آخر 10 مشاركات |
|
الـــركــن الــهــــادي .. مرســى صدح الأنا وإختلاء الروح ( راسيه بلا ردود ) .. |
انشر الموضوع |
|
أدوات الموضوع | انواع عرض الموضوع |
26-04-2011, 07:10 PM | #81 |
حزب العاصفه
|
ملامح الود بانت في نواظرنا=والعقل ينهى الملامح كل مابانت
يالاهب الشوق لاتكشف سرايرنا=لاصار عيّت ظروف الوقت مازانت ليت القدر بس لو مره يخيّرنا=ونْمتّع العمر لامن فرصته حانت |
سبحانك اللهم وبحمدك
أشهد الا اله الا أنت,أستغفرك واتوب اليك |
26-04-2011, 07:13 PM | #82 |
حزب العاصفه
|
مدري أختلقت الزعل..والا أحساسي صحيح!=مدري وش اللي حصل..وأمسيـت زعلانـه
وشلون صارت معي؟..ضاق المكان الفسيح=وأنـا قبـل كنـت مبسـوطـه وطربـانـه عيّيت لا أرضى..وعيّى خاطـري يستريـح=وابلـيـس غـنـت مزاميره..وطيـرانـه كبرت بنفسي كذا !! وين الجواب..الصريح=ليـه أتأثّر؟..وليـه النـفـس شرهـانـه! |
|
02-05-2011, 09:30 PM | #83 |
حزب العاصفه
|
ياحيلة الله كيف أبحتـال فرقـاك=ياغايتي,ياراحتي,يـ .أكسجيني
رفيق عمري ياعسى الرووح تفْـداك=يابلسم أيامـي وبهجة سْنينـي لو جت على مانشتهي رحت وياك=لكن حداني ماقصـر عـن يدينـي أسمع صدى صوتي وأمانه لياجاك=جاوب ولو عن بُعد صوتك يجينـي لولاك ماتسهر عيوني,ولولاك=مابه على ذا الكون شيء ايعنينـي وأن طالت الغربه عليْ حث ممشـاك=والله على جمر أنتظـارك يعينـي |
|
19-05-2011, 10:50 PM | #84 |
حزب العاصفه
|
ليش تغريني وأنا وش في يديني؟=كل ماعندي كتبته فـي رسالـه
غايتي تفهم علي يانـور عينـي=ماقصر عن طاقتي خلـه بْفالـه والوصال لْيا حصل بينك وبينـي=يأخذ الورد الطبيعي مـن جمالـه خل شلال الغلى يـروي حنينـي=لين بدر الوصل يظهر في كمالـه |
|
02-06-2011, 01:10 AM | #85 |
حزب العاصفه
|
شد الرحال وسابـق الريـح بسكـات=وأحرص على الكتمان في بعْض أمورك
لاتبكـي عيونـك علـى فايـتٍ فـات=وُلا تنْجرح لاصـار ماطعْـت شـورك الجـد لـه حزه,وللـمـزح حــزات=والوقت يرضيني ويرضـي غـرورك |
|
29-11-2011, 10:04 PM | #86 |
حزب العاصفه
|
عسى المطر يبطي على نجد ودان=يسقي صحاريها ويسقي شجرها
ويبطي سمااها بـ .أسود الغيم مليان=لين يْتشابك عشبها مع زهرها ويعم فضل الله على كل الاوطان=وتظهر على الشاشات زاهي صورها |
|
30-01-2012, 02:59 PM | #87 |
حزب العاصفه
|
لــ .الصيد متعه..مايقدّر ثمنهـا=وأنا بغيت أستمتع اليوم..وابْلشت صدت سْمكه(يُم)شفتها خفت منها=وخليتها بسنّارة الصيد وانْحَشـت :) (تعليقي على الصوره بـ أحد المواقع)
|
|
30-01-2012, 03:01 PM | #88 |
حزب العاصفه
|
أقسى على نفسي وادوس الهوى دوس=من خلقتـي ماطعتهـا فـي هواهـا
شيطانها يلعـب هْجينـي ومنكـوس=مـارد نومـي عـن عيوني,سواهـا شيء(ن) خيال وشيء واقع وملموس=ولقيـت فـي مـر القسـاوه,دواهـا أشرح دروس وخذت من غيري دروس=والرابـح الـلـي لا تمادت,قـواهـا |
|
|
|