سجل حضورك ببيت شعر على ذوقك

سولفي : عن امنياتك .. فـ الحياه ،
وقولي اني الموجود والباقي أرحلو !

اجمل شعور احس في طعمه وحلاه ،
اني بحياتك : من .. علو اليا .. علو !

مايجيب الي تبي كثر العنادي
داعي الأشواق للعاشق طبيبه
لابغيت الي عشقته قوم نادي
قله ان الشوق بك زاد بلهيبه
بلغ الأاشواق مفهوم المرادي
صادق الاحساس لابده يجيبه
العطاملح الغلا والوصل زادي
قم وصب انواعها واشرب سكيبه

عذب

يافندي الله لايواجرك بالخير=وراك يالمجرم تمخش قدمها
تلعب على السيقان فالصبح وعصير=وان جيت تمشي بالخراب تختمها
اللي حصلك ماحصل يوم للغير=كم شاربٍ حاول ولاقد لزمها
لو تحصل في ذمتي لذبح بعير=واني ما اخلي لحيةٍ ما عزمها
تطري عليه كل ماغرد الطير=ياجعلني يالايمي ماعدمها
وانته مريح ماتحسب المخاسير=ولاذقت من مر الليالي طعمها
تحمد الله ياعشير الغنادير=ودور لى اقرب فرصةٍ واغتنمها

تقنعك الايام ، دام اني عجزت اقنعك !
ماتفيد فيك النصيحه ، وانت فيك عجله

انا لو انصحك مدري منين اببدى معك
انصحك فالدين ولا انصحك فالمرجله !

‏ودي مثل ماحبك أحب غيرك
دام الهوى ماهوب سنّه ولا فرض

لكن نظر عيني عسى الله يجيرك
ماشاف أحد غيرك على كوكب الأرض

محتاج لـ قلوب واجد في قفص صدري
محتاج لـ اشياء : مدري وين ادورها !

لاجيت تقرا في قصيدي عبارات
لا تفسر المعنى على شي تبغيه

ترا المهم انك تمعن بالابيات
تقرا قصيدي ثم تفهم معانيه
واعرف ترا مابين الابيات شارات
قليل من يفهم من الناس خافيه
احد يفسرها وناسه وطربات
واحد على ماقال ماشي يعنيه
مايدري ان الحرف تكتبه آهات
على الورق حبر المواجع يغذيه
فيه الألم والحزن ماخذ مساحات
حتى جروح الوقت مكتوبة فيه
هذا بعض مافي خفوقي معاناة
والا كثير الهم في القلب مخفيه

عذب

اقتباس:

المشاركة الأصلية كتبت بواسطة عذب

لاجيت تقرا في قصيدي عبارات
لا تفسر المعنى على شي تبغيه

ترا المهم انك تمعن بالابيات
تقرا قصيدي ثم تفهم معانيه
واعرف ترا مابين الابيات شارات
قليل من يفهم من الناس خافيه
احد يفسرها وناسه وطربات
واحد على ماقال ماشي يعنيه
مايدري ان الحرف تكتبه آهات
على الورق حبر المواجع يغذيه
فيه الألم والحزن ماخذ مساحات
حتى جروح الوقت مكتوبة فيه
هذا بعض مافي خفوقي معاناة
والا كثير الهم في القلب مخفيه

عذب

الله الله
صح لسانك ياعذب
ولك من اسمك نصيب
دمت بخير