر ريف جيرانه وخطاره

ياهلا يابو عبيد وصح الله لسانك ملايين
وتراك مضيع يابو عبيد روئ عند جيرانا مو هنيه هههههههه

اقتباس:

المشاركة الأصلية كتبت بواسطة ناصر الهواوي

اهلا يالنجلا وصح بدنك وبيض الله وجههك
ارحبي يا رؤى وصح لسانك واظن ان عندك مخزون جيد بس ودك تجسين نبضنا قبل وبيض الله وجهك

سجينكم ما بعد شفناه بالديره=فضلا عن السجن له عامين ما زاره
من وين جابه محمد يالله الخيره=علم خفير السجن باوصافه وداره
اما سجينك جبه او عطه تاشيره=ينهي خروجه ودور للسجن غاره
البارحه يوم قفى وادرَّج سيره=وعقب ميه واربعين وشعت انواره
سفر يغني ومنبلجات اساريره=ويسولف ويحسب إني سامع اخباره
وانا ارسم الراي ما اقنع فيه واديره=ذكرته وولعت وسط الحشا ناره
وشفت المدينه وكني شايفٍ ذيره=وقلبي سبقني لها وايدي بالطاره
لزَّم وانا اقول تكفى فضها سيره=نعم بسفر ريف جيرانه وخطاره

الهواوي
صح لسانك ملايين
علي الابيات الروعه والجزله
مبدع ولا فيك حيله
تقديري لك

أي نعم يالنجلاء اقصد المهره وكنت قريت لرؤى ترانيم على شكل ابيات واعجبني معناها والعتب على الذاكره صح بدنك ولا هنتي
لو عدلتيها قبل تشاف كسبتي جميل ههههههههههههههههههههه
اهلا يالمهره زصح الله بدنك وولاهنتي وبيض الله وجهك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

إي والله يالنجلاء كثيره هواجيسي=عالم مقتضاها من على العبد قاضاها
مع الوالده كل المشاعر واحاسيسي=عليها اغلبني كلٍ ايدور ارضاها
تعكر مزاجي عقبها والفكر حيسي=هن بظلها وانا تكبدت رمضاها
عسى اللي خذل مرسي بعد مكن السيسي=يبسط بعد طول العمر بالجنه اعضاها