عضو/ة في استضافة رمضانية..

ابداء ب اسئلتي

ابدي الله يكفي شرك ههههههه
س1: منهو محمد الغنامي,, وماهي هواياتة غير الشعر؟
انسان بسيط الكل يفهمه اللي بقلبه على لسانه لا يخجل من قول الحق
والشعر . طال عمرك موهبه من الله وهوايتي القنص هو الهوايه الوحيده اللي متولع فيها
س2: اغلب شعرك في اي اتجاهـ الغزل.المدح،الرثاء.....الخ؟
أغلب قصائدي في الغزل فيه قصايد مقانيص وغيرها
س3:منهو الشاعر الذي يلفت انتباة محمد الغنامي؟
الشاعر . عبد الرحمن بن بديع . الشاعر سداح . لافي الغيداني .
س4/ متى بديت في الشعر كم كان عمرك؟
بديت الشعر من 1418هـ وعمري كان تقريباً 13 سنه 14 منها وفيها
س5: ماذا تقول عن هذة الشخصيات... الامير بدر بن عبد المحسن...ابن افطيس...فهد الشهراني... تركي 2000.....؟
كل الشخصيات اللي قلتي شعراء كبار غنيين عن التعريف وهم اكبر مني يعني ماهو انا اللي احدد مستواهم ؟
س6:-حمـامة زاجـــل حاملـــة رســالة لـك,,,من من تتمنـى ان تكــون؟

عندي تحفض على الاجابه . بديت الدبلماسيه ؟
س7:شــئ او شخــص غيــّر مجــري حياتـــك؟
بندر. اللي غير مجرى حياتي
س8:شخـــص لطــالما حـــلمـــت بــــه؟
والدي رحمة الله هو اللي دائم معي في احلامي وتمنياتي
س9: عندك اربع دعوات خاصة لمين تقدمها لوجبة لافطار معك طبعاً خارج المنتدى؟
الرائد / محمد الحربي , الاخ العزيز محمد بن شريم , رئسي في العمل مساعد الزهراني , والدعوه الرابعه خاصه
س10:وعندك خمس دعوات لاعضاء رواسي لميـــن تقدمهاع وجبة السحور؟
1. محمد الروقي 2. همس الليل 3. نبض الوفاء 4. شيهانه 5. هزاع العاصمي 6. السحاب
س11:ماهي وجبتك الرئسيسة في رمضان وتحب الكل يشاركك فيها؟
الصدق ماعندي وجبه رئسيه أحيان الشوربه من الساعه 12 وبعد ما احبها وقت الافطار
س12/عضو/ة نفسك تقول له ( برافو عليك ) ولماذا ؟
السحاب . لانه نزل مسابقه يجب علينا كلنا ان نقول له برافو عليها ( نصرة الرسول )
س13/ نبي بيت شعرمنك الحين ولمين تهديها؟؟
اسمحي لي على بيت الشعر الحين والله ما اقدر لاني صائم ولا لي نفس اغني
س14/ماهو رائيك بكل صراحة في صاحبة هذا الموضوع؟
الصراحه انسانه ذوق واخلاق نشيطه ومخلصه لرواسي مهما قلت شهادتي فيها مجروحه
وخلاص اتوقف عند هذي المجموعة من الاسئلة ,,والف شكر ع تلبية الدعوة
وسعة صدرك فانت اخ كبير بــ مقامك وبــ قلبك لاعدمتك
ولي عودة ان شاء الله,,,دمت في حفظ الله ورعايتة

يعني ماخلصت اسئلتك يانبض لا تعودينها ههههه

لا هنتي الف شكر لك على الاسئله الخفيفه واللطيفه

هلا الغنامى

هلا فيك ياهمس الليل

انا والله اسئلتى بسيطه ماتاخذ منك وقت ولا ابغا اثقل عليك

يالله بسم الله ابدا

ايه واضح من اسئلتك ماتاخذ وقت معي هههههههه

4-افضل شهـر بالسنه والسبب ؟

ماعندي شهر معين بس أفضل دائما فصل الشتاء
لاني المقناص للربع الخالي دائماً يكون في فصل الشتاء

5-حلمك في الحياة؟
احلام كثيره ومنها اني اعيش مرتاح البال

6-أجمل سنوات مرت عليك؟
الحمد لله سنواتي كلها حلوه الله يديمها

7-البرامج المفضلة؟
ماعندي برامج افضلها عن غيرها

8-شخصيتك ( عصبي ، رومانسي ، ....... )؟
عصبي وبقوووووهـ


9-اجمل بلد زرتها ؟
ام الدنياء مصر
10-ماهو لونك المفضل ؟
الاحمر + الازرق
11-من هو مثلك الاعلى ؟
اخوي ابو ماجد ( النداوي )
12-ماهي حكمتك بالحياة ؟
عيش كثير تشوف كثير
13-ماالذي يحزنك ؟
الفرااااق
14-ماالذي يغيظك ؟
عندما يشك بي شخص عزيز
15-ماالذي يفرحك ؟
شوفك
16-افضل شخصيه في رأيك ؟
توم كروز
17-فنانك ومطربك المفضله؟
مزعل فرحان
18-لو خيروك تكون مشرف أي قسم تختار ؟
لو خيروني بين خلي والذهب ...... اكيد برفض الاشراف والاداره وأبقاء مثل ما انا
19-من هم الأعضاء اللي تود مصادقتهم ؟
جميع الرواسي اعتبرهم مثل اخواني
20-من هم الأعضاء اللي تتمنى تشوفهم؟
جميع الاعضاء بدون استثناء
21-من العضو اللي تحب يضيفك لقائمة الأصدقاء ؟
همس الليل
22-رأيك بـ الصداقـه بيـن الجنسيـن؟
حلوه مره وان احب الصداقات
23-عضو عاجبتك صورته الشخصيه وتوقيعه ؟
صورة محمد الروقي + توقيع السحاب
24-عضو نشيط... ؟
نبض الوفاء + شيهانه . والجميع فيهم الخير والبركه
25-عضو مفقود... ؟
ولد شقراء . بدر عبد العزيز . احلام رماديه . حلوة المبسم
26-عضو واثق من نفسه ... ؟
محمد الغنامي
27-عضو داخل مزاجك ... ؟
مافي احد داخل مزاجي . لاني مالي مزاج
28-عضو تتمنى تلقتي به ... ؟
خالد الروقي . سلطان الروقي
29-عضو مثقف ... ؟
الايمن
30-عضو نفسك تغير اسمه ... ؟
لا وجد أحد
31-عضو نفسك تكفخه هههه ... ؟
همس الليل هههههههههههه
32-عضو نفسك تقول له ( برافو عليك ) ... ؟
السحاب
33- عضو تبي تهديه بيت شعر ايش هو بيت الشعر ؟

يابنت خافي من الله والبسي شيله=حرام مثلي على دربك تجرينه

( اهداء خاص )
34-ماهو رأيك بالحب ؟
اجمل مافي الحياه
35- صــف نفســـك بكلمتيـــن فقـــط..!
عصبي + متخلف
36 -مــاهــو الشــئ الذي ندمــت علــي عمـلــــه؟!؟
محاوله فاشله في التجاره كلفتني 130000 خساره مشتني على رجولي
37 -كـلمـــة تمنيـــــت ان تسـتطيـــع سحـبهــــا؟!؟
ما أذكر شي
38 -آخـــر شخـــص تتـــذكــــره قبـــل أن تنـــــام؟!؟
؟؟؟؟؟؟؟؟؟؟ ما اقدر اقول
39 -جــريمــة تتمنـــي لـــو تستطيـــع ارتكابهــــا؟!؟
الله يبعدني عن الجرائم ان شاء الله
40 -حمـامة زاجـــل حاملـــة رســالة لـك,,,من من تتمنـى ان تكــون؟!؟
من اللي في بااالي ؟ انسان خاص
41-شخـــص لطــالما حـــلمـــت بــــه؟!؟
والدي رحمة الله عليه
42 -دمـعـــه انـذرفــــت رغـمــاً عنـــك؟!؟
من قصه حزينه لطفلين كتبتها همس الليل
43 -مـوقـــف صــدمــك ولــن تنســــاه؟!؟

كيف تهواني وتهواء شخص ثاني=كيف تجمعنا وسط قلبك سواء

44 -شـخــص تتمنــي الإنتقــام منـــه؟!؟
لا يوجد احد الحمد لله
45-شــئ او عمــل لا تستطيــع مســامحته؟!؟
لا يوجد
46-شــئ او شخــص غيــّر مجــري حياتـــك؟!؟
بندر الله يخليه لي
47-حلم لا تستطيـــع تحقيقه؟!؟
انه يرجع والدي للحياهـ
48-كلمة تود سماعها كل يوم؟!؟
كل شي جميل احب سماعه كل لحظه
50 -طالع رحله بريه من تاخذ معك ؟؟
ولد شقراء + خيال بلا مهره
51 - غرق المنتدى ومعك قارب مايشيل الا ثلاثه من تاخذ معك
بصير نذل واروح لحالي هههههههههه

52- باقة ورد لمن تهديها
لك ياهمس الليل
53- اخيرا رايك بصراحه بهمس الليل ايش الحلو فيها وايش الى مو حلو ؟
كل شي في همس الليل حلو . الطيبه والاخلاق الحلوه . نظافة القلب

اتمنى تعجبكم الاسئلة ... وسوري على الاطالة ...
وين تعجبني
لا تخافي زي العسل على قلبي
اذا تبغا كمان اسئله انا مستعده وتحت الطلب
لا كافي ياليتني اجاوب على ذي
واحسن اروح انام قبل مانضرب ههههههههههه
روحي نامي وهين بكره بيجي دووورك والله لهريك بالاسئله
الف شكر لك ياهمس الليل على الاسئله الاكثر من رائعه

بااااااااكـ يَ بو بنـــــــدر انا جيت هههههههههاااي
رجعت بعد48 ساعة يالغلا وحابة اسئلك اسئلة تقرقع في قلبي هههههه
قبلها خذ كاسة شاي وروق ولا تستعجل خذ رااحتك هههههههااااي
مابي ترد عليها وانت صائم ههههههه

بسم الله ابداء معك
س1/ ماهو رائك بكل صراحة في عالم النت من ناحية التعارف,من خلف شاشة الكيبورد؟ وهل هناكـ حب حقيقي في عالم النت؟ او انة حب احلام واهية لا حقيقة لها؟
عالم النت عالم جميل وكلنا للحين ماعرفنا فيه شي .
وبالنسبه للحب عن طريق النت قد يكون فيه ولاكن قله اذا تطور المجال وصار خارج عالم النت طبعا
س2/ هل للحب زمن او مكان او اوطان برئيك؟

لا . الحب ليس زمن معين ولا وطن معين
س3/ ماذا يكرة في نفسة محمد الغنامي ويتمنى انه يغيرة؟
الحمد لله مافي شي احب انه يتغير راضي بحالي
س4/ منهو اقرب عضو لكــ في المنتدى,,, وخارج المنتدى؟
كثير اللي في المنتدى يقربون لي . بس خارج المنتدى مافهمت السوال
س5/ ماذا يجذبكـ للمراة ,, جمالها.. اخلاقها..تضحيتها لك في احلق الضروف..تواضعها وحترمها لكـ ؟
تواضعها واحترامها لي هو اهم شي . والله جميل يحب الجمال
س6/مرادف الكلمات التالية....(رد بكلمة واحدة فقط)
.السعادة: حياه
. صدمة عاطفية: البعد
. حقيقة مرة. الفراق
. هدنة:راحه
. الكرهـ:ضعف
. الحقد:منبوذ
. التسامح:جميل
س7/اذا استعرضنا معـــــًا أجمل محطاتك في .الطفولة .الحي. الدراسة .كلاهما
س8/لو رجعَ بكَ الزمنُ إلى الوراء ، فما الأمورُ التي تود ُ أن تحققها بعد أن ندمتَ حاليا على أنك ضيعتها من بين ايديك؟
أكمال الدراسه
س9/الحياة خير معلم..فماذا تعلمت منها ؟
تعلمت منها الصبر والكفاح للعيش بسلام
س10/ اذا عصب محمد الغنامي وشلون يصير لون وجهة؟؟ ههههه سؤال وجية خخخ

الصراحه ماحصل اني عصبت وطالعت في المرايه

س12/تهدي باقة زهووور وعتذاراً لمين؟
لشخص كان هنا وقسيت عليه وترك المنتدى
س13/اذا اخطئت في حق إنسان واعتذرت ولم يقبل اعتذارك,, ماذا تفعل؟ هل تكرر اعتذارك او تدير ظهركـ وتمضي في طريقك؟؟
اذا اعتذرت له ولا قبل عذري ماعاد يهمني
س14/ماذا يعني لك الكلمات التالية؟
الأم. رحمة الله عليها ماعاد ينفع الكلام
الورد. الود مايعطى جميع المخاليق
الأمل. يجعلك دائما تنظر للأمام
الحياة. صراع وكفاح
الحزن. الله لا يجيب الحزن شي مؤلم
الصداقة. اجمل مافي الحياه الصداقه الصادقه
الحب. شريان يجري به الدم
خلصت هههههههه ان شاء الله تكون خفيفة عليك يابو بندر وسمحلي في كثرالاسئلة
مسموحه ولايهمك ان كان باقي شي قوليه هههههه

الف شكر لك يانبض على الاسئله المعقده

الحين بعد الشاي والاسئلة ,,, تفضل عصير اليموون
من يد مانعدمها والله محتاج لعصير الليمون يهدي اعصابي

تسلم ابو بندر ع سعة صدرك الطيب
تحياتي لك طال عمركـ

العفو. ان شاء الله اكون وفقت في الاجابات

لاهنتي وتحياتي لك

اقتباس:

المشاركة الأصلية كتبت بواسطة همس الليل

اذا تبغا كمان اسئله انا مستعده وتحت الطلب

واحسن اروح انام قبل مانضرب ههههههههههه

لا والله انضربنا ي همووووووووسهـــ
بس استعدي وانا معك
ههههههههههههههههههههههاااااي

يؤؤؤؤؤؤؤؤؤؤؤؤؤؤؤؤؤ نبوضه همووووسه وش تحسون فيه هريتو الولد وماسيبتولنا سوعاال نسألوهـ يؤؤؤؤمنكم بس>>عسسسسسسسسسبت :( ياليللللللل والسوااهـ الحين >>الله يعين بدور يمين يسار تحت المخدهـ وراى الباب وان شاااالله بلاقي^_^ ايوووووووووووووووووووووون لقيييت هع صح نسيت يالله حيه منور يالغلا>>بدري يالله خيووو ميدو ادري رجووكـ بس ياريت تتحملني >>شكلها بجيب العيدهع ياللله نبداء تفضلي على الرحب والسعه 1-مااهي الحيااهـ في نظركـ؟ اوصفها بكلمه! كفاح 2-دمعت المرءهـ ماذا تعني لكـ؟ شي مؤلم ان ارى دمعة المراءه 3-مكاان حب تروح لو اذا ضااقت فيكـ الدنيا؟ البــــــــــــــــــــــر 4-شخص عزيز عليكـ بس فيه صفه مو حلوهـ تواجهه وتحاول تغيرها والاتسيبو زي ماهو؟ لا اكيد بحاول اغيرها وانصحه واعلمه 5-لمن توجه هذهـ العباااره عفتكـ بس لاطرو اسمكـ التفت بذهول وقول عساالشرماصابه؟ لك أنتي 6-اكبرقهر لامنكـ شكيت المكـ وحزنكـ لشخص ويردعليكـ بعها ويقولكـ اهااااااااااا؟ وش تسوي فيه! ماعاد اشكي عليه مره ثانيه ههههههههه وبث عادالحبوباات ماااقصر بس ولايهمكـ راح ادور غيرهـ الاسأله ولي باااكوكاااااااااااا^_^

حياك الله وبياك

الف شكر لك على الاسئئله الضريفه والخفيفه

وحياك الله في أي وقت

دخلت بغيت اسالك يامحمد رحمتك يكفيك الي جاك
يعطيكم العافية جميعا

الشيهانه

الحمد لله انك تركتيني ما سالتي

اجل عمرك شفتي واحد يسال 53 سوال لواحد

والله لو هو يقحقق معه في اكبر قضيه

شوشو لاهنتي على المرور العطر

كل سنة وانتم بخير
الليلة ليلة عيـــــــــــد عساكم من عوادة
قضيت معكم ايام رمضان من اجمل ايام عمري فديتكم وخاصة في هذي الصفحة
الف شكر لمن شارك فيها ومن مر وطلع عليها
السنة الجاية ان شاء الله اذا انا معكم وهو مااتمنة راح يتجدد الموضوع ع خير ان شاء الله
واذا ماكنت موجودة اتمنى واحد/ة من الاعضاء يتبناهــا ويجددة
هذي امنية اتمنى تحققونها ليا اذا ماكنت موجودة معكم,,,,
كل سنة ورواسي نجد ومنسوبيها بالف خير وصحة وسلامة
اختكم ومحبتكم
نبـــض الوفاء