آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
19-02-2019, 06:44 PM | #25057 |
|
تسالي المغربيه ههههههههههههه
كل دار أرجعت وأنا ســــــــــــناوي=عزتي للي سواتي عزتي لــــــه زادت الحمى فرحنا للمـــــــــــداوي= والمداوي زود الحمى مليلـــــــــه ياجميله كن يطوي الحال طـــــاوي =والله ان كبدي على شوفك عليله والله ان قلبي على شوفك شفاوي=غير لا بيدي ولا بيديك حيلــــــــه سجليني في بحر حبك فــــــداوي= انا مجنونك بعد مجنون ليلـــــــــه يارقبت الخشف ياعين النـــــــداوي =ياسراجيف الذلول المستحــــيله يامناة تنقصر عنها المـــــــــــــناوي =ياخيار الدهم يالقبا الاصـــــــــيله لعن بوك انتي مكاسر عود جاوي= ملبسك سندس شرابك سلسبيله لو تمرين الشيوخ اهل الفـــــتاوي = عودوا مثلي يجرون الطـــــــــــــويله من هوا شرواك والا لايهــــــــاوي =التقيد من بعض الاشيا فضـــــــيله |
|
19-02-2019, 06:45 PM | #25058 |
|
ويش أسوي ياعيون الوحش عنق الغزال = لاحصل طاريك يفتح على قلبي أرواق
لي ثلاث سنين بين الحقيقـه والخيـال = وأخر اشهر ذالسنّه تكمل الرابع غـلاق شبه وضحاّ فالمخاضير زاويها الحيـال = من غلاها عند أهلها تبـارى ماتسـاق تيهّت من صغرها بين ثنتيـنٍ هجـال = مهتويها راعيّ البل وعاشقهـا عشـاق عنديّ إنّك ماخذٍ تـاج ربّـات الجمـال = سلموّك الحسن من باب صنعاء للعراق |
|
19-02-2019, 08:53 PM | #25060 |
|
مسآء الورررد والبرررد
صح لسآنك الهوآوي ويسلم ذووقك مهووره عشآن البرد تسالي شتويه ههههه من مدونتي الجميله بَرد الشّتآزعلان ! وش فِيه زعلان ..؟ .. .. .. ظنّيْ فقد مَخلُوقْ , بـ الأمسْ مَوجود حتّى أنت تشتكِيْ مثلنا كنّكْ انسآن .. .. .. بس انت وضعِكْ غير فِيْ صُوتِكْ رعُود بَرد و مطَر والصّوت فِيْ جم الألحآن .. .. .. لحنٍ حزِينْ وسبته شخص .. مفقود القلب عقبه عايش وقت حرمان .. .. .. لو هُو على كيفَه تمنّى .. له يعُود يا"بَرد" فيك أعتاب واحسآإسْ وَإلهام .. .. .. وَ أنا من شعُوركْ مع الضيق موعود ـــــــــــــــــــــ يَ اللّيْ تقُول البَرد .. جمّد عظآمِگ ! أفرَح , ولآ تِصبحْ من الجوّ , "مستَاءْ" !! لَو ذِقتْ مَا ذقتَه .. تغيّر كلآمِگ ,! [ بَرد "المشَآآعِر " .. غ‘ـيييير .. عن بَرد الأجوآءْ ! , ـــــــــــــــــــــ برد القلب اللي كساني جليده .. ذاب وتفكك من رسالتك تفكيك .. جت في جهازي وإحتضنها بريده .. والقلب غنا من كثر فرحته فيك .. ياصاحبي رغم الظروف العنيده .. أبقى مثل ماني كذا دوم مغليك |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
19-02-2019, 10:30 PM | #25061 |
حزب العاصفه
|
مساء الخير
وصحت السنتكم شعراؤنا المبدعين لاعدمنا الحضور الفاخر وصح لسانك ريم مجاريات ولا اروع,لاعدمنا ابداعك المميز تقديري,’’ |
سبحانك اللهم وبحمدك
أشهد الا اله الا أنت,أستغفرك واتوب اليك |
19-02-2019, 10:42 PM | #25062 |
حزب العاصفه
|
[CENTER]
من تسالي السلاطين الله يرحم شاعرنا عبدالله بن طلال يقول.. تـــقــــول يـاخـبـلــهــم والــخـــبـــل ريّــســـهـــا ومـا يتبـع الخبـل غيـر الخبـل والخبلـه من حوسة العود حتى البنت حايسها قامـت تشـن الهجـوم وتـضـرب الطبـلـه ومـن كثـر ماتحتـدم خشنـت ملامسـهـا ماعاد تـدري وش الساعـه مـن الدبلـه والله يــالـــولاة قـــــول افـــــلان حـابـســهــا انّي لا احـط السلاسـل فـي قِـدم سَبْلـه ولـو ودّي ب ذبـح حارسهـا و فارسهـا والله ل اسـمّــي والــقّــي بـالـعــرب قِـبـلــه قلت.. فصل هْدومك على قدك وقايسها بتذبح وتصلخ ولابعده ولاقبله نصيحتي روسٍ اطول منك سايسها في ذمتي يابَعَضْكم مانحسّب له نشوف بعض العرب زاادت تغطرسها ونصفح ونسمح لها والكبد مندبله ماتدري المنتصر يبغى يونسها لامن عطى فرصته وارخى لها حبله قاامت تمادى تحَسْبَه من فرايسها لا والله الا اثر بعض الناس منهبله |
|
19-02-2019, 10:56 PM | #25063 |
حزب العاصفه
|
يانـجـد كم لي شهر يانجد ماجـيـتـك
يسوقني الشوق بس الشوق ماساقه! لاقـلــت تـكـفـى نــــروح الــيــوم راجـيـتــك قــدّم ظْـروفـه عـلـي واستشـهـد أوراقـــه ياطيـر عـرّض علـي واسمـع مْحاكيتـك الـجـو يصـلـح سـفـر والنـفـس مشـتـاقـه خذني على الريش,لامن طرت سليتك بشعرٍ يسلي جماهيره وعشاقه حلق ترى خاطري عمسان ماخفيتك شاكيتك الحال مالي عالصبر طاقه لو لي جناحين مثلك ماتمنيتك وماصار شوفي لْديرة ناسي شْفاقه يا قاف شعري من الوجداان غنيتك روحــي عـلـى نـجـد واهــل نـجــد تـواقــه |
|
19-02-2019, 11:23 PM | #25064 |
|
فالكم الدفا يا أهل البرد >>> درجة الحرارة عندنا حاليا 20درجة
والسلام عليكم .. عبدالله الصقري صح لسانك على المجاراة الرائعة الزعيم طابت جميع أوقاتك وصح لسانك الريم صح لسانك وطابت إقامتك الشاعرة صح لسانك .. قريت آخر مشاركة المنسوخة من نادي السلاطين مع المرحوم إن شاء الله أبو طلال رحمه الله وصح لسانك ، وقد أحييت فينا ذكرى السلاطين وأشعاره ومجارياته وأهله وناسه والوناسه .. شكرا لك،، والشكر والتقدير للجميع |
|
أدوات الموضوع | |
انواع عرض الموضوع | |
|
|