هنا .. سجن القوافي !!

صح الله السنتكم جميع وكل عام وانتم بخير

عبدالله الصقري ,الجووهره ,رحيل معجبون بهذا

هزاع ياشاعر الجزلات= بشكى لك الوضع والحالي
بعض العرب تقبس الشارات= قول ولا هوب يحلالي
انا ابدوية على العادات = واكتب على النت ما بالي
أرقا ولا أنزل مع العثرات =وانافس الخلق يالغالي
للحرف فى داخلى زفرات = أحيان أهوجس وبلحالي
وأحيان اكتب على ماجات = وتطلع لى بيوت وجزالي
وأغنى الطرق والشيلات = بشعري و لحني و موالي
الشعر نبضٍ وجمع شتات = بين المعاليق يجتالي
غلاه عندى انا بالذات = مع طول الايام متعالي
هو سلوة القلب فى الضيقات = اسري معه لاغفا السالي
دفاتري و الحروف اثبات = بوح ٍ به آلام و آمالي

https://www.r111n.com/showthread.php?t=13811

عبدالله الصقري ,الجووهره ,رحيل معجبون بهذا

صباح الخير
وكل عام وانتم بخير
سلامة خاطرك ابو عبيد الله يرحمهم

عبدالله الصقري ,الجووهره معجبون بهذا

اهلابالجميع وعيدكم مبارك وكل عام وانتم بخير وتقبل الله من الجميع صالح العمل
اهلا يالخيال
وهلابك يارحيل وجزيتي خيرا
الليله معزوم عند اهل ظلم انا والناقد وسنجري معهم محادثات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
ياقلب دقاتك وراها تسارع=وش رافعٍ ضغطك كذا ياعسى خير
ويالفكر وش خلا همومك تصارع=وياوجه ليه مقطبات الاسارير
ويالهجس يوم انك بالاشعار بارع=لما يختلج بي بالله اكتب تصاوير
عوج الضلوع من الطواري تقارع=في كل عيد اتصير/في هالسنه غير
ضيَّق ممر اعراضته صار شارع=معه القطيعه والجفا جدوا السير

عبدالله الصقري ,الجووهره ,رحيل معجبون بهذا

هلابك زود يا شاعرنا
الله يجمعكم على العز
هم كريمين وانتم تستاهلووون
هاه بشر المباحثات بينكم وش اسفرت عنه (:
و صح لسانك يابو عبيد

عبدالله الصقري ,الجووهره ,ناصر الهواوي معجبون بهذا

هههههههههههههههههههه
اهلا يارحيل والله يصبحك بالخيرات والمسرات
عاد انا حثيت الربع والربايع عندك تواصلي مع من تقدرين تواصلين معه
الربع عاتبناهم ولمناهم ووعدو خيرا وقلنا لهم مروا علينا لو مرور الكرام
الناقد يقول ان انهى الاختبارات قبل يومين وانه مو مخلي لنا مجال من كثر المشاركات
وانا اظن انه ما يزال لعرقوب باقي ورثه ههههههههههههههه

عبدالله الصقري ,رحيل ,الجووهره معجبون بهذا

البارحه من ظلم انا جيت ساري
ومريت ديرتهم بعد ما انصف الليل
ومن في جواري ما عرف ويش جاري
بين المشاعر وش حصل من مراسيل
بين الخفوق وبين طيفٍ مباري
تاخذ وتعطي معه واتحط واتشيل
سعير جذوة جمرة الشوق واري
بين الضلوع المحدبات النواحيل
اضحك واسولف مع رفيقي وادري
يبين لقنوف المدامع هماليل
خوف ايتزرا بي وهو قبل زاري
خالي وفاض وسالم من الغرابيل
جعل الشعيب اللي غطته الذوراي
تجلى غبرته باول الوسم بالسيل

عبدالله الصقري ,رحيل ,الجووهره معجبون بهذا

القصيده بمناسبة زواج سرور ابن فراج
ــــــــــــــــــــــــــــــــــــــــــــــــــ ـــــــــــــــــــــــــ
مبتدا ما اقول بسم الذي شق الفجر*****نور سبع وسبع والنور به يزداد نور
وادري انه يشبه لجالب التمر لهجر*****مهدي ابيات القصيده على هذا الحضور
ازجر هجوس الشعر مهرة ابداعك زجر*****لايهيلك ما ترا تقعد اتلف وتدور
لو لمدح عيال فراج عرقك ينفجر******ما هقاك اتضيف شيِ جديد لهالنمور
ورث من غنام يوم العرب فيهم دجر*****بالقنا الشلف واللي يقصن الظهور
للضيوف الحشو والحيل ودلال ونجر*****ولو اتطول جيرة الجار ما ناشه شرور
وقبل ما تبنى المنازل على طين وحجر*****لمأمن المضهود برباعهم قد كان دور
بالله المعبود ثم ابذرا روق استجر********لابلشت ويبست شفاك من بعض الاومور
والقبايل كلبوها معدلت العجر***********خافقه راياتهم فوق ما فيهم قصور
والفخر للي حكمها من السيف لهجر*****العديم اللي ذخر كم عديم من الصقور
جالها والمرزق اسلاف بعض المتجر******وبوركت والنفط بربوعها دلا يفور
وسلمت للقايد اللي حجر خصمه حجر*****من زبن سلمان من ضيم ما والله يبور
دوك وش سوت جيوشه بمن خان وفجر****اجحرت عبد الملك من قصوره فـ الجحور
عد وبل المزن والرمل واوراق الشجر******وما درج فوق البسيطه وما خاض البحور
بالصلاة وبالسلام الهجوا وينال اجر*******للرسول اللي شفيع امته يوم النشور

عبدالله الصقري ,رحيل ,الجووهره معجبون بهذا