كن في صفي

للتواصل مع التاج فقط
ابتدي باسمك عظيم الشان كن في صفي
والله اني يا الاهي من ذنوبي خايف

ويا هجوسي قبل هتان القصيد يرفي
خل مالا لاق من وبله وهات الكايف

من سمع طرقه يقول القاف هذا شفي
حيث ابو نواف داعينا لحفلة نايف

مع سلامي للوجيه البيض ابا ارفع كفي
بالتحيه عطرها ازكى من ورود الطايف

للرجال اللي ثقل ميقافهم ما خفي
حسب تاريخ المؤرخ له وكلٍ شايف

في كتايب روق ماقفهم مع اول صفي
جارهم والضيف مكرم ممنين الخايف

قبل ابو تركي لنيران الحروب يطفي
كل بيرق للعداوه له بكفه لايف

واستتب الأمن وقلوب البشر تلتفي
حول كلمة لا الاه الا العظيم الرايف

وختمها صلوا عدد ما بالمخايل رفي
من بروق وما تحدر سيلها من نايف

للرسول اللي خسر من كان عنه مقفي
ومن على نهجه نهار الحشر ما هو خايف

نايف خويتم معجب بهذا

انعم واكرم من مادح وممدوح وصح لسانك الجزل يابو عبيد نايفه مبني ومعنى تحياتي وتقديري

ناصر الهواوي معجب بهذا

ارحب يانايف وصح بدنك ولاهنت ولا عليكم زود تحياتي وتقديري

اللهم صل عليه وسلم
وصح لسانك شاعرنا ولاهنت على هـ الجزله

تقديري,’’

ناصر الهواوي معجب بهذا

صح بدنتس شاعرتنا ولاهنتي ودمتي وسلمتي