هنا .. سجن القوافي !!

يابيت في مجلسك ياما تقهويت
مهيله ماهيب كاسة سكافه

وياما نشدت ورد وانشد ورديت
قبال من راسي لراسه مشافه

من بعد ذاك العلم ياسمع ما اوحيت
همسٍ كما طعم العسل بالكنافه

من غيرهم لوهو لي يمد عييت
ولا بي على من راح غيره حسافه

سلام يا النسمه اللي ذعذت من جنوب
احس صدري توسع بعد ذعذاعها

تهتم لــ اشياء ولا تهتم لــ اشيا القلوب
توجع بهذي وهذي تبري اوجاعها

قل لــ اصفرٍ في شمال الدار وين اللعوب
اللي تحظن بطون تلاعك رباعها

بذاك الزمان الذي عليه كبدي تذوب
ومشاعري تصغي لطاريه باسماعها

ماهو بحبٍ لك ولا رغبةٍ فيك
يوم اتماها معك واسمع علومك

واختار الاسم الاجمل وفيه اناديك
وتخطي ولا اعاتب ولانيب الومك

ولو قلت لي اجل لما؟ قلت انبيك
وسمٍ بمن قد راح ارى في وسومك

إيه ونعم باربع حلايا يحاليك
لكن سهومه ما تساوي سهومك