سجل حضورك ببيت شعر على ذوقك

أتعـب علـى دربـك أمــل ياغـلاتـي .. يَاْ مَنْيَتَيْ وصلك بشايـر غـذا الـرّوح
أشتقت لك صوتك طرب يـا حلاتـي .. بسمك أنادي يا شعر ما هوى جروح
فرحـة لقانـا مــا حـلـت يــا حيـاتـي .. اقسـم عهـد بينـك وبينـي بمـشـروح
بـحـره يـجـر مسحوبـهـا ياشـفـاتـي .. بعـدك وفرقاكـم تعبـنـي كـمـا نــوح
مشيـت علـى شعـري مثـل يامنـاتـي .. تنزف على الصدر جراحه ومذبـوح

محمد الغنامي صح بدنك وتسلم على اعجابك واطرائك اتشرف كثيرا بمديحك


فعلا انا محتار محتار محتار
والطيف هذا زود القلب حيرة
مر يجي للقب طايف وزوار
ومر يغيب ايام عني كثيرة
اظاهر انه بس عابر ومرار
بس يتنقل بين ديرة وديرة
كنت احسب اني صرت لمزاوره دار
خليت له روحي مساحة كبيرة
اثره مخليني على الدرب تذكار
وانا احسب اني صرت للحب سيرة

عذب

الله الله
ياسلام عليك يالعذب
وصح الله لسانك جزل وشهادتي فيك مجروحه
تقديري لك
النجلاء

حياك الله النجلا وصح بدنك وتسلمين على اشادتك تحياتي لشخصك


تموت احلام في صدر الكتوم وتندفن ضيقه
ولا به من يعزي خاطر المكسور واحلامه
على حلم توفى في متاهة صعب تحقيقه
رحل معه الرجا واقفى ولا به غير آلامه
عذب

زال الوصال و ساكن الروح مازال
مثل النفَس بالصدر يقفي وياتي
باقي حياتي له لوّ مفارقه طال
بـ عيش مع ذكراه باقي حياتي !

للفراج

الا يامحمد ماتبانا نسج الجيب= كبنك خوي يشرح الصدر عن ضيقه
رفيق بعيد عن دروب الخطاء والعيب= رفيع عن الزلات تلزم مواثيقه
نبا ديرة مانسمع الا قنيب الشيب=على راس مرقاب نعديه ونويقه
نسج القدم لينن شمس النهار تغيب=سوالف وصيد ودلة الكيف وبريقه

وباقي لها بالحفض

المرجلة ماهي قصيد و مشاعر
عندك حكي لكن تنقصك الأفعال

ليتك تجي رجال ماهوب شاعر
ولا تجي شاعر ولاهوب رجال

ابو حقب طير{ن}يصيد الخنافيس=ماهوب قرناس يصيد النعامي
والتيس بوله مغرق لحيته تيس =يهبي يالدنياء عليك السلامي