حـرب الغــرام

لتواااااصل مع قلوبكم .... أرجوا تمريرهاااا

شوف عيني يافهد محد (ن) يقوله=لا تبرر موقفة والشك زالي
شايفة يجلس على يمينه وحوله =قاضب (ن) يدة ويضحك ما يبالي
وعذابي ليتني ما شفت زوله=تصفق يميني من الغبن الشمالي
حسبي الله كيف ينساء بالسهوله=عشرتي بالحب يومنه صفالي
يوم سوق الحب لي عندة عموله=رافعن سعر السهم مبلغ خيالي
يوم لا منه بغاء شين ينوله=نرخص إله الي بغى قبل السوالي
مانرد اله الطلب لاجاء رسوله=المصيبة فالخفاء شخص (ن) حكالي
كيف عذال الهوى فالبيت جوله=كيف ينساء ما بنينا فالليالي
كنت أضن إن العواذل لاحكوله=ما يصدق في وليفه قيل قالي
خاب ضني مير ما شي (ن) يهوله=مرخي لغير الولي مد الحبالي
عزتي فيني من أيام الطفوله=ما يغيرها الغرام ولا الهبالي
ما درى إني من قروم ومن حموله=عزتي هي عزوتي هي راس مالي
دام ورع اللاش يمناه مغسوله=ليت بنت اللاش ما تنجب عيالي
سل سيفك دام أنا لي معك صوله=بقطع أعروق الغرام ولا مجالي
ما نبا حرب الغرام أتصير جوله=خلها حرب البسوس الثار غالي
والنهاية يا فهد شي (ن) بقوله=كم كتبت من القصيد وكم غدالي
إحفظ الي قلت ثم سكر قفوله=دائم (ن) شمس الهوى قبل الزوالي