مايرد النفس عـن درب السخـط غيـر القناعـه

مايرد النفس عـن درب السخـط غيـر القناعـه
و[الرضا حِكمـة] تشـدّ العـزم بالحـزن الثقيـل


مالنـا لاثـار مـوج الـهـم وإشـتـد إندفـاعـه
غيـر دعـوة رب هـذا المـوج و [الخافـق ذلـيـل ]


نوب نضعـف لا غزانـا الهـم وأتعبنـا شِراعـه
نفقد الحِكمـة و [ نبحـر بالأسـى ]مـن دون حيـل


ونوب تِفقِدنا المصايـب مـن بلاويهـا الشجاعـه
ونوب [نخـوات الشجاعـه] ترمـي الخافـق قتيـل


عايشين بطيب عيـش ونشتكـي ظُلـم المجاعـه
في [مظاهرنـا سكـون] , وفـي مخابرنـا فتيـل


نشتكي ونقـول: جـرح الوقـت يـا كبـر إتساعـه
والحقيقـه لاتمايـل هالزمـن [قمـنـا نمـيـل ]


ماخذتنـا هالليالـي .. بيـن أياديـهـا بضـاعـه
ليـن [جيناهـا عـروض] .. وسعرنـا جـداً قليـل


إن وقفنا ماوقفنا .. غير فـي وجـه الجماعـه
وإن جلسنا ماجلسنا.. غير عن [ فعل الجميـل ]


وإن حكينا ماحكينا .. غير بـ فـلان ومتاعـه
وإن سكتنا ماسكتنا .. غير عن [ حق ودليـل ]


تشتكي منّا أخـوّة .. أصبحـت وهـم , وإشاعـة
ليــــه خليتوا [جروحـي] .. مـن فعايلكـم تسيـل


وتشتكي منّا صداقة .. أصبحـت زيـف وصِناعـة
ليه وقفات الصداقة .. مالقت فيكـم [ أصيـل ]


وتشتكـي منّـا مبـادي .. مالقـت منّـا شفاعـة
حقّها مُجحف وفينـا [ مالقيـت ] درب وسبيـل..!


هالزمن لـو مايطيعـك طاوعـه وإحـذر خداعـه
نوب [ تغرينا ] ملامـح , وسطهـا وجـه ٍبديـل


و الشقا وإن طال غيمه .. تالي الغيـم إنقشاعـه
ماخبرت الغيم يبقـى .. فـي سمانـا [لـو يخيـل]


و الوجع موجود طبّه .. بس يحتـاج لـ مناعـه
و [المناعه] حزم قلب , وصبر , مع قلب ٍ يشيـل


و الزمن وإن زاد قسوة .. يبتسم لك لو لـ ساعه
وإن تبسّـم لـو لساعـه إحمـد [الـرب الجلـيـل]


إبتسامة عقب دمـع ٍ .. حـرّق الجفـن إلتياعـه
خير من دمع ٍ [فقد ضحكات] من وقـت ٍ طويـل


بإختصار : إرضى بواقـع دنيتـك وإقبـل سماعـه
و اقتنع بأحكام وقتـك لوغـدى [قلبـك عليـل]


.

أوهــــــــام
رائعة يسلم ذووقك حبيبتي
قصيدة جميلة جداً وراقت لي يسعد رووحك ياغلاي
انتظر جديدك الرائع والمميز
تحياتي لرووحك

أوهــأم

سلمتي على الذايقه الرايعه

واهنيك عليها

سجلي مروري واعجابي

لك اجمل تحيه

تسلمى اوهام وتسلم اناملك على كتابة كل حرف

يعطيك العافيه

نورتي متصفحي بمروركم العطــر ..

اوها م


مروري يسبقه اعجابي ويتبعه تقديري

صح قلبك عن كل شر

صح بدنك يالغالي

نووورت متصفحي بمرورك ..