هنا .. سجن القوافي !!

كيبوردية
طابت قيلولتكم

جيبوا لـ أبو منصور دله وفنجال
وبريق شاهي مثل دم الغزاله

خلوه يبدع من جزيلات الأمثال
ويجيب من عذبه وماجا ابّاله

ويهيض المشتاق وش قال ماقال
شيٍ من الواقع وشي ابخياله

وناصر يغني له ويبكي عـ الأطلال
من ماضياتٍ ذكرها سم حاله

وأنا بـ اغني وان بغيت أضفي الشال
على الخوافي صادق القاف شاله

مع التسالي سجةٍ تشرح البال
لو كل منا له مزاجٍ لْحاله

ناصر الهواوي ,الجووهره ,كديميس السيحاني معجبون بهذا

اقتباس:

المشاركة الأصلية كتبت بواسطة ناصر الهواوي

اسمع وخل وخذ بلا منَّه وهات
وليا فهمت لمقصده فانت وافي

يجيب هجسي كلما يذكر ابيات
ليا استرسلت من غيض فيض القوافي

تنقاد معه ليا اجنب الجيب بالذات
وشاف الجبل له بان ما كان خافي

هذا الشعور يراوده من سنيات
هاوي ولا قد كان فيه احترافي

الجو صافي والصحاري عذيات
ما عكرت بغبارها والسوافي

مابه زمل في وين ما تمسي تبات
براد صيف وكان بشباط دافي

ان قيل ترجع قلت هيهات هيهات
ان كان فزت براس مالك عوافي

،
،،
،

يا ما خذيت مع اعذب الشعر سجات
وليا عطيت اقول ماهوب كافي

و يا ناصحي موجات الارسال صلفات
ودت ولا جابت و راحت مقافي

ما راحت بسيّه ولا جت بحسنات
ولا صحى جفنٌ بالاحلام غافي

لين استدار و ثوّر غبار بسكات
و العج يطمس جرّة ما تشافي

و يلي على سنينٍ مضت ما بها إهات
قنوف جوي من بردها اللحافي

و اقول لك زدني من النصح لإثبات
اني مجدٌ في السعي و الطوافي

و دي لو إن الزور يقرب لابانات
و ودي لو الوفره قريبة فيافي

،
،،
،

شاعرة نجد ,ناصر الهواوي ,الجووهره معجبون بهذا

اقتباس:

المشاركة الأصلية كتبت بواسطة شاعرة نجد

كيبوردية
طابت قيلولتكم

جيبوا لـ أبو منصور دله وفنجال
وبريق شاهي مثل دم الغزاله

خلوه يبدع من جزيلات الأمثال
ويجيب من عذبه وماجا ابّاله

ويهيض المشتاق وش قال ماقال
شيٍ من الواقع وشي ابخياله

وناصر يغني له ويبكي عـ الأطلال
من ماضياتٍ ذكرها سم حاله

وأنا بـ اغني وان بغيت أضفي الشال
على الخوافي صادق القاف شاله

مع التسالي سجةٍ تشرح البال
لو كل منا له مزاجٍ لْحاله

،
،،
،


وصى و هو ماجاب لي طيّب الفال
خشفٌ جفولٌ ذايرٌ ضف شاله

و على اللحن يانجد غنيت موال
من الخيَال اللي ترادم خِياله

و ليا نظمت من اعذب الشعر سلسال
من ماردٍ عِده صفيٌ زلاله

لبسته لعنقٍ ذكرته ف الاطلال
ذِكره يجر القلب جر المحاله

لحبال سقيا زرع في سفح وجبال
وصعيب سقياه و بعيدٌ مناله

يرقى به الفلّاح في شمس و ضلال
و ثلاثة ارباعه سُدى لا محاله

و راعيه عودٌ بار به عشرة عيال
و خلوه مع زرعه و حيد لحاله

يسنى السواني باذل الجهد لازال
حبه لزرع يصير و رث لعياله

استرسلن و استوقفن بعض الامثال
و العود للقيفان ميّل عقاله

،
،،
،

ناصر الهواوي ,الجووهره معجبون بهذا

اقتباس:

المشاركة الأصلية كتبت بواسطة الجووهره

وتفضل الفطور على طريقة ابن جدلان
الله يرحمه

الحب ورده لكن ( الشكـ شوكة )
‏والبعد لامن طال دمع ( المقل قل )
‏.
‏واللي (مربى ع الجبن) في سلوكه
‏يموت مايلقى من (البيض) له (خل)
‏.
‏(كبده) تطوّى يوم مافلّ بوكه
‏ومن مايبي الفلات عمره (فلا فل)

ههههههه
فطور كايف خاصة للي مامعه سنون

ابدعتي و كثر الله خيرك 😀

ناصر الهواوي ,الجووهره معجبون بهذا

هههههههههه
هلا بك شاعرنا وسجينا
وتسلم الله يسعدك
والحق على بن جدلان الله يرحمه
نسى الخبز ماذكره بالابيات
ههههههههه

لكن مانساه في هالابيات الرائعه
الله يرحمه

لاضاق صدرك والليالي تحدتك
اصبر عليها والصبر زين لو طال

لاتنحني للوقت وتروح هيبتك
وتموت بالحسره ولوكنت رجال

واحذر تدور عند الانذال حاجتك
لاتقضي الحاجه ولاتستر الحال

واحذر تبين لاقرب الناس شدتك
لو تزعله لحظه حكت فيك الاجيال

وان صرت ضيف الناس لاتطول مدتك
غالى تجي وتروح ياطيب الفال

وان كان همك فالزمن بس لقمتك
الفول بريالين والخبز بريال

شاعرة نجد ,ناصر الهواوي معجبون بهذا

وهلا بالجمييع
وطابت جمعتكم بذكر الله
والصلاة والسلام على رسول الله

اللهم صلّ وسلّم على نبينا محمد
وعلى آله وصحبه أجمعين

ناصر الهواوي معجب بهذا

اللهم صلي وسلم على محمد
شاعرتنا هلابتس وصح لسانتس ولاهنتي ودمتي وسلمتي
ارحب يابو منصور وصح لسانك واعتلى شانك لاهان راسك
الجوهره هلابتس ودا توجدتس وصح ذوقتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
في قصيده نوب ما تظهر معاني
ونوب شطر البيت يشرح ما غمض

لقن الفكر الهجوس وجاء اللساني
وترجم اللي قيل لو فيها مضض

وش تعاني يالمغربل وش تعاني
ليه بالشريان زودت النبض

ان سبقك اللي على الحر العماني
ما انت ويا الناس لو تركض ركض

لو دريت بشي تجهل شي ثاني
الطمع في كل ما تبغى مرض

ذا كلام اللي هجوسه بهلواني
شاسعه مساحته طول وعرض

وبس ههههههههههه

الجووهره معجب بهذا

اللهم صلي وسلم على محمد
شاعرتنا هلابتس وصح لسانتس ولاهنتي ودمتي وسلمتي
ارحب يابو منصور وصح لسانك واعتلى شانك لاهان راسك
الجوهره هلابتس ودا توجدتس وصح ذوقتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
في قصيده نوب ما تظهر معاني
ونوب شطر البيت يشرح ما غمض

لقن الفكر الهجوس وجاء اللساني
وترجم اللي قيل لو فيها مضض

وش تعاني يالمغربل وش تعاني
ليه بالشريان زودت النبض

ان سبقك اللي على الحر العماني
ما انت ويا الناس لو تركض ركض

لو دريت بشي تجهل شي ثاني
الطمع في كل ما تبغى مرض

ذا كلام اللي هجوسه بهلواني
شاسعه مساحته طول وعرض

وبس ههههههههههه

الجووهره معجب بهذا