اقرب شاعر

ماشاءالله مبدعين
وصحت السنتكم انفداكم استمتعت بمتابعتكم

ولد روق

بعد جينا على دعوة هل الناموس واهل الكار

ســــلام الله ســــلام ً فــيــه مــســك وفــيــه ريـحـانــي

نـبــا نــاخــذ ونـعـطــي بـالـوفــا مــــع عــمــدة الـشـعــار

ونــبـــا الـلـيـلــه نـسـريـهــا مــســـار الـــذيـــب ســرحــانــي

الغنامي

عقب لبيت دعوة من دعاك وجيت يالصقار
هلا يامرحبا ترحيبةٍ من قلب ولساني
انا شاعر ولامني لقيت الشاعر البيطار
سرانا ماعلانا من كلام فلان وفلاني

ولد روق

انا ادري انك كفو ياصاحبي منته بميت نار

عـتـيـبـي واتــشــرّف وافـتـخــر مـــــن يـــــوم جــارانـــي

توكـلـنـا عـلــى الله يـابــو بــنــدر وابــتــدا الـمـشــوار

نـــبــــا نـــاخــــذ عــلــومـــك كــلــهـــا يــاطــيـــر حـــورانــــي

الغنامي

علومي ياعميلي كنها الياقوت فالمحار
لزوم تغوص لين تجيبها ماهيب هجاني
انا بنشدك عقب انك سريت وطفت الانوار
وانا عممت فيك وعم ذكرك كل الاوطاني

ولد روق

سلامات وعسا ماجاك تكفير ً عن اللي صار
من ذنوب وخطايا ً حاصله من ماض الازماني
تراني يامحمد ضيف ماني من حمام الدار
ليامنك فقدت ليه هنا وشلون تلقاني

الغنامي

مدام انك هنيا لو تلف يمين ولا يسار
تراني لابغيتك بطرحك ياذخر جداني
انا راضي بحكم الله ولالي عن قضاه خيار
وصابر واحمد الله واشكره في كل ماجاني
ولد روق

تدور طيحتي وانا بيمينك صارم ً بتار
علامك ماتخليني حسو لعيال قحطاني
مقدر يابو بندر والعرب يرضون بالاقدار
على ملة محمد يامحمد منت نصراني

الغنامي

انا وانت اختلفنا ياعميلي بأول المشوار
تبا واد الرمه وانا طلع شفي دعيكاني
رفيقي ما اتمنى طيحته في سر ولا جهار
انا اعز الرفيق ليا نصيته قبل ينصاني

ولد روق
محمد الغنامي

صحت السنتكم يامبدعين
على هالمحاوره الأكثر من راائعه لاهنتوا
ابدعتوا وامتعتوا دمتم ودام ابداعكم
تقبلوا مروري واعجابي
تحياتي وتقديري لكم

ولد روق وابوبندر صحت السنتكم
محاوره جيده
لاهنتوا وبيض الله وجيهكم

صح بدنك ي الشامخه

صح بدنك يابو جزاء

صح بدنك يابو عبيد