[ مصافحه أولى ] !

طال الغياب وطاول المقرود هاالليل الطويل = الله وكيلك كل شيّ(ن) في سما هاالليل طال
ملّ الصبر من صاحبه والنار ولّعها فتيل = وأخذت سيفك يا قصيدي يمّ ساحات القتال
مافيه عاقل يمتطي صهوة جواد المستحيل = ينخا وينخا في زمان(ن) أثمر أشباه الرجال
في ساحل الدمام أدرّس نفسي الصبر الجميل = وأعزي النفس الحزينه في فناجيل الدلال
أوازن حروفي وغصب(ن) لا طرت حايل تميل = وأحط شوقي با اليمين ويرمي سنيني شمال
ما باقي إلا ذكريات وقصة الحلم الذليل = تسفي عليه من الصحاري كل دمعات الرمال
( خذ يا بحر كل ماتبي ) لا مات هاذاك الخليل = وش عاد يفرق يا بحر بين الحقيقه والخيال !
وش عاد أسوي في غلاه وكيف أدّور له بديل ! = القصه أكبر يا بحر يضرب لها أكبر مثال
لا صار حبّه جوف قلبي كنّه جذور النخيل = الموت أهون يا بحر دام الحرام أصبح حلال
كم طعنة(ن) يا قوة الله ترمي بميّة قتيل = ياما تحمّلنا ليال(ن) ما تحمّلها الجبال
أرفع كفوفي للسما .. يا الله داخل بك دخيل = إرحم غريب(ن) شيبت عينه صواديف الليال

سطام الشمري

صح السااانك ولاهنت
وحياك الله يابن شمر

شطام الشمري
ذخر شمر
هنا عنوان شاعر توشح شعره بالجزاله
وتأبط العذوبة في بوحه ليرتقي في مصافحة رائعه
لتكون الوافيه والعذبه والرائعة هنا بقلم سطام
صح لكل وكينونك
ودام هالبوح بكل خير وموده ياذخر شمر

..,, سطام الشمري ,,..

ياهلا والله وغلا بين اخوانك في رواسي نجد

..,, صح لسانك وبيض الله وجهك على هالرائعه ,,..
لا عدمنا هالتميز

تحياتي ,,.................... .

هلا والله وغلا يا سطام


انا هنا للترحيب


اما من جانب القصيده فهي باذخه في الجمال

لله درك يا سطام


تحيتي

الفاضل .......... سطام الشمري

لاتتوب عن كرم هطولك برواسي نجد ابدآ
فنحن لن نرتوي لمره واحدة
قصيدتك وتوقيعك عذبه لايسعنا سوي طلب المزيد
دمت بكل الود
حـــُور !

سطام الشمري

صح لسانك ((ياشاعر))

قصيده في منتهى الروووعه

في انتظار قصائدك المميزه بشوق

تقبل مروري

صـــــــــــــــــــــح لسااااااااااااااااانك

الله يعطيك العافيه على هذه الرائعه


تقبل تحياتي