إذا طال الزمان ولم تروني.فهذا خط يدي فتذكروني

يقولون العرب دار بلا مغليك ما تغريك
وانا اقول انك بليا حب كنك عايش لحالك
انا لو ما تذكرتك غلا جاب الغلا طاريك
تعيش و تسلم لقلب على كف الغلا شالك
اطالع وجهك المشرق أمل عيوني تناديك
و أقول والله ثم والله لا يحرمني وصالك

بعض البشر لآمنه أبعد عن العين
ينقص غلاه و ذكرياته و الأشواق
إلّا أنتي لو أنك ورى السور بالصين
منزلك ما بين الحنايا و الأعماق
تدرين لو غيبتك بس يومين ..
أشتاق لك ..
وَ أشتاق
و أشتاق
وَ أشتاق

علق علي النت وتعلق الاحباب
ما عاد به رابط ولا فيه صورة
يا ناس قولولي حبيبي بعد غاب
وشلون ابشيك على اخر ظهوره

يا مرحبا يا ناعم الصوت والعود = أحيا بصوتك يوم هاتفك جاني
يا بو عيون مدعجه والهدب سود = لاحظ عيانك بالموده رماني

خذت الجمال ومالك السحر ع الخود = يالسولعي يا ريم عين الدماني
بسمتك تفرح خاطري وانت مفنود = بالزين يا سيد الحسن والمعاني

إنته لقلبي راحته وانت مقصود = حظّي تبسّم يوم ربّي عطاني
نلتك وناولتك من الحب عنقود = يا زهرةٍ متمايله في المغاني

من خافقي أرسل لك ابيات لرضاك
ملهوف والاشواق تجتـاح روحـي

يللي حلايا الريـم تشبـه حلايـاك
لقياك يالمزيـون اكبـر طموحـي

سبحان من صب العسل في شفاياك
وخلا الزهر من فوق خدك يفوحي

فيك الدلع أصل الدلع من مزايـاك
رضي نفس وفيك طعـم لمزوحـي

لو تبتسم بان البـرد فـي ثنايـاك
تطول في توصيف ثغرك شروحـي

ورده وكل الغيد من حولك أشـواك
فيك الغموض وفيك كل الوضوحـي

أعشقك انا بـدراك وإلآ بـلا إدراك
يللي على لقياك تبـرى جروحـي

قالو وش اللي بين قلبك وبينه!
من حضرته يومه عن الناس ملهيكـ!
قلت : العفو عمري رخصته لعينه!
وأرمي بروحي له بدرب التهاليكـ!
لو قال ابي الثنتين ماهي ثمينهـ!
او قال ابي عمركـ وباقي لياليكـ!!!

أحبك كثر ما جاد الغمام .. وناحـت الورقـا
......... أحبك .. كثر ما تستشري الغيره بـ..حسادي


أحبك كل ماضم المساء حضن السماء الزرقـا
......... أحبك كل ما مد الصباح النـور لـ( بـلادي)

حبيبتي و أنتي في عمر الغرام من الكلام أرقـى
.......... أحبك كثر ما يستشهـد التاريـخ بأجـدادي

الجادل اللي عيـون النـــاس تخجلها
آللي سنا خدهـــا .. يضــايق اللثمة
دايم وانا اسأل .. وتخجل ماتجاوبني
ليه النسا في حضورك مالهم لزمه!؟